1 Samuel 2:9 - Bible in Tzotzil de Chenalhó with Deuterocanon

⁹ Ja' chchabi batel ta jujujet yacan li boch'otic tuc' yo'ntonique; yan li boch'otic chopolique chch'ayic batel ta ic' osil, yu'un mu'yuc boch'o xu' tstsal ta stsatsal stuc.

Bible in Tzotzil de Chamula

⁹ Yu'un ti buch'utic jun yo'ntonic ta stojole, ta xchabi ti buyuc no'ox ta xanavique, ja'uc ti jtoyobbaetique, ta ic'al osil xcham xlajic, ja' ti mu'yuc buch'u junuc xu' ta spas ta yip no'ox stuque.

1 Samuel 2:9 Iomraidhean Croise

Job 18:18

Ta xich' loq'uesel ta sac osil, ta xich' jipel batel ta ic' osil, jech chloc' o batel ta banamil.

Job 40:13

Mucul ac'o comicuc ta pucuctic avu'un scotol; macbo satic, ac'o batel ta ic' osil.

Job 5:16

Ja' te spatoj yo'ntonic o li boch'otic mu'yuc stsatsal yo'ntonique; ja' tsmacbe yeic li boch'otic chopolique.

Job 5:24

Lec chbat avu'un scotol te ta ana; c'alal chaq'uel li c'usitic oy avu'une, mu'yuc c'usi sc'an.

Salmos 1:6

Yu'un li Muc'ul Diose te oy sat ta sbe xaneb li boch'otic lequique; yan li boch'otic chopolique ja' no'ox sventa ch'ayel li be stamojique.

Salmos 105:37

Ts'acal lic sloq'ues batel li steclumale; ep c'anal taq'uin, saquil taq'uin yich'ojic loq'uel. Scotol li jaychop sts'unubal Israele lec tsotsic scotolic.

Salmos 121:3

Mu xac' batuc avacan ti bu bilile; mu sna' xvay li boch'o chaxchabiote.

Salmos 121:5

Li Muc'ul Diose ja' jchabivanej avu'un; li Muc'ul Diose ja' chasmacot ta xyaxinal, te oy o ta abats'ic'ob.

Salmos 121:8

Ja' chaxchabiot c'alal chaloc', c'alal cha'och; xchabiojot li' ta ora xchi'uc c'alal to ta sbatel osil.

Salmos 145:20

Li Muc'ul Diose chchabi scotol li boch'otic lec sc'anojique; yan li boch'otic chopolique chules ta banamil.

Salmos 31:17

Muc'ul Dios, mu me vu'cun xiyal ta q'uexlal, yu'un jc'anojbot xa vocol ta atojol. Ja' ac'o yalicuc ta q'uexlal li boch'otic chopolique; ac'o ochicuc ta yavil animaetic, jech chmac yeic o.

Salmos 37:28

Yu'un li Muc'ul Diose ja' lec sc'anoj li boch'o tuc' c'usi tspase, mu scomtsan o li boch'o lecubtasbilic xa yu'une, scotol ora xchabioj o; yan li yalab xnich'nab boch'otic chopolique chich'ic ulesel o.

Salmos 94:18

C'alal jech laj cale: “Ta xjaxbuj xa cacan”, c'alal xichie, ta sventa slequil avo'nton tal avicoun, Muc'ul Dios.

Salmos 97:10

Li Muc'ul Diose ja' tsc'an li boch'o tscontrainic c'usitic chopole; ja' chchabi lec li boch'otic jun yo'ntonic ta stojole; tscolta loq'uel ta sc'ob li chopol cristianoetique.

Proverbios 16:9

Li cristianoetique ja' no'ox tsnopic li c'usi tspasique; ja' Muc'ul Dios tstuq'uibtas batel.

Proverbios 2:8

Ja' sventainojbe sbe li boch'otic yich'oj sjam smelolique; ja' ta xchabibe sbe xanebic li boch'otic tuc' yo'ntonique.

Proverbios 3:26

Yu'un ja' chayac'bot smuc'ul avo'nton li Muc'ul Diose; ja' chaxchabiot jech mu xa'och ta yoquil.

Eclesiastés 5:17

Ti jayib c'ac'al cuxule ta ic' osil no'ox oy ya'yel, toj ep svocol, toj abul sba, xchi'uc chvovij sjol o.

Eclesiastés 9:11

Oy to c'usi yan laj quil noxtoc li' ta banamile: li boch'otic lec sobique oy ma'uc tstsalvanic ta anil; li boch'otic toj simaronique ma'uc toj ech'em xu' yu'unic pleito; li boch'otic lec x'abtejique ma'uc oy ep sve'elic; li boch'otic lec bijique ma'uc toj c'ulejic; li boch'otic oy c'usi lec xchanojique ma'uc lec ich'bilic ta muc'. Scotolic le'e co'ol li c'usi macal ta stojolique.

Isaías 27:3

Vu'un jchabioj, noch'ic no'ox ta xcat'es; vu'un ta jq'uel ta c'ac'al ta ac'ubal, yu'un jech mu me boch'o xuts'inta.

Isaías 47:5

“Tsebal Babilonia, chotlan, nijano aba, ochan ta ic' osil, yu'un mu'yuc xa boch'o chayalbot o ti vo'ot jpasmantalot ta scotol banamiletique.

Jeremías 8:14

Jech chlic yalic li yu'untac Diose: “¿C'u yu'un ti li' no'ox chotolutique? Batic jcotoltic, ochcutic ta lumetic ti lec setbilic ta coraltone; te ac'o lajcutic o ta milel. Yu'un li Muc'ul Dios cu'untique laj xa yac'utic ta lajel, ja' xa laj yac' cuch'tic o li vo' ti oy svenenoale, yu'un ep xa la jsa' jmultic ta stojol.

Jeremías 9:23

Jech chal li Muc'ul Diose: “Mu me stoy sba ta sventa sbijil li boch'o lec bije; mu me stoy sba ta sventa lec xu' yu'un li boch'o lec tsotse, xchi'uc mu me stoy sba ta sventa sc'ulejal li boch'o lec jc'uleje.

Nahúm 1:8

Yan li boch'o tscontrainique ta sves batel scotol jech chac c'u cha'al yip nojelal uc'um; ta snuts batel ta ic'al osil li yajcontrae.

Sofonías 1:15

Ja' sc'ac'alil ch-ilin li Muc'ul Diose; ja' sc'ac'alil at-o'nton, xchi'uc vocolajel; ja' sc'ac'alil oq'uel avanel xchi'uc yavnaijesel; ja' sc'ac'alil ic' osil xchi'uc ac'ubaltic; ja' sc'ac'alil chmac osil xchi'uc but'ulaltic.

Zacarías 4:6

Ja' yu'un te lic yalbun: “Li Muc'ul Diose ja' jech chalbe li Zorobabele: ‘Muc ta sventauc soldadoetic, muc ta stsatsaluc cristiano; ja' no'ox ta sventa jvu'el jtuc’, xi li Muc'ul Dios ti tspas ta mantal scotol te ta vinajele.

Números 6:24

‘Ac'o yac'boxuc ep bendición li Muc'ul Diose, ac'o xchabioxuc.

San Mateo 8:12

Yan li boch'otic ja' sc'oplal ch-ochic yo' bu tspas mantal Diose ta xjipatic batel ta ic' osil. Te chc'ot yoc'ta sbaic o; te xc'uxet o yeic ta scoj li vocole —xi li Jesuse.

Romanos 3:19

Scotol c'usi chal li smantaltac Diose ta jna'tic ti ja' sc'oplalic li boch'otic oy ta sc'obic li smantaltac Diose, yu'un jech macal ac'o c'otuc yeic scotolic, jech ac'o sna'ic ti scotol cristiano ta banamil chich'ic chapanbel smulic yu'un Diose.

Deuteronomio 33:3

Li Muc'ul Diose lec sc'anoj li jteclum yu'une; lec chchabi li boch'o chac' sba ta sc'obe. Ja' yu'un ta squejan sbaic o ta stojol; ta xch'unbeic li c'usitic ch-albatique.

1 Pedro 1:5

Ta sventa xch'unojel avo'ntonic ta stojol Dios, jech ta xchabioxuc ta svu'el yu'un jech xu' chataic li coltael xchapanoje; ja' to chayac'boxuc avilic ta slajebal c'ac'al.

2 Pedro 2:17

Li jlo'lavanej jchanubtasvanejetique ja' jechic jech chac c'u cha'al nio' ti mu'yuc ya'lele, xchi'uc ja' jechic jech chac c'u cha'al toc ti cuchbil no'ox batel ta tsatsal iq'ue. Jech chapanbil xa sc'oplal ta xbatic ta yutil ic'al osil.

Judas 1:1

Vu'un Judasun, yajtunelun li Jesucristoe, yits'inun li Santiagoe, chabanuc chacalboxuc tal vo'oxuc ti ic'biloxuc yu'un Jtotic Diose, ti c'anbiloxuc yu'une, xchi'uc ti chabibiloxuc yu'un Cajvaltic Jesucristoe.

Judas 1:13

Ja' jechic jech chac c'u cha'al nab ti bats'i tsots tsyuq'uilan sbae, ti chloc' svoque. Yu'un xco'laj xchi'uc puru svoc no'ox ya'yel li c'usi tspasic ti toj q'uexlal sbae. Ja' jechic jech chac c'u cha'al c'anal ti ch'ayem xa ta sbee, jech chapal xa yu'un Dios chich'ic jipel ochel ta ic' osil sbatel osil.

Judas 1:3

Vo'oxuc ti lec jc'anojoxuque, solel oy ox ta co'nton ta jts'ibaboxuc tal sc'oplal li coltael oy ta jtojoltique. Pero laj quil ti ja' toj tsots sc'oplal ta jts'ibaboxuc tal ti mu me xavaq'uic yanijuc li sc'op Dios jch'unojtique, ti j'ech'el ac'bilic o li boch'otic voc'bilic xa yu'un Diose.

1 Samuel 25:26

Li Muc'ul Diose ta melel cuxul, jech ta jna' lec ti mu xac' apas ti chamiluncutic, ti chavac'bun jtojcutic ta avo'nton atuc li c'usi chopol lapasbate. Scotol li boch'otic chopol c'usi tsc'an chaspasbote ja' ac'o c'otuc ta sbaic c'usi sc'oplal chich' li Nabale.