1 Samuel 4:3 - Bible in Tzotzil de Chenalhó with Deuterocanon

³ C'alal isutic ta scarpanaic li israeletique, li banquilaletic yu'unique jech laj yalic: “¿C'u yu'un laj yac'utic ta milel yu'un filistaetic li Muc'ul Diose? Ja' lec bat quich'tic tal li xcaxail smantal Muc'ul Dios te ta Siloe yu'un li' ac'o oyuc ta jtojoltic, jech xu' chiscoltautic loq'uel ta sc'ob li cajcontratique”, xiic.

Bible in Tzotzil de Chamula

³ C'alal sutic batel ti j'ac'-leto israeletic ti bu svoloj sbaique, xi laj yalic ti moletic yu'un ti Israele: “¿C'u cha'al laj yac' ye sti' ti Dios ti jech tsalbil lijc'ot yu'un ti filisteoetic avie? ¡Ba quich'tic talel ta Silo xcaxail strate ti Diose yo' jech poybil ta xbat ta o'lol cu'untic, ti mu tsalbiluc ta xijc'ot yu'un ti cajcontratique!”

1 Samuel 4:3 Iomraidhean Croise

2 Samuel 15:25

Pero li ajvalile jech laj yalbe li pale Sadoque: —Ich'o sutel ta lum li caxae, yu'un me laj to xc'uxubinun li Muc'ul Diose, ta xiyac'un sutel tal li'i. Jech li' to ta xvul jq'uel li caxae xchi'uc li yav bu oye.

1 Crónicas 17:1

C'alal nacal xa'ox ta spasubmantal li ajvalil Davide, jech lic yalbe li j'alc'op Natane: —Q'uelavil, li vu'une nacalun xa ta jpasubmantal ti pasbil lec ta ch'ut te'e, pero li xcaxail smantal Muc'ul Diose te no'ox vuchul ta yolon poq'uetic —xut.

Salmos 74:1

Dios cu'un, ¿c'u yu'un ti j'ech'el laj abajuncutic oe? ¿C'u yu'un ti ilic sc'ac'al avo'nton ta stojol li achijtac ti te oyic ta sve'ub avu'une?

Salmos 74:11

¿C'u yu'un ti mu'yuc bu chabaq'ues o ac'obe? ¿C'u yu'un ti jeche' te ameyoj o ac'obe?

Isaías 50:1

Li Muc'ul Diose jech chal: “¿Bu oy svunal ti j'ech'el laj quicta o li ame'ique, ja' li Israele? ¿Me yu'un ta scoj oy ep quil ti la jchonoxuc batele? Ta scoj achopolil atuquic ti laj avich'ic chonel batele; ta scoj atoyobbailic ti laj quicta li ame'ique.

Isaías 58:3

Pero jech chiyalbicun: ‘¿C'usi stu ta xquictacutic ixim ti me mu xatuc'ulanbuncutique? ¿C'u yu'un ta xcac' jvocolcutic ti me mu'yuc stu ta avo'ntone?’, xiic. Jech chcalbeic: ‘C'alal yorail chavictaic ixime, chamanulajic, chachonolajic noxtoc; chamilic ta abtel noxtoc li aviniquique.

Isaías 59:1

Li Muc'ul Diose mu yu'unuc lajem stsatsal ti mu xcoltavane; mu yu'unuc ipas ta coc ti mu xa'ay ac'opique.

Isaías 59:2

Ta scoj achopolil atuquic ti jech lic avoc' aba achi'uquic li Diose; ta scoj amul atuquic ti jech la snac' sba ta atojolique, ti jech mu xa xa'ay ac'opique.

Jeremías 3:16

C'alal me la'epajic, me labolic xa'ox te ta avosilalique, mu'yuc xa boch'o chc'opoj ta sventa li xcaxail jmantale, mu'yuc xa boch'o tsnop, mu'yuc xa boch'o tst'ab, yu'un mu'yuc xa ta yo'ntonic o, xchi'uc mu snopic me tspasic yan. Jech chcal vu'un li Muc'ul Diosune.

Jeremías 7:4

Mu me xavich'beic ta muc' c'usi chalic li boch'otic ja' no'ox chlo'lavanic ti jech chalilanique: Li'i ja' ch'ulna yu'un Muc'ul Dios; ja' ch'ulna yu'un Muc'ul Dios, ja' ch'ulna yu'un Muc'ul Dios, ti xiique.

Números 10:33

Jech itotsic batel te ta vits yu'un Muc'ul Dios; oxib c'ac'al ixanovic batel. Li xcaxail smantal Diose ja' ba'yucbe ibat yu'unic. Te la sa'ilanic batel bu banamilal xu' ta xcux yo'ntonic, yu'un jech xu' te ta spas scarpanaic.

Números 10:35

Ta jujun velta c'alal ta xanovic batel xchi'uquic li xcaxail smantal Diose, li Moisese jech chal: “Muc'ul Dios, lican xa me. Ac'o spuc sbaic batel li avajcontrataque. Ac'o jatovicuc batel ta anil avu'un li boch'o chasbajicote”, xi.

Números 31:6

Li Moisese la stac batel ta pleito. Ja' la xchi'inic batel li Finees, ja' li xnich'on pale Eleazare. Ja' yich'oj batel li vasoetic te ta ch'ulnae xchi'uc li oq'uesetic sventa c'u x'elan chlic pleitoe.

Deuteronomio 29:24

“Scotol li cristianoetic ta banamile jech chlic sjaq'uic: ‘¿C'u yu'un jech la spas Muc'ul Dios ta sventa li banamil li'i? ¿C'u yu'un ti tsots ilic sc'ac'al yo'nton ta stojole?’, xi chlic sjaq'uic.

Deuteronomio 31:26

“Ich'ic li svunal mantaletic li'i. Aq'uic ta sc'al li xcaxail c'usi xchapanoj Muc'ul Diose yu'un jech te ac'o oyuc o. Ja' sventa chana'ic o c'usi chc'ot ta pasel ta atojolic.

2 Timoteo 3:5

Jch'unolajel scuyoj sbaic, pero mu xaq'uic ta ilel ti oy stsatsal li Diose. Li boch'otic jech tspasique mu me xachi'in.

Hebreos 9:4

Ja' te oy li scajleb xchic'ubil pom pixbil ta c'anal taq'uine, xchi'uc li xcaxail smantal Dios pixbil ta c'anal taq'uin ta yut xchi'uc ta spate. Ja' te tiq'uil li jun bin pasbil ta c'anal taq'uin sventa yavil manavaje. Xchi'uc ja' te tiq'uil noxtoc li snamte' Aarón ti inichine, xchi'uc li cha'pech ton yo' bu ts'ibabil smantaltac Diose.

Josué 4:7

jech xavalbeic: ‘Li'i, ja' senyail ti la svoc' sba li uc'um ta sventa li xcaxail smantal Muc'ul Diose. Yu'un c'alal ijelov tal ta uc'um li xcaxail smantal Diose, la svoc' sba li uc'ume. Ja' yu'un li tonetic li'i ja' sna'ubil chcom o cu'untic c'alal ta calab jnich'nabtic ti oy c'usi lec ic'ot ta pasel ta jtojoltic, vu'utic li israelutique’, utic”, xi li Josuee.

Josué 6:6

Jech li Josuee lic yic'an li paleetique, jech laj yalbe: “Ich'ic batel li xcaxail smantal Diose. Vucuboxuc jelovanic batel ta ba'yucbe yu'un li caxae. Ich'ic batel jujun acachuic pasbil ta xulub chij”, xut.

Josué 7:7

Li Josuee jech laj yal ta stojol li Muc'ul Diose: —Ay, Cajval, ¿c'u yu'un ti laj avac' jelovcuncutic tal li' ta jot uc'um Jordán, yu'un tal avac'uncutic ta milel jcotolcutic yu'un li amorretique? Ja' lec ti teuc no'ox licomcutic ta jot uc'um Jordane.

Josué 7:8

Ay, Cajval, ¿c'usi ta xcal ta sventa ti nutsbil isutic tal yu'un cajcontracutic li jchi'iltaque?

1 Pedro 3:21

Li vo' le'e ja' senyail li vo' chquich'tique, jech chijcolutic. Li vo' chquich'tique mu ja'uc sventa chispocbutic jbec'taltic. Ja' sventa ti lecuben xa jol co'ntontic ta stojol Dios ta sventa ti icha'cuxi li Jesucristoe.

Judas 1:5

Ac'o me ana'ojic lec c'usi ipasbatic yu'un Dios li israeletic ta vo'onee, pero ta jcha't'abboxuc ava'yic. C'alal la scolta loq'uel ta Egiptoe, laj yules scotol li boch'otic muc xch'unique.

1 Samuel 1:24

C'alal icom xa xchu'e, laj yic' batel ta xch'ulna Muc'ul Dios te ta Silo, xchi'uc oxcot ch'ium tot vacaxetic, xchi'uc chib xcha'vinic (22) litro arina, xchi'uc jbej q'uib ya'lel ts'usub. Li quereme biq'uit to'ox.

1 Samuel 14:18

Li Saule jech laj yalbe li Ahiase: —Ich'ic tal li mocan c'u'ile —xut. Yu'un ja'o yorail te yich'ojic israeletic li mocan c'u'il yu'un Diose.

1 Samuel 4:2

Jech lic spasic pleito xchi'uc israeletic li filistaetique. C'alal sbats'ilic pleitoe, ja' itsalatic li israeletique; imilatic chanmil (4,000) viniquetic te ta pasub pleito.