1 Samuel 4:4 - Bible in Tzotzil de Chenalhó with Deuterocanon

⁴ Jech la staquic batel viniquetic ta Silo yu'un bat yich'beic tal xcaxail smantal li Muc'ul Dios ti tspas ta mantal scotol te ta vinajele, ti te nacal ta o'lol yu'unic li chib sloc'obal querubinetique., Li chib xnich'nab Elie, ja' li Ofni xchi'uc Fineese, te xchi'inojic batel li xcaxail smantal Muc'ul Diose.

Bible in Tzotzil de Chamula

⁴ Ja' yu'un un, ti israeletique laj staquic batel jvoc' viniquetic ta Silo yo' jech ta xich'ic talel xcaxail strate ti Dios ti scotol xu' yu'une, ti ta spas mantal ta o'lol ti bu va'al chib sloc'obbail ti c'usi oy xiq'uique. Jech ti Ofnie xchi'uc ti Fineese, ti xchibal xnich'nab ti Elie, jmoj batic xchi'uc xcaxail strato ti Diose.

1 Samuel 4:4 Iomraidhean Croise

2 Samuel 15:24

Te ibat ec li Sadoque xchi'uc scotol li levietic ti yich'ojbeic batel xcaxail smantal Diose. Te to la scotanic li caxae, ja' to ti c'alal iloq'uic xa batel ta lum scotol li israeletique; ts'acal te ic'ot ec li Abiatare.

2 Samuel 6:2

Ibatic ta lum Baala te ta Judá xchi'uc scotol li xchi'iltaque, yu'un bat yich'ic jelovel tal li xcaxail smantal Dios yo' bu chich' c'opanel Muc'ul Dios te ta o'lol li chib sloc'obal querubinetique.,

2 Reyes 19:15

Te lic sc'opan Dios: “Muc'ul Dios, Dios yu'un Israel, vo'ot ti te nacalot ta o'lol yu'un li chib sloc'obal querubinetique., Vo'ot no'ox atuc Diosot yu'un scotol li ajvaliletic li' ta banamile. Vo'ot laj apas li vinajel xchi'uc banamile.

Salmos 80:1

Jchabichij yu'un Israel, a'ibun li ca'yeje, vo'ot ti chachabibe li sts'unubal José jech chac c'u cha'al chije, vo'ot ti te nacalot ta o'lol yu'unic li chib querubinetique,, ac'o tal li axojobale.

Salmos 80:2

Coltao ta sventa atsatsal li sts'unubal Efraín, Benjamín, xchi'uc Manasese; la' me coltauncutic.

Salmos 99:1

Li Muc'ul Diose ja' muc'ta Ajvalil stuc, ac'o nicuc scotol cristianoetic ta jujun lum; li Muc'ul Diose te chotol ta xchotleb ta sba yac'ol li querubinetique, ac'o nicuc sbejel banamil.

Isaías 37:16

“Muc'ul Dios, vo'ot ti ech'em avu'ele, vo'ot Diosot yu'un li Israele, vo'ot ti te nacalot ta o'lol yu'un li chib sloc'obal querubinetique, vo'ot no'ox atuc Diosot yu'un scotol li ajvaliletic ta banamile, vo'ot laj apas li vinajel banamile.

Malaquías 1:9

Ja' yu'un li' ta orae c'anbeic Dios ti ac'o xc'uxubinoxuque. Pero jech chal li Muc'ul Diose: “¿C'u x'elan xu' lec chaquiloxuc ti jech chapasic chac le'e?

Números 4:15

C'alal me laj yo'ntonic ta xpixel c'usitic chtun ta jventa li Aarón xchi'uc xnich'nabe, xchi'uc me lec xa chapal yu'unic sventa chich'ic batel c'alal chanovique, ac'o talicuc li smomnich'nabtac Coate. Ja' ac'o yich'ic batel scotol. Pero me jutuc mu me spic ta sc'obic li c'usi voc'bil cu'un sventa cabtele yu'un jech mu xchamic ta jtojol. Scotol li c'usitic chtun te ta ch'ulna pasbil ta nucule ja' yabtel chich'ic batel li smomnich'nabtac Coate.

Números 4:5

C'alal me oy chc'ot yorail chanovic batel yan velta li achi'iltaque, li Aarón xchi'uc xnich'nabe ja' tsloq'uesic li velo ti macbil o li bats'i lequil ch'ul cuartoe. Ja' ta xpixic o li xcaxail jmantale.

Números 7:89

C'alal i'och ta ch'ulna pasbil ta nucul li Moisés sventa tsc'opan sbaic xchi'uc Diose, laj ya'ay ti laj yich' c'opanel yu'un Dios te ta jot spat xcaxail smantal Dios te ta o'lol yo' bu va'ajtic li sloc'obal querubinetique.

1 Samuel 1:24

C'alal icom xa xchu'e, laj yic' batel ta xch'ulna Muc'ul Dios te ta Silo, xchi'uc oxcot ch'ium tot vacaxetic, xchi'uc chib xcha'vinic (22) litro arina, xchi'uc jbej q'uib ya'lel ts'usub. Li quereme biq'uit to'ox.

1 Samuel 14:3

Li boch'o slapoj batel li mocan c'u'il sventa palee ja' li Ahías, xnich'on Ahitobe. Ja' li sjunich'on Icabod, xnich'on Fineese; ja' li smomnich'on Elie. Ja' li pale yu'un Muc'ul Dios te ta Siloe. Scotol li yantique muc sna'ic me batem xa li Jonatane.

1 Samuel 2:22

Li Elie toj mol xa, la sna' scotol c'usi chopol tspasic ta stojol israeletic li xnich'nabe, xchi'uc ti chchi'inic ta vayel li antsetic te chchabiic ti'ch'ulna pasbil ta nucule.