1 Samuel 4:2 - Bible in Tzotzil de Chenalhó with Deuterocanon

² Jech lic spasic pleito xchi'uc israeletic li filistaetique. C'alal sbats'ilic pleitoe, ja' itsalatic li israeletique; imilatic chanmil (4,000) viniquetic te ta pasub pleito.

Bible in Tzotzil de Chamula

² ti xc'uletic no'ox batel ta stsaquel ta leto ti israeletique. C'alal xc'anobaj no'ox liquel ti leto yu'unique, tsalbil c'otic ti israeletic yu'un ti filisteoetique. Lajic ta milel chanmil (4,000) ta vo' viniquetic ti c'alal xyaquet ti letoe.

1 Samuel 4:2 Iomraidhean Croise

Lamentaciones 3:40

Jnoptic lec c'u x'elan li be jtamojtique; sutcutic batel yan velta ta stojol li Muc'ul Diose.

Levítico 26:37

Stuquic xa no'ox te tstsuculin sbaic, yu'un ja' jech chjatovic batel jech chac c'u cha'al nutsbilic ta pleito ac'o me mu'yuc nutsbilic. J'ech'el mu xu' avu'un chapoj abaic o yu'un li avajcontraique.

Números 14:45

Li amalequetic xchi'uc canaanetic te nacajtique iloq'uic tal scotolic. La snutsic tal scotol c'alal to ta Horma li israeletique. Jech tsalbil icomic o li israeletique.

Josué 7:12

Ja' ta scoj ti mu xa xu' avu'un chatsalic li avajcontraique. Persa nutsbil chasutic tal yu'un li avajcontraique, yu'un vo'oxuc tsc'an chc'ot ta atojol atuquic li vocole. Me mu xaloq'uesic li c'usi chopol te oy ta atojolique, mu'yuc xa bu chajchi'inoxuc o.

1 Samuel 17:21

Li israeletic xchi'uc filistaetique lec xa sq'uelojbe sba satic ta xcha'voc'alic.

1 Samuel 17:8

Li Goliate iva'i, jech lic yalbe scotol li soldado israeletique: —¿C'usi sventa ti lec chapal latalic ta sventa pleitoe? Li vu'une filista vinicun; li vo'oxuque yaj'abteloxuc no'ox li Saule. T'ujic junuc achi'ilic ac'o yaluc tal, ta jpascutic pleito jchi'uc.

1 Samuel 4:1

Li Samuele laj yalbe scotol israeletic c'usi i'albat yu'un li Muc'ul Diose. Ja'o yorail italic li filistaetique, tal spasic pleito xchi'uc li israeletique. Jech iloq'uic batel ec li israeletique, bat spas scarpanaic ta Eben-ezer. Li filistaetique te la spas scarpanaic ta Afec.

1 Samuel 4:10

Li filistaetique lic spasic pleito; ja' itsalatic li israeletique. Ta jujuntal ijatovic sutel ta scarpanaic. Bats'i ep ilajic ta milel; ichamic lajuneb xcha'vinic ta mil (30,000) li israeletique.

1 Samuel 4:3

C'alal isutic ta scarpanaic li israeletique, li banquilaletic yu'unique jech laj yalic: “¿C'u yu'un laj yac'utic ta milel yu'un filistaetic li Muc'ul Diose? Ja' lec bat quich'tic tal li xcaxail smantal Muc'ul Dios te ta Siloe yu'un li' ac'o oyuc ta jtojoltic, jech xu' chiscoltautic loq'uel ta sc'ob li cajcontratique”, xiic.