1 Samuel 13:3 - Bible in Tzotzil de Chenalhó with Deuterocanon

³ Li Jonatane la smil scotol li jtsob soldado filistaetic te oyic ta Gabaae. C'alal jech ic'ot ta pasele, laj ya'yic scotol li filistaetique. Li Saule lic yal mantal ti ac'o yich' jupanel oq'ues ta scotol yosilalique yu'un ac'o ya'yic scotol li hebreoetique.

Bible in Tzotzil de Chamula

³ Ti Jonatane laj stsutses ti jvoc' jchabivanej soldado filisteoetic ti oyic ta Gabaae, ti c'ot ta sni' xchiquinic yan filisteoetique. Va'i un, ti Saule laj yal mantal ti ac'o yich' oq'uisanel ti oq'ues ta sjunul ti lume yo' jech ta xcaj t'abbatic ti hebreoetic ti oy c'usi c'ot ta pasele.

1 Samuel 13:3 Iomraidhean Croise

2 Samuel 2:28

Li Joabe lic sjupan xcachu, jech ipajic ta anil scotol li svinictaque. Muc xa snutsic batel li israeletique; muc xa spasic o pleito.

2 Samuel 20:1

Oy jun chopol vinic liquem ta jchop yu'un Benjamín, Seba sbi; ja' xnich'on Bicri te nacal ta Gilgal. Li Sebae lic stijbe sjol li viniquetique jech laj yalbe: “Li vu'utique mu xu' ta jtic' jbatic ta stojol li David, xnich'on Isaie. Ja' lec sutcutic batel ta jnatic jujunutic”, xut.

2 Samuel 23:14

Li Davide te oy ta tsatsal nailch'en. Ja'o yorail te oy jtsob filista soldadoetic ta Belén.

Isaías 10:29

Te ijelovic tal ta xtuch'ubil uc'um; te la spas scarpanaic ta Geba. Iniquic ta xi'el li Ramae; li Gabaa yu'un Saule ijatovic batel ta anil.

Zacarías 14:10

Scotol li banamil li'i ta xlic pasuc ta stenlejaltic, chlic batel ta Geba c'alal to ta Rimón ta stuq'uil sur yu'un li Jerusalene. Li Jerusalene ta to xlic toyuc, ta x'ayin lec yajvaltac. Te chlic naquiicuc batel ta ti'coralton Benjamín c'alal to ti bu Chiquin Coralton sbi te ti bu Poco' ti'coralton to'ox sbie, xchi'uc te chlic batel noxtoc ta toyol q'uelub osil Hananeel c'alal to ta spits'ubiltac ya'lel ts'usub yu'un ajvalil.

Josué 18:24

Quefar-haamoni, Ofni, xchi'uc Geba. Ja' lajchab (12) lumetic ta scotol xchi'uc tsobtsobnaetic yu'un.

Josué 21:17

Li jchop liquemic ta Benjamine ja' laj yaq'uic lum Gabaón, Geba,

Jueces 3:27

C'alal te xa'ox ochem ta Seirat li Aode, lic sjupan xcachu te ta vits yu'un Efraín. Jech scotol israeletic iyalic batel; ja' ba'yucbe ibat yu'unic li Aode.

Jueces 6:34

Pero li espíritu yu'un Muc'ul Diose la sventainbe yo'nton li Gedeone, jech la sjupan xcachu yu'un ac'o stsob sbaic tal li jchop sbiic abiezeretique.

1 Samuel 10:5

Ts'acal te chac'ot ta Gabaa yu'un Dios yo' bu oy jtsob soldadoetic yu'un filistaetic. C'alal cha'och batel ta lume, te chanup jtsob j'alc'opetic te ch-ac'otajic, te chq'uejinic yalel tal yo' bu chich'ic ta muc' Dios. Te ba'yucbe tal yu'unic jmusiqueroetic, tstijic tal vob, sepseptaq'uin, ama, xchi'uc arpa.

1 Samuel 13:16

Li Saúl xchi'uc xnich'on, ja' li Jonatane, xchi'uc li viniquetic te xchi'inojique ibatic ta Gabaa ta yosilal Benjamín. Li filistaetique te xa spasoj lec scarpanaic ta Micmas.