1 Samuel 1:3 - Bible in Tzotzil de Chenalhó with Deuterocanon

³ Li vinique scotol jabil chbat ta Silo, yu'un chbat yich' ta muc', chbat smilbe smoton li Muc'ul Dios ti tspas ta mantal scotol te ta vinajele. Ja' te oy li chib xnich'nab pale Elie, ja' Ofni xchi'uc Fineese; ja' paleetic ta stojol Muc'ul Dios ec.

Bible in Tzotzil de Chamula

³ Scotol jabil, ta xloc' batel ti Elcaná ta slumale, ta snijanel xchimanel sba ta yich'el ta muc', ti ta yac'bel milbil matanal ti Dios ti scotol xu' yu'un ti oy ta Siloe. Ti bu taje, ochemic ta yajpaletac Dios ti cha'vo' xnich'nab ti pale Elie, ti sbiinoj Ofni ti june, ti sbiinoj Finees ti xchibale.

1 Samuel 1:3 Iomraidhean Croise

Salmos 78:60

Jech noxtoc la scomtsan o li xch'ulna te ta Siloe, ja' li sna ti bu to'ox inaqui xchi'uc yu'untaque.

Éxodo 23:14

“Pasic oxcoj q'uin ta jujun jabil sventa chavich'icun ta muc'.

Éxodo 23:17

“Acotolic li vinicoxuque ta jc'an chatalic li' ta jtojol oxib velta ta jabil.

Éxodo 34:23

“Acotolic vo'oxuc li vinicoxuque oxib velta ta jun jabil xatalic ta jtojol, vu'un li Muc'ul Diosun avu'unic, vo'oxuc li israeloxuque.

San Lucas 2:41

Li stot sme' Jesuse scotol jabil ta xc'otilanic ta Jerusalén ti c'alal yorail q'uin Coltael yu'unique.

Deuteronomio 16:16

“Scotol li viniquetique tsc'an chbatic ta stojol Muc'ul Dios oxib velta ta jabil te ta yavil yo' bu t'ujbil yu'une. Tsc'an ja'o chbatic ti c'alal yorail q'uinetic jech chac li'i: q'uin sventa pan mu'yuc yich'oj svolesubil, q'uin Xemunaetic, xchi'uc q'uin Yaxnaetic. Mu me junuc boch'o jeche' xmeymun batel sc'ob avu'unic ti c'alal chbat ta stojol Muc'ul Diose.

Josué 18:1

Scotol li yalab xnich'nab Israele te la stsob sbaic ta Silo; te la snacanic li ch'ulna yu'un Dios pasbil ta nucule. Yu'un li banamile i'och xa ta sc'obic o,

Jueces 18:31

Ti jayib c'ac'al te va'al li ch'ulna yu'un Dios ta Siloe, te oy o yu'unic ec li sloc'obal sdiosic pasbil yu'un Micaiae.

Jueces 21:19

Pero q'uelavilic, jujun jabil chich' pasel jun muc'ta q'uin sventa Muc'ul Dios te ta Silo. Ja' li Silo ti te xcom ta stuq'uil norte yu'un Betele, ti te xcom ta sloq'ueb c'ac'al yu'un li be xbat ta Betel c'alal ta Siqueme, xchi'uc ti te xcom ta stuq'uil sur yu'un li Lebonae”, xiic.

1 Samuel 1:21

Ts'acal ibatic ta Silo sjunulic ta na li Elcanae yu'un bat smilbeic smoton Dios ta sventa jun jabil, xchi'uc bat spasic li c'usi yalojic ta stojol Muc'ul Diose.

1 Samuel 1:9

Ta yan c'ac'al c'alal te oyic ta Siloe, c'alal ilaj yo'nton ta ve'el li Anae, iva'i. Li pale Elie te chotol ta xchotleb ta yoyal xch'ulna Muc'ul Dios.

1 Samuel 14:3

Li boch'o slapoj batel li mocan c'u'il sventa palee ja' li Ahías, xnich'on Ahitobe. Ja' li sjunich'on Icabod, xnich'on Fineese; ja' li smomnich'on Elie. Ja' li pale yu'un Muc'ul Dios te ta Siloe. Scotol li yantique muc sna'ic me batem xa li Jonatane.

1 Samuel 2:19

Jech noxtoc c'alal chbat yac'beic smoton Dios ta jujun jabil li stot sme'e, tspasbeic batel jujulic sc'u' ta jujun jabil.

1 Samuel 2:34

Ja' senyail ta aventa chcom li chib anich'nab Ofni xchi'uc Finees ti ta persa chc'ot ta pasele, yu'un xchibalic chchamic ta jun no'ox c'ac'al.

1 Samuel 3:13

Calojbe xa ti j'ech'el ta xcac'be o stoj smulic xchi'uc yalab xnich'nab ta scoj ti chopol c'usi la spasique. La sna' ti chopol c'usi tspasic li xnich'nabe, pero mu'yuc la staq'ui.

1 Samuel 4:11

Xchi'uc laj yich'beic batel noxtoc li xcaxail smantal Diose, xchi'uc ichamic noxtoc li chib xnich'nab Elie, ja' li Ofni xchi'uc Fineese.

1 Samuel 4:4

Jech la staquic batel viniquetic ta Silo yu'un bat yich'beic tal xcaxail smantal li Muc'ul Dios ti tspas ta mantal scotol te ta vinajele, ti te nacal ta o'lol yu'unic li chib sloc'obal querubinetique., Li chib xnich'nab Elie, ja' li Ofni xchi'uc Fineese, te xchi'inojic batel li xcaxail smantal Muc'ul Diose.