1 Juan 5:9 - Bible in Tzotzil de Chenalhó with Deuterocanon

⁹ C'alal oy c'usi chalic cristianoetic ti chalic ti ta melel yilojique, ta jch'untic. Pero li c'usi chal ta jamal sc'op Diose ech'em to tsots sc'oplal, yu'un yaloj ta jamal ti ja' Xnich'on li Jesuse.

Tzotzil Zinacantan

⁹ Ti cꞌalal chalic cꞌusi yiloj li crixchanoetique, ta jchꞌuntic. Pero más tsots scꞌoplal ti ta jchꞌuntic cꞌusi yaloj ti Rioxe. Ti Rioxe yalojbotic ti jaꞌ Xchꞌamal ti Jesuse.

Bible in Tzotzil de Chamula

⁹ Ti c'usi ta sva'an sbaic ta yalel ti viniquetique, ta xquich'tic ta muc' ti sc'opique. Ja'uc xa van ti c'usi ta xal ti Diose, jelavem sc'oplal ta j'ech'el, yu'un ja' sc'opojel stuc Dios ti ta xalbotic sc'oplal ti Jesús ti ja' Xnich'one.

Tzotzil San Andres

⁹ Li cꞌusi chijyalbutic li crixchanoetique ti chalic ti melel yilojique, ta jchꞌuntic, pero jaꞌ más to tsots scꞌoplal ta jchꞌuntic li cꞌusi chijyalbutic li Diose. Yuꞌun li Diose laj xa yalbutic ti jaꞌ Snichꞌon li Jesuse.

Tzotzil de Huixtán

⁹ Mi ti jch'umbetic ti sc'op ti crixchanoetique li' ti balumile, ja' más ech'em tsc'an ti jch'umbetic sc'op ti Diose. Hech yalojbucutic ti Diose ti ja' Jcoltavanej cu'untic ti Snich'one.

1 Juan 5:9 Iomraidhean Croise

San Mateo 17:5

C'alal ja'o chlo'ilaj li Pedroe, ital jvol toc, oy xojobal; te macbil ic'otic. Te laj ya'yic c'op ta yut toc, jech laj yal: “Li'i ja' jnich'on, lec jc'anoj. Lec jpatoj co'nton yu'un. A'ibeic sc'op”,, xi.

San Juan 10:38

Pero me ja' yabtel ta jpasbe chavilique, ac'o me mu xach'unicun li vu'une, ch'unic ta sventa li cabtel ta jpase, yu'un jech chana'ic o ti li' oy ta jtojol li Jtote, xchi'uc ti oyun ta stojol eq'ue —xi li Jesuse.

San Juan 5:39

Chaq'uelilanic li sc'op Diose; chanopic ti jech chacuxiic o sbatel osile. Pero li sc'op Diose ja' vu'un te chiyalbun jc'oplal noxtoc.

Hechos 17:31

Yu'un li Diose sa'ojbe xa jun sc'ac'alil c'usi ora ta xich'ic chapanel scotol li cristianoetic ta banamile. Tuc' ta xchapanatic ta sventa ti c'u x'elan la spasic jujunique. Ac'bil xa ta ilel li boch'o ta xchapanvane, yu'un icha'cuxesat xa loq'uel ta smuquinal yu'un li Diose”, xi li Pabloe.

Hechos 5:32

Vu'uncutic testigouncutic ta sventa scotol le'e. Xchi'uc ja' testigo ec li Ch'ul Espíritu ti ac'bilic xa li boch'otic la xch'unic Cajvaltique —xiic.

Hebreos 2:4

Li Diose laj yac' lec ta ilel ti ja' melel li c'usi la xcholique, jech la yac'be spasic ep ta jchop sq'uelubiltac stsatsal. Xchi'uc laj yac'be sbijil jujunic ta sventa Ch'ul Espíritu jech chac c'u cha'al la sc'an stuque.

Hebreos 6:18

Jech oy chib c'usi mu xlaj sc'oplal laj yal li Diose, ja' svinajeb ti persa chc'ot ta pasel, ti mu ja'uc no'ox ch-epalc'opoje. Jech chpat lec co'ntontic, tstsatsub lec co'ntontic yu'un, vu'utic ti jch'unojtic, ti jpatoj xa co'ntontic ta jtatic li c'usi ta jmalatique.

1 Juan 5:10

Li boch'otic ta xch'un li Xnich'on Diose, yu'un oy ta yo'ntonic li sc'oplal albil ti ja' Xnich'on Dios li Jesuse. Li boch'o mu xch'un c'usi yaloj Diose ja' j'epalc'op chc'ot yu'un li Diose, yu'un mu xch'un li c'usi yaloj ta sventa Xnich'one.

1 Juan 5:8

Ja' li Ch'ul Espiritue, li vo'e, xchi'uc li ch'ich'e. Li oxibique jun no'ox c'usi chalic.