1 Samuel 2:2 - Bible in Tzotzil de Chenalhó with Deuterocanon

² Mu'yuc yan ch'ul Muc'ul Dios jech chac c'u cha'al vo'ot. Dios cu'un, mu'yuc yan jpojubbail jech chac c'u cha'al vo'ot. Mu'yuc boch'o yan jech chac c'u cha'al vo'ot.

Bible in Tzotzil de Chamula

² Mu'yuc xa yan Ch'ul Dios jech c'u cha'al ti vo'ote. Mu'yuc xa yan ta xchabivan jech c'u cha'al ti vo'ot Dios cu'uncutique. Mi junuc ti oy to buch'u x'ech' to jech c'u cha'al ti vo'ote.

1 Samuel 2:2 Iomraidhean Croise

2 Samuel 22:3

Dios cu'un, vo'ot jnac'ubbailot; vo'ot jmacot. Ta avu'el chacoltaun; vo'ot lec toyol jnac'ubbailot, lec toyol jpojobbailot. Jcoltavanejot cu'un, yu'un laj acoltaun ta uts'intael.

2 Samuel 22:32

Mu'yuc yan Dios jech chac c'u cha'al li Muc'ul Diose; mu'yuc yan Dios ti xu' yu'un chixchabiutique.

2 Samuel 7:22

Ja' yu'un toj ech'em amuc'ul Muc'ul Dios cu'un. Mu'yuc boch'o yan jech chac c'u cha'al vo'ot. Mu'yuc yan Dios jech chac c'u cha'al ca'yojcutic ono'ox ta jchiquincutique.

1 Reyes 8:23

jech laj yal: “Muc'ul Dios yu'un Israel, mu'yuc yan Dios ta vinajel, me li' ta banamil jech chac c'u cha'al vo'ot, yu'un laj ac'otes li c'usi chapanbil avu'une, xchi'uc chavac' ta ilel slequil avo'nton ta stojol li boch'o scotol yo'nton chtunic avu'une.

Salmos 111:9

La stacbe tal coltael li steclumale; sbatel osil mu xlaj sc'oplal o li c'usi xchapanoje. Ja' no'ox stuc Ch'ul Dios, ja' no'ox stuc xi'bil.

Salmos 18:2

vo'ot jchabivanejot cu'un, vo'ot jnac'ubbailot, vo'ot jcoltavanejot cu'un, vo'ot stsatsalot co'nton, vo'ot no'ox jpatoj co'nton ta atojol, vo'ot jmacubbail c'otemot. Ta avu'el xu' chacoltaun; lequil nac'ubbail c'otemot cu'un.

Salmos 18:31

Mu'yuc yan Dios jech chac c'u cha'al li Muc'ul Diose; mu'yuc yan Dios ti xco'laj xchi'uc muc'ta tsatsal tone.

Salmos 71:19

Li stuq'uil avo'ntone, Dios cu'un, xc'ot c'alal to ta vinajel; toj tsotsic, toj muc'tic li c'usitic laj apase. Mu'yuc boch'o yan jech chac c'u cha'al li vo'ote, Dios cu'un.

Salmos 71:3

Vo'ot jnac'ubbailot jech chac c'u cha'al jbej tsatsal ton; vo'ot laj aventainun ti jech colem licome; vo'ot yip stsatsalot co'nton.

Salmos 73:25

¿Boch'o yan oy cu'un te ta vinajele? Ja' no'ox vo'ot, Dios cu'un. Ta sventa ti te oyun o ta atojole, mu'yuc c'usi yan ta jc'an li' ta banamile.

Salmos 86:8

Cajval, mu'yuc boch'o yan dios jech chac c'u cha'al vo'ot; mu'yuc boch'o yan jech yabtel jech chac c'u cha'al avabtel li vo'ote.

Salmos 89:6

Yu'un mu'yuc boch'o yan te ta vinajel ti xaco'laj achi'uque, Muc'ul Dios; mu'yuc boch'o yan ech'em svu'el jech chac c'u cha'al vo'ot.

Salmos 89:8

Muc'ul Dios, vo'ot ti chapas ta mantal scotol te ta vinajele, mu'yuc boch'o yan jech chac c'u cha'al vo'ot, yu'un li vo'ote toj ech'em avu'el; te avich'oj o li stuq'uil avo'ntone.

Salmos 99:3

Ac'o ich'biluc o ta muc', yu'un toj ech'em smuc'ul, ja' no'ox stuc xi'bil. Ja' Ch'ul Dios stuc.

Salmos 99:5

Ich'ic ta muc' li Muc'ul Dios cu'untique; quejano abaic ta stojol te ta stec'um yacan, yu'un ja' Ch'ul Dios stuc.

Salmos 99:9

Ich'ic ta muc' li Muc'ul Dios cu'untique; quejano abaic ta stojol te ta ch'ul vits yu'un, yu'un li Muc'ul Dios cu'untique ja' ch'ul Dios stuc.

Éxodo 15:11

Muc'ul Dios, me junuc yan dios mu xco'laj jech chac c'u cha'al vo'ot. Mu'yuc boch'o yan toj muc', toj tuc' jech chac c'u cha'al li vo'ote. Yu'un toj labalic sba, toj xi'balic sba li c'usitic chapase. Lec snup o ti ep chavich' q'uejintabel alequilale.

Isaías 40:18

¿Boch'o xu' chaco'oltsanic jech chac c'u cha'al li Diose? ¿C'usi sloc'obal ti xu' chaloc'taic ta Diose?

Isaías 44:6

Li Muc'ul Dios, ja' li Ajvalil yu'un Israele, ja' li Jpojvanej yu'un ti ech'em svu'ele, jech chal: “Vu'un te oyun o ta sliquebal xchi'uc ta slajebal; mu'yuc yan dios jech chac c'u cha'al vu'un.

Isaías 44:8

Mu me xaxi'ic, tsotsuc me avo'ntonic, vo'oxuc te ta Israel. Li vu'une calojboxuc ono'ox ta vo'one li c'usitic chc'ot ta pasele. Vo'oxuc testigooxuc cu'un, jtuc no'ox Diosun, mu'yuc yan. Mu'yuc boch'o tsots svu'el, me junuc mu'yuc bu quiloj”, xi li Muc'ul Diose.

Isaías 57:15

Yu'un li boch'o oy ta sc'ob scotole, ti stalel cuxul o sbatel osile, ti Ch'ul Dios, xi ch-albate, jech chal: “Vu'un te nacalun ta toyol, ta ch'ul vinajel, xchi'uc te oyun ta stojol noxtoc li boch'otic biq'uit chac' sbaique, xchi'uc li boch'otic abul sba cha'yique; te ta xcac'beic lec stsatsal yo'ntonic, ta jmuq'uibtasbe yo'ntonic.

Isaías 6:3

Jech laj yalbe sbaic jujunic: “Ja' Ch'ul Dios, Ja' Ch'ul Dios, Ja' Ch'ul Dios li Muc'ul Dios ti ech'em svu'ele. Nojem ta slequilal scotol li banamile”, xiic.

Jeremías 10:6

Muc'ul Dios, mu'yuc boch'o yan xco'laj jech chac c'u cha'al li vo'ote. Li vo'ote toj ech'em amuc'ul, toj muc' ta a'yel li abie, toj ech'em stsatsal.

Levítico 11:44

yu'un vu'un Muc'ul Diosun avu'unic, jech tsc'an chavac' abaic ta tuq'uibtasel, xchi'uc tsc'an tuc' avo'ntonic yu'un li vu'une tuc' co'nton. Jech tsc'an ti mu xasoques abaic ta sventa li chonetic ti xjochet, ti xquilet ta banamil chanovique.

Levítico 11:45

Yu'un vu'un Muc'ul Diosun ti la jloq'uesoxuc tal ta Egiptoe, jech vu'un Diosun avu'unic chc'ot o. Ja' yu'un li vo'oxuque tsc'an ti tuc' avo'ntonique yu'un li vu'une tuc' co'nton”, xi li Muc'ul Diose.

Levítico 19:2

“Jech xavalbe ya'yic scotol li achi'iltac ta israelale: “Tuc'uc me avo'ntonic, yu'un vu'un li Muc'ul Diosun avu'unique tuc' co'nton.

Romanos 15:4

Scotol li c'usitic ts'ibabil comele ja' sventa jchanubtaseltic, yu'un jech ch-ayin smuc'ul co'ntontic, jech chpat co'ntontic, jech jun co'ntontic ta jmalatic li c'usi ta jmalatique.

Romanos 4:8

Xcuxet no'ox yo'nton, yu'un mu xa x'ac'bat stoj smulic yu'un li Diose”, xi li Davide.

Deuteronomio 3:24

‘Cajval, Muc'ul Dios, laj xa avac'bun quil ep avu'el atsatsal, vu'un li avajtunelune. Mu'yuc yan Dios me ta vinajel, o me ta banamil, ti xu' yu'un tspas jech chac c'u cha'al chapas ta avu'el atsatsal li vo'ote.

Deuteronomio 32:20

Jech laj yal: ‘Ta jva'lupatin comel scotolic. Jq'ueltiquic c'uxi chut sbaic. Ta melel ja' chopol cristianoetic. Me jutuc mu jpat co'nton yu'un li jnich'nab le'e.

Deuteronomio 32:39

Vu'un no'ox jtuc Muc'ul Diosun, mu'yuc yan diosetic jech chac c'u cha'al vu'un. Vu'un ta xcac' acuxlejalic; vu'un ta jpoj sutel noxtoc. Vu'un ta xcac' yayijanic; vu'un ta jpoxta noxtoc. Mu'yuc boch'o xu' yu'un tspoj sba loq'uel ta jc'ob.

Deuteronomio 32:4

Ja' Jchabivanej cu'untic; li stuque lec yabtel. Tuc' c'usi tspas; lec scotol li yabtele. Ja' Dios ti mu sna' x'epalc'opoje. Mu'yuc c'usi chopol oy ta yo'nton. Tuc' yo'nton, melelic scotol c'usi chal.

Deuteronomio 4:35

Ti jech laj yac' avilique, yu'un jech ac'o ana'ic ti ta melel ja' mero Muc'ul Dios stuque, ti mu'yuc yane.

Deuteronomio 4:39

“Ja' yu'un comtsano me lec ta ajol ta avo'ntonic ti ja' no'ox Dios stuc li Muc'ul Diose. Ja' Dios ta vinajel xchi'uc ja' Dios li' ta banamil, mu'yuc yan.

1 Pedro 1:16

Yu'un jech ts'ibabil ta sc'op Dios: “Tuc'uc me avo'ntonic, yu'un li vu'une tuc' co'nton”, xi ts'ibabil.