1 Samuel 2:4 - Bible in Tzotzil de Chenalhó with Deuterocanon

⁴ Vo'ot chalilinbe yabtejebic li boch'otic tsots xu' yu'unique. Ja' chavac'be stsatsalic li boch'o mu'yuc stsatsalique.

Bible in Tzotzil de Chamula

⁴ Yu'un ti stuque ta slilinbe syolobic ti buch'utic tsots xu' yu'unique. Ta xac'be yipic ti buch'u ch'abal ti yipal yu'unique.

1 Samuel 2:4 Iomraidhean Croise

Salmos 18:39

Yu'un vo'ot laj avac'bun lec jtsatsal ta pas pleito; la sbic'tajes sbaic ta jtojol avu'un li jtoybaetique.

Salmos 37:15

Pero li yespadaique ja' chajvalin stuquic; li sflechaique biq'uitic chlilij.

Salmos 37:17

Yu'un li boch'o chopolique chlaj sc'oplal; yan li boch'o lequique ja' icabilic o yu'un li Muc'ul Diose.

Salmos 46:10

Pajanic xa, na'ic me ti vu'un Diosune; ich'bilun ta muc' ta jujun banamil, vu'un jventainoj scotol li banamile.

Salmos 46:9

Ja' tspajes scotol li pleito c'alal to ta jujujot sti' banamile; ja' tsc'as li st'ilesubil flechaetique; ja' tslilin li lanzaetique; xchi'uc chchic' ta c'oc' li caretaetic sventa pleitoe.

Salmos 76:3

Ja' te la sc'as li flechaetic, li espadaetique; ja' te la svoc' li macubbailetique xchi'uc li yantic abtejebaletic sventa pasub c'ope.

Isaías 10:4

Mu'yuc xa c'usi xu' avu'unic; ja' no'ox te xamutste-mutsteic xchi'uc li yan jchuqueletique. Te chachi'inic ta lajel li boch'otic chamenic xae. Pero mu ono'ox xlaj o sc'ac'al yo'nton li Diose; te staoj yav sye'oj o sc'ob.

Isaías 40:29

Ja' chac'be stsatsal li boch'o lubene; ja' chepajesbe stsatsal li boch'o mu'yuc c'usi xu' yu'une.

Jeremías 37:10

Ac'o me chatsalic scotol li soldadoetic yu'un caldeaetique, pero oy to ono'ox boch'o cuxul ta xcomic ti yayijemic xa avu'unique; ja' ta xliquic tal te ta scarpanaic, ja' chtal yac'beic sc'ac'al li lum li'i’, xi li Muc'ul Diose”, xut batel li j'almantaletic yu'un ajvalile.

Jeremías 51:56

Yu'un chtal xa yulesel li Babiloniae. Ta xa xich' chuquel li soldadoetic yu'une; ta xa xich' lilinel li flechaetic yu'une. Yu'un li Muc'ul Diose ja' chac' tojolil stuc; ja' chac'be stoj ti c'u x'elan la spasique.

2 Corintios 12:9

Pero li Cajvaltique jech laj yalbun: “Xu' no'ox avu'un ta sventa li coltael chacac'bote. Ta sventa ti mu'yuc tsotsote, ja' jech xu' chbat vinajuc o lec li jvu'ele”, xiyutun. Jech xcuxet no'ox co'nton ti mu'yuc jtsatsale, yu'un jech li' chcom o ta jtojol svu'el li Cristoe.

Efesios 6:14

Ja' yu'un chaplanic me lec cha'e. Chuquino me lec li achuquique, ja' li c'usi melele. Aq'uic me smac li sna avo'ntonique, ja' li c'usitic tuq'ue.

Filipenses 4:13

Scotol xu' cu'un ta sventa Cristo, yu'un ja' chiyac'bun jtsatsal.

Hebreos 11:32

Mu persauc chacalboxuc sc'oplal scotol. Ja' muc xa c'u xcut xacalboxuc tal sc'oplal li Gedeone, li Baraque, li Sansone, li Jeftee, li Davide, li Samuele, xchi'uc li yantic yaj'alc'optac Diose.

Hebreos 11:34

Oy itic'atic ta muc'ta c'oc', muc xc'aq'uic. Oy chmilatic ox ta espada, pero icolic batel. Ja' ic'ataj ta stsatsalic li yalubenal sbec'talique. Jech oy lec ivu' yu'unic paspleito; la snutsic batel yanlum soldadoetic.