1 Samuel 7:3 - Bible in Tzotzil de Chenalhó with Deuterocanon

³ Ja' yu'un li Samuele jech laj yalbe scotol li israeletique: “Me ta melel scotol avo'nton chasutic tal yan velta ta stojol li Muc'ul Diose, loq'uesic ta atojolic li yantic diosetic avu'unique xchi'uc li sloc'obaltac Astarote. Ja' no'ox ac'o avo'ntonic ta stojol li Muc'ul Diose; ja' no'ox stuc xavich'ic ta muc', jech chascoltaoxuc loq'uel ta sc'ob li filistaetique”, xut.

Bible in Tzotzil de Chamula

³ Taj une, ti Samuele xi laj yalbe ya'i ti israeletique: “Mi ta sjunul avo'ntonic ta xasutic talel ta stojol ti Diose, tsots sc'oplal ta xatenic loq'uel ti yan diosetique, xchi'uc sloc'obbail ti Astartee, ti ta xavac' abaic ta tunesel yu'un ti Diose. C'ajomal no'ox stuc ta xavaq'uic ta ich'el ta muc'. Va'i un, ti stuque ta spojoxuc loq'uel ta yoc ta sc'ob ti contrainbiloxuc yu'un ti filisteoetique.”

1 Samuel 7:3 Iomraidhean Croise

Génesis 35:2

Li Jacobe laj yalbe ya'ay li yajnil xnich'nabe xchi'uc scotol li boch'otic te xchi'uque: —Loq'uesic scotol li sloc'obal diosetic avich'ojic tale. Atinanic lec; lapo yan ac'u'ic.

1 Reyes 11:33

Li Salomone laj xa sbajun comel; ja' xa bat yich' ta muc' li Astorete, ja' li sme' diosic sidonetique, xchi'uc li Quemose, ja' li sdiosic moabetique, xchi'uc li Moloque, ja' li sdiosic amonetique. Toj chopol c'usitic la spas ta jtojol; muc ja'uc la xch'un li mantaletic, li chanubtaseletic cu'un jech chac c'u cha'al la xch'un li Davide, ja' li stote.

1 Reyes 8:48

Yu'un me ta scotol sjol yo'ntonic tsutes yo'ntonic ta atojol te ta banamil ti bu chucbilic batel yu'un li yajcontraique, me chlic sc'opanicot, me tsq'uelic tal bu stuq'uil li banamil ti laj avac'be jmoltotcutic ta vo'onee, xchi'uc bu stuq'uil li lum t'ujbil avu'une, xchi'uc li ch'ulna la jpas ta aventae,

2 Reyes 17:39

Jtuc no'ox me xavich'icun ta muc', vu'un li Muc'ul Diosun avu'unique, jech chajcoltaoxuc loq'uel ta sc'ob li avajcontraique”, x'utatic ono'ox.

2 Reyes 23:15

Ja' jech la slilin noxtoc li scajleb matanaletic xchi'uc li toyol c'opojebaletic te ta Betel ti spasoj li Jeroboam, xnich'on Nabat, ti laj yac'be sa' smulic li israeletique. Biq'uitic la slilin ja' to ti c'alal ipas ta pucuc yu'une; ts'acal laj yac'be sc'ac'al. Jech noxtoc la xchic' ta c'oc' li sjalalme'ic, Asera sbie.

1 Crónicas 22:19

Ja' yu'un ich'ic me ta muc' ta sjunul avo'ntonic li Muc'ul Dios cu'untique. C'otuc me ta avo'ntonic ti chapasbeic jbej ch'ulna yu'une. C'alal me ivu' avu'unic li xch'ulnae, xu' li' chquich'betic jelovel tal li xcaxail smantale xchi'uc li c'usitic chtun ti voc'bil o ta stojole”, xut.

1 Crónicas 28:9

Jech ec li vo'ote, jquerem Salomón, otquino me lec li Dios cu'un, vu'un li atotune. Junuc me avo'nton, yutsiluc me avo'nton tunan yu'un. Yu'un xotquin c'usi ta jnoptic; sna' c'usi oy ta co'ntontic. Me oy ta avo'nton chasa'e, chac' sba ta ilel ta atojol. Yan me chavicta comele, j'ech'el chascomtsanot o ec.

2 Crónicas 19:3

Pero oy to c'usi lec apasoj, yu'un laj aloq'ues li sloc'obal Asera li' ta cosilaltique, xchi'uc ja' avac'oj avo'nton ta sa'el li Diose”, x'utat.

2 Crónicas 20:33

Pero mu'yuc ono'ox xloc' yu'un scotol li c'opojebaletic ta toyol vitsetique, yu'un li judaetique mu junuc yo'ntonic la sts'aclinic o li Dios yu'un smoltot syame'ic ta vo'onee.

2 Crónicas 30:19

vo'ot li Muc'ul Diosot yu'un jtot jme'cutic ta vo'onee, yu'un mu'yuc yac'oj sbaic ta lecubtasel jech chac c'u cha'al sc'oplal ta jpascutic li' ta ch'ulna avu'une”, xi.

Proverbios 16:1

Li cristianoetique ja' tsnopic li c'usi tsc'an tspasique; pero ja' Muc'ul Dios chal me xu' chc'ot ta pasel.

Isaías 55:7

Vo'oxuc li jpasmuliloxuque, comtsanic li be atamojique; vo'oxuc ti ep sbolil avo'ntonique, comtsanic li c'usi chopol chanopique. Sutanic tal ta stojol li Muc'ul Diose, yu'un li stuque toj ep c'uxubinel yu'un; li Dios cu'untique toj ep perdón yu'un.

Jeremías 24:7

Ta jelbe yo'ntonic, yu'un jech chlic c'otuc ta yo'ntonic ti vu'un Muc'ul Diosune. Ja' jteclumal chc'otic o, jech vu'un Diosun yu'unic ta xc'ot ec, yu'un ta sutic tal ta jtojol ta scotol yo'ntonic.

Jeremías 36:3

Naca me ja' to jech xlic scomtsan c'usi chopol tspas li judaetic c'alal me cha'yic scotol c'u x'elan li vocol ta jtacbe tal ta stojolique; jech xu' ta jpasbe perdón li smulique, li xchopolilique”, x'utat.

Jeremías 4:1

Jech chcal vu'un li Muc'ul Diosune: “Israel, me chac'an chasut tale, la' me li' ta jtojole. Me chajip comel ta avo'nton li c'usi toj chopol chquile, me mu xabat ta buyuc no'oxe,

Ezequiel 14:6

“Jech xavalbe scotol li ateclumale: ‘Jech chal li Muc'ul Diose, ja' li Cajvaltique: Sutanic tal ta jtojol. Voc'o abaic ta stojol li c'usitic mu'yuc stu jech chac c'u cha'al c'a'epe. Jipic comel ta avo'ntonic li c'usitic toj chopol chapasique’, uto.

Ezequiel 18:31

Jipic comel scotol li achopolilic, li amulic asa'ojic ta jtojole. Pasic ta ach' li ajol avo'ntonique. ¿C'u yu'un ti te no'ox avabinoj aba chachamique, israeletic?

Oseas 14:1

Israel, sutan tal yan velta ta stojol li Dios avu'une, yu'un yalemot ta lum ta scoj li amule.

San Mateo 15:8

‘Li cristianoetic li'i, chiyich'icun ta muc' ta yeic no'ox; pero li yo'ntonique nom oy ta jtojol.

San Mateo 4:10

Ja' yu'un li Jesuse jech laj yalbe: —Batan, Satanás. Yu'un jech ts'ibabil ta sc'op Dios: ‘Ja' no'ox xavich'ic ta muc' stuc li Cajvaltique, ja' li Dios avu'une, ja' no'ox xaquejan aba ta stojol’, xi ts'ibabil —xut.

San Mateo 6:24

“Mu'yuc boch'o xu' yu'un me tsa' chib yajval. Yu'un xu' tsbaj li june, xu' ja' lec tsc'an li yane; xu' ja' lec chil li june, xu' tslaban li yane. Ja' no'ox jech mu xu' chatunic yu'un Dios me ja' batem avo'ntonic yu'un ac'ulejalique.

San Lucas 4:8

Itac'ov li Jesuse: —Jech ts'ibabil ta sc'op Dios: ‘Ja' no'ox xavich'ic ta muc' stuc li Cajvaltique, ja' li Dios avu'une, ja' no'ox xaquejan aba ta stojol’, xi ts'ibabil —xut.

San Juan 4:24

Li Jtotic Diose mu'yuc sbec'tal, jech mu xavilic. Ja' jech tsc'an chich'ic ta muc' Dios ta yo'ntonic ec li boch'otic ta melel scotol yo'nton chich'ic ta muq'ue —xi li Jesuse.

Deuteronomio 10:20

“Ich'ic me ta muc' li Muc'ul Diose cu'untique. Ja' no'ox me xaquejan abaic ta stojol. Junuc me avo'ntonic ta stojol. C'alal me oy c'usi chac'an chavalic ti chava'anic testigoe, ja' me xava'anic ta testigo stuc li Muc'ul Diose.

Deuteronomio 13:4

Ja' no'ox me xats'aclinic o li Muc'ul Dios cu'untique. Ja' no'ox xavich'ic ta muc' stuc. Ch'unbeic me li smantaltaque. A'ibeic li sc'ope. Tsobo abaic ta yich'el ta muc'. Te me oyanic o ta stojol.

Deuteronomio 4:29

Pero me te chlic asa'ic ta scotol ajol avo'ntonic li Muc'ul Dios cu'untique, ta ono'ox xataic.

Deuteronomio 6:13

Ja' no'ox xavich'ic ta muc' stuc li Muc'ul Dios cu'untique. Ja' no'ox xaquejan abaic ta stojol. C'alal me oy c'usi chavalic ti chava'anic testigoe, ja' me xavalbeic sbi li Diose.

Josué 13:31

Xchi'uc ja' laj yich'beic o'lol yosilal li Galaade, xchi'uc scotol li muc'tic lumetic te ta Astarot xchi'uc ta Edrei ti sventainoj to'ox li ajvalil Og ta Basane. Scotol le'e ja' yosilalic ic'ot li j'o'lol xnich'nab Maquire, ja' li xnich'on Manasese, ja' ti c'u yepal oyic ta jujuchop sbiique.

Josué 24:14

—Ja' yu'un ich'ic me ta muc' li Muc'ul Diose; scotoluc avo'nton tunanic yu'un. Comtsanic o yich'el ta muc' li yantic diosetic ti ja' itunic yu'un jmoltotactic ta vo'one c'alal te nacalic ta ti' uc'um Éufrates xchi'uc ta Egiptoe. Ja' tunanic o yu'un li Muc'ul Diose.

Josué 24:23

Jech laj yal li Josuee: —Pero loq'uesic scotol li yan diosetic te oy ta atojolique. Scotoluc avo'nton te oyanic o ta stojol li Muc'ul Dios yu'un Israele —xut.

Jueces 10:16

Jech lic sloq'uesic ta stojolic li yantic diosetic yu'unique; ja' lic yich'ic ta muc' stuc li Muc'ul Diose. Li Muc'ul Diose toj abul sba laj yil ti ep chich'ic vocol li israeletique.

Jueces 10:6

Li israeletique lic spasic c'usi chopol yan velta ta stojol li Muc'ul Diose; ja' lic tunicuc yu'un li Baaletique, xchi'uc li Astarote, xchi'uc li diosetic yu'un Siria, Sidón, Moab, xchi'uc li diosetic yu'un xnich'nab Amón xchi'uc filistaetique. Ja' la scomtsanic o li Muc'ul Diose; muc xa ja'uc xtunic yu'un.

Jueces 2:11

Ts'acal to, li israeletique chopol c'usi lic spasic ta stojol li Muc'ul Diose; ja' lic tunicuc yu'un li sloc'obaltac Baale.

Jueces 2:13

Ja' yu'un la scomtsanic o li Muc'ul Diose; ja' bat yich'ic ta muc' li Baal xchi'uc Astartee.

1 Samuel 31:10

Te la stiq'uic ta xch'ulna Astarot li yabtejeb Saule, xchi'uc te la sjoc'anbeic ta scoraltonal lum Bet-sán li sbec'tale.