1 Samuel 26:3 - Bible in Tzotzil de Chenalhó with Deuterocanon

³ Te c'ot spas scarpanaic ta sjol unin vits ta Haquila ta nopol ti'be ta yeloval xocol banamil. Pero li Davide laj ya'ay ti te xa nopol oy batel li Saúl yo' bu oye.

Bible in Tzotzil de Chamula

³ C'ot slaman sbaic ta vitstic yu'un Haquila ta nopol ti' be ta yeloval sbajtical banomil. Ti jech oy ta sbajtical banomil ti Davide, laj yil ti tijlibil batel yu'un ti Saúl c'alal to bu taje.

1 Samuel 26:3 Iomraidhean Croise

Salmos 63:1

Dios, vo'ot no'ox Diosot cu'un, tsots ac'oplal ta sa'el cu'un; taquin co'nton ta asa'el chca'ay; chajc'anot ta scotol jbec'tal. Ja' jechun jech chac c'u cha'al banamil ti taquin xae, ti mu xa c'usi chcuxi ta scoj ti mu'yuc ya'lele.

1 Samuel 23:15

Li Davide ta xi' yu'un li Saule yu'un t'unbil xa o sventa chmilat. Jech te icom o ta Hores te ta xocol banamil Sif.

1 Samuel 23:19

Pero li jnaclumetic te ta Sife ibatic ta Gabaa, bat sc'opanic li Saule, jech laj yalbeic: —Li Davide te snac'oj sba ta cosilalcutic ta jun tsatsal ch'entic te ta vits yu'un Haquila ta Hores te ta stuq'uil sur yu'un xocol banamil.

1 Samuel 24:3

C'alal ic'otic ta scoralil chijetic li Saule, te i'och tsa'anuc ta yut nailch'en yo' bu snac'oj sbaic li David xchi'uc svinictaque.

1 Samuel 26:1

Li jnaclumetic ta Zife ibatic ta Gabaa, bat sq'uelic li Saule, jech laj yalbeic: “Li Davide te snac'oj sba ta Haquila ta yeloval xocol banamil”, xutic.

1 Samuel 26:4

Ja' yu'un la stac batel jayibuc viniquetic yu'un ac'o bat sq'uelic lec bu xa stuq'uil oy li Saule.