1 Samuel 10:3 - Bible in Tzotzil de Chenalhó with Deuterocanon

³ Jech noxtoc c'alal me lac'ot ta jpets tulan te ta Tabore, te chasnupoxuc ta be oxib viniquetic chmuyic batel ta Betel, chbat yich'ic ta muc' Dios. Li june yich'oj oxcot unin tot tentsun; li yane yich'oj oxib pan; li yoxibale yich'oj ya'lel ts'usub ta jun yavil pasbil ta nucul.

Bible in Tzotzil de Chamula

³ Ta jelavel ech'el xtoc une, c'alal ta xac'ot ta tulan yu'un ti Tabore, ta xloq'uic talel oxib viniquetic ta snupelot ta be ti ta xmuyic batel ta Betel ti ta xbat yich'ic ta muc' ti Diose. Ti june yic'oj ech'el oxcot tentsun. Ti xchibale yich'oj batel oxbej pan. Ti yoxibale yich'oj batel jbej yavil vino ti noj ta vino ti meltsanbil ta nucule.

1 Samuel 10:3 Iomraidhean Croise

Génesis 28:19

Li lum le'e Luz to'ox sbi, pero Betel laj yac'be sbi.

Génesis 28:22

Li ton ti la jva'an sventa sna'ubil cu'une, ja' sna Dios ta xc'ot”, xi. Jech lic sc'opan Dios: “Dios cu'un, scotol li c'usitic chavac'bune ta xcac'bot li jujun ta lajlajunebe”, xi.

Génesis 35:1

Li Diose jech laj yalbe li Jacobe: “Totsan batel li'i; bat naclan ta Betel. Me lac'ot tee, paso jun scajleb smoton li Dios ti laj yac' sba ta ilel ta atojol ta Betel c'alal lajatov batel yu'un li abanquil Esaue”, xut.

Génesis 35:3

Batic ta ora ta Betel yu'un te chbat jpasbe scajleb smoton Dios sventa chquich' ta muc', yu'un ja' la scoltaun ti c'alal oy jvocole, xchi'uc ja' la xchi'inun ti buyuc no'ox lixanove —xut.

Salmos 89:12

Vo'ot laj avac' ac'o oyuc noxtoc li norte xchi'uc sure; li vits Tabor xchi'uc Hermone xcuxet no'ox yo'nton tsq'uejintaic abi.

Jeremías 32:8

Li Hanameel xnich'on juntote ta melel te ital sc'opanun ti bu chuculun ta yamaq'uil chuquinab jech chac c'u cha'al laj yal li Muc'ul Diose, jech laj yalbun: Mano li jpuculal osil te ta Anatot ta yosilal Benjamine, yu'un vo'ot oy ta aventa xu' chaman; vo'ot xu' chavich' comel, yu'un cuts' calal jbatic, xiyutun. C'alal la jna' ti ja' smantal Muc'ul Diose,

Levítico 1:10

“Me chij, o me tentsun chaq'uic sventa chixchic'bicun jmotonine, ja' ac'o yaq'uic li stot ti bu ven leque.

Levítico 23:13

Xchi'uc ac'o yich'ic tal o'lol yo'bal kilo arina ti bu ven lec, ti vots'bil ta aceitee. Ac'o yich' chiq'uel; ja' matanal ti lec mu yic' chc'ot ta jtojol; vu'un li Muc'ul Diosune. Li c'usi tsc'an sventa chich' maltael oe, ac'o yac' jun litro ya'lel ts'usub.

Levítico 3:12

“Li boch'o chiyac'bun jmotonin stentsune, ac'o tal yac' te ta jtojol, vu'un li Muc'ul Diosune.

Levítico 3:6

“Pero me ja' xchij chiyac'bun jmotonin sventa xu' chnopaj ta jtojole, ja' ac'o yac'bun ti bu ven leque, ac'o me stot, o me sme'.

Levítico 7:13

Co'ol xavaq'uic xchi'uc li jmoton sventa oy c'usi chatojbicun ta vocole. Aq'uic noxtoc muc'tic vaj yich'oj svolesubil xch'ut sventa co'ol co'ntontic.

Josué 19:12

Te xlic batel noxtoc ta Sarid ta sloq'ueb c'ac'al; xc'ot c'alal to ta Quislot-tabor. Te xlic batel noxtoc xjelov batel ta Daberat; te xmuy batel c'alal ta Jafía.

Josué 19:22

Li sts'aquile xc'ot c'alal ta Tabor, ta Sahazima, xchi'uc ta Bet-semes. Te xpaj ta uc'um Jordán. Ja' vaclajuneb (16) lumetic ta scotol xchi'uc tsobtsobnaetic yu'un.

Jueces 20:18

Li yan jvoc' israeletique ibatic ta Betel. Te lic sjac'beic Dios boch'o jchopucal yu'unic ba'yuc chbat spas pleito xchi'uc li benjaminetique. Te i'albatic yu'un Muc'ul Dios ti ja' ba'yuc ac'o baticuc li Judae.

Jueces 20:27

Ja'o ochem ta paleal yu'unic li Finees, xnich'on Eleazar, ja' li smomnich'on Aarone, xchi'uc ja'o te oy ta Betel li xcaxail smantal Diose. Li israeletique jech la sjac'beic yan velta li Muc'ul Diose: “¿Me chbat jpascutic pleito yan velta xchi'uc li jchi'ilcutic ta israelal, ja' li xnich'nabtac Benjamine, o me ja' lec ti te tsalbil chicomcutique?”, xutic. Li Muc'ul Diose jech laj yal: “Batanic, oc'om chacac'boxuc xa ta ac'obic”, xi.

Jueces 4:12

Li Sisarae laj ya'ay ti te xa chmuyic batel ta vits Tabor li Baraque.

Jueces 4:6

Li Deborae oy jun velta la stac ta iq'uel jun vinic Barac, xnich'on Abinoam, te nacal ta lum Cedes ta yosilal Neftalí. Jech laj yalbe: —Li Muc'ul Dios, ja' li Dios yu'un Israele, jech chayalbot: ‘Batan te ta vits Tabor; tsobo batel lajunmiluc viniquetic liquemic ta Neftalí xchi'uc ta Zabulón.

Jueces 8:18

Ts'acal jech lic sjac'be li Zeba xchi'uc Zalmunae: —¿C'u x'elanic avil li viniquetic laj amil te ta Tabore? —xut. Itac'ovic: —Co'ol x'elanic jech chac c'u cha'alot. Li jujunique xco'laj xchi'uc xnich'on ajvalil —xiic.

1 Samuel 10:4

Te chasc'opanot xchi'uc chayac'bot chib pan, pero xatsacbe me.