1 Samuel 5:4 - Bible in Tzotzil de Chenalhó with Deuterocanon

⁴ Pero ta yoc'omal c'alal ibatic yan veltae, balch'ujem ic'ot staic te ta sts'el xcaxail smantal Muc'ul Dios noxtoc. C'asem snuc' xchi'uc xchibal sc'ob te ta smarcoal ti'na. Ja' xa no'ox te comen li xch'ute.

Bible in Tzotzil de Chamula

⁴ C'alal c'otic yan velta ti jnaclejetic ta Asdod ta yoc'omale, ja' to laj yilic xtoc ti telel xa ta banomil ti Dagón ta sts'el xcaxa Dios laj staique. Nom xa bejel ti sjole. C'asem xa ti xchibal sc'ob javal ta lumtique. Ja' xa no'ox lec com jc'os ti xch'ut ta yavil ti bu va'al to oxe.

1 Samuel 5:4 Iomraidhean Croise

Isaías 27:9

Pero ta spasbe perdón yu'un smul; ja' xch'ayubil smul chc'ot me tspasic jech chac c'u cha'al li'i: Me tslilin scotol li scajleb smoton c'usi mu ja'uc diose, me tan chcom yu'un scotol li tonetique, xchi'uc me mu'yuc xa tsva'anic o li anbil chumante' ti yich'ojic ta muq'ue xchi'uc li scajlebtac xchic'ubil pome.

Isaías 40:20

Yan li boch'o me'one ja' tst'uj lec te' ti mu sna' xjoch'ine, xchi'uc ja' tsa' li boch'o chanem xa lec ta spasele, yu'un jech lec tsinil chcom, jech mu xbalch'uj.

Jeremías 10:11

Israeletic, jech xavalbeic li boch'o mu'yuc yich'ojic ta muc' cuxul Diose: “Li diosetic ti mu ja'uc la spasic li vinajel banamile, ta sacch'ayic li' ta sba banamil; me junuc mu'yuc ta xcomic li' ta yolon vinajel”, utic.

Jeremías 10:14

Scotol li cristianoetique mu'yuc sbijilic, bol c'otemic o. Li boch'o ta spasic sloc'obal diosetique ta xyalic ta q'uexlal, yu'un puru lo'lael li c'usi tspasique, yu'un mu cuxuluc.

Jeremías 10:15

Mu'yuc stu, altic no'ox li yabtelique. C'alal tsta yorail tstoj smulic yu'un Diose, ta xchamic o.

Jeremías 50:2

“Alic batel, aq'uic ta na'el ta yantic lumetic. Aq'uic lec ta ilel senyail; mu me xamuquic, puquic batel. Jech xavalic: ‘¡Li Babiloniae ch-och xa ta c'abal! ¡Li dios Bele tstsalat xa! ¡Li dios Merodaque mu'yuc c'usi stu chcom! ¡Li sloc'obal diosetic te va'ajtique ta xa xich' voq'uel, ta xa xich' lilinel!’, chianic.

Daniel 11:8

Jech noxtoc li diosetic, li loc'ometic yu'unique xchi'uc li c'usitic pasbilic ta unijesbil taq'uin, ta saquil taq'uin, ta c'anal taq'uine ta x'ich'bat batel ta Egipto. C'alal ch-ech' jayibuc jabil mu'yuc tscontrain sbaic li chib ajvalile,

Miqueas 1:7

Li c'usitic scuyoj ta sdiosique ta jlilin scotol; li te'etic yich'ojic ta muq'ue ta xcules scotol. Jech noxtoc li matanaletic chaq'uic ta stojol sdiosique ta jchic' ta c'oc' scotol. Yu'un ta smoton taq'uin jmulavil antsetic la spasic o, jech ta staq'uin jmulavil antsetic ta xbat cu'un noxtoc”, xi.

1 Samuel 6:5

Pasbeic sloc'obal li apunetic xchi'uc li ch'oetic ti la soquesic cosilaltique, xchi'uc albeic slequilal li Dios yu'un israeletique. Oy yic'al ja' to jech chacolic o ta stojel amulic, xchi'uc li dios avu'unique, xchi'uc li avosilalique.