1 Samuel 7:9 - Bible in Tzotzil de Chenalhó with Deuterocanon

⁹ Li Samuele la stsac jcot unin chij ti ta to xchu'une; scotlijil la xchic'be smotonin li Muc'ul Diose. La sc'anbe vocol Muc'ul Dios noxtoc ta sventa li israeletique, i'aybat sc'op yu'un li Muc'ul Diose.

Bible in Tzotzil de Chamula

⁹ Ti Samuele laj yic' talel jcot ch'iom tot chij ti scotlej laj xchic' ta smoton ti Diose. Xvocolet liquel ta stojol ti Dios ta sc'anbel spojel ti Israele, ti tsacbil ich'bil sc'op yu'un ti Diose.

1 Samuel 7:9 Iomraidhean Croise

Jeremías 15:1

Jech laj yalbun noxtoc li Muc'ul Diose: “Ac'o me ja' chtal sva'an sbaic ta jtojol li Moisés xchi'uc Samuele, mu'yuc ono'ox ta xlecub co'nton ta stojol li achi'iltac li'i. Ac'o loq'uicuc o ta jtojol, ac'o baticuc o.

Salmos 99:6

Li Moisés xchi'uc Aarone ja' no'ox i'abtejic ta paleal yu'un Dios; li Samuele ja' no'ox ic'opoj ta stojol Dios. C'alal la sc'anbeic vocol li Muc'ul Diose, itac'bat li sc'opique.

Salmos 50:15

Ti c'alal oy avocol chava'yique, c'opanicun me; vu'un chajcoltaoxuc, vo'oxuc chavich'icun ta muc'”, xi li Diose.

1 Samuel 7:17

Te isutilan batel ta Ramá yu'un ja' te nacal. La xchapan noxtoc li israeletic te ta Ramae. Te la spasbe jun scajleb smoton Muc'ul Dios.

Santiago 5:16

Ja' yu'un jamal xavalbe abaic li amulique, talbat xac'opanbe abaic Dios ta atojolic, yu'un jech chacolic. C'alal tsc'opan Dios boch'o tuc' yo'ntone, oy lec stsatsal li sc'ope.

1 Samuel 16:2

Itac'ov li Samuele: —¿C'u x'elan xu' chibat? Yu'un me cha'ay li Saule ta xismilun —xut. Itac'ov li Muc'ul Diose: —Ic'o batel jcotuc unin tsebal vacax; albo ti ja' chbat amilbun ta sventa jmotone.

1 Samuel 10:8

Ts'acal jelovan batel ba'yuc ta Gilgal yo' bu chlic jtsob jbatic ta ts'acal sventa ta jchic'betic, ta jmilbetic smoton Dios sventa co'ol co'nton jchi'uctic. Te xamalun vucubuc c'ac'al, ja' to me lic'ote; te chacalbot c'usi tsc'an chapas —xut.

1 Samuel 9:12

Itac'ovic: —Ja', pero le' to nacal ta jelovel lume. Ac'beic yipal batel yu'un yo' to te talem ta lum, yu'un ja' yorail tsmilbeic smoton Dios te ta ch'ulna.

Jueces 6:28

Ta yoc'omal c'alal iliquic scotol li cristianoetic te ta lume, ja' to laj yilic ti jinesbil xa li scajleb smoton Baale, xchi'uc ti ts'etbil xa li te' te pajajtic ta nopol ti pasbil o ta sloc'obal Aserae. Xchi'uc laj yilic noxtoc ti oy xa yan scajleb matanal te pasbile, xchi'uc ti te xa chic'bil li xchibal vacaxe.

Jueces 6:26

Te xapasbun scajleb jmoton ta sjol li ch'ene, vu'un li Muc'ul Diosun avu'une. Milbun jmotonin li xchibal vacaxe; te xachic'bun. Ja' xavac'be si'ilin li te' chats'et te spajoj atote —xut.

Levítico 22:27

“C'alal me oy chvoc' avacaxic, achijic, o me atentsunique, vucub c'ac'al te ac'o chu'untasatuc yu'un sme'. Te xlic batel ta xvaxquibal c'ac'ale xu' xa chich' chiq'uel ta sventa jmoton; tsacbil xa chc'ot.

Deuteronomio 9:26

Ep la jc'anbe vocol li Muc'ul Diose. Jech laj calbe: ‘Cajval, Muc'ul Dios, mu me xavules li jchi'iltaque yu'un vo'ot laj aloq'ues tal ta mozoil te ta Egipto ta avu'el ta atsatsal.

1 Samuel 2:35

Vu'un ta jtic' jun pale ti lec tuc' yo'ntone, ti ja' tspas c'usi oy ta co'nton, xchi'uc c'usi jnopoje. J'ech'el ta xcac'beic o yabtelic xchi'uc yalab xnich'nab. Jech j'ech'el te chtunic o ta stojol li ajvalil jt'ujoje.

1 Samuel 12:17

A'yo ava'yic, li'i ja' yorail tuch' trigoaltic, jech mu'yuc chac' vo', ¿me mu jechuc? Pero vu'un ta jc'anbe Muc'ul Dios ti ac'o stac tal chauc xchi'uc tsots vo', yu'un jech ac'o avotquinic, ac'o ana'ic ti ta melel toj chopol c'usi laj apasic ta stojol Muc'ul Dios ti laj ac'anic jun ajvalil avu'unique —xut.