1 Samuel 5:3 - Bible in Tzotzil de Chenalhó with Deuterocanon

³ Ta yoc'omal c'alal ic'otic li jnaclumetic ta Asdode, ja' to laj yilic ti mochol ta lumtic ta stuq'uil caxa la staic li Dagone. Jech te la stoyic liquel; laj yaq'uic ta yav.

Bible in Tzotzil de Chamula

³ Ti jnaclejetic ta Asdode, ti c'alal c'otic ta yoc'omale, ja' to laj yilic ti telel xa ta banomil ti dios Dagón ta sts'el xcaxa ti Diose. Va'i un, laj stoyic liquel ti Dagone, bat sva'anic comel ti bu no'ox sva'lebe.

1 Samuel 5:3 Iomraidhean Croise

1 Reyes 18:26

Laj yiq'uic li jcot vacaxe; la smeltsanic. Te lic sc'opanic li Baale; la sliquesic ta sob c'alal to o'lol c'ac'al jech laj yalic: “¡Baal, tac'bun li jc'opcutique!”, xutic. Pero mu'yuc boch'o xtac'ov. Te ch-ac'otajic ta spat xocon li scajleb smoton spasojique.

Salmos 115:7

Oy sc'obic, pero mu c'usi stsac yu'unic; oy yacanic, pero mu xanovic; mu xu' chc'opojic xchi'uc li snuq'uique.

Salmos 97:7

Chyalic ta q'uexlal li boch'otic tscuyic ta Dios li c'usitic loc'tabil no'oxe, ti stoyoj sba xchi'uquic li c'usi cuybil ta diosetique. Scotol li diosetic yu'unique tsquejan sbaic ta stojol li Muc'ul Diose.

Éxodo 12:12

Te no'ox ta yac'ubalil ta xijelov ta scotol li Egiptoe. Ta x'ech' jmilanbe sba xnich'nab li egiptoetic ta jujubej snaique xchi'uc li sba yol sts'unub yovolique, yu'un chcac' ta ilel ti mu'yuc svu'el li diosetic yu'unique. Jech ta jpas, vu'un li Muc'ul Diosune.

Isaías 19:1

Laj yich' albel sc'oplal c'usi chc'ot ta pasel ta stojol li Egiptoe: Q'uelavilic, li Muc'ul Diose cajal ta jun toc ti anil chanove, ta x'och batel ta Egipto. Li sloc'obaltac sdiosic ta Egiptoe xt'elajetic ta xi'el ya'yel ta stojol li Muc'ul Diose; li egiptoetique ch-alub yo'ntonic ta scoj xi'el.

Isaías 40:20

Yan li boch'o me'one ja' tst'uj lec te' ti mu sna' xjoch'ine, xchi'uc ja' tsa' li boch'o chanem xa lec ta spasele, yu'un jech lec tsinil chcom, jech mu xbalch'uj.

Isaías 41:7

Li jpasloc'ometique la stsatsubtasbe yo'nton li boch'o ch-abtej ta saquil taq'uine; li boch'o tspic martilloe la stsatsubtasbe yo'nton li boch'o tsten taq'uin ta stenubile, jech chalbe: “Lec chbat spaq'uel li taq'uinetique”, xut. Jech chlic sbaj lec ta lavux li loc'ome; lec tsinil tspas yu'un jech mu xbalch'uj.

Isaías 46:7

C'alal me ivu' yu'une, chq'uech batel ta snecub; chc'ot sva'an ta yavil, mu xbac' o. Chlic sc'opan, pero mu xtac'bat; mu xcoltaat ta sventa li svocole.

Jeremías 10:8

Li stuquique bol cristianoetic no'ox c'otemic, mu'yuc sbijilic, yu'un mu xbijubtasatic jutuc yu'un li c'usitic pasbil ta te'e.

Sofonías 2:11

Ja' yu'un li Muc'ul Diose toj xi'bal sba tspas sba ta stojolic; ta xules scotol li diosetic li' ta banamile. Jech chlic ich'atuc ta muc' ta buticuc no'ox banamilal, xchi'uc chlic ich'atuc ta muc' te ta banamiletic ti cacajtic ta nabe.

Marcos 3:11

C'alal laj yilic Jesús li pucujetic ti ochem ta yo'nton cristianoetique, la squejan sbaic ta stojol, jech lic avanicuc: —Vo'ot Xnich'onot Dios —xiic.

1 Samuel 6:1

Li xcaxail smantal Muc'ul Diose vucub u te oy ta yosilal li filistaetique.

1 Samuel 6:5

Pasbeic sloc'obal li apunetic xchi'uc li ch'oetic ti la soquesic cosilaltique, xchi'uc albeic slequilal li Dios yu'un israeletique. Oy yic'al ja' to jech chacolic o ta stojel amulic, xchi'uc li dios avu'unique, xchi'uc li avosilalique.