1 Juan 5:6 - Bible in Tzotzil de Chenalhó with Deuterocanon

⁶ Li Jesucristoe oy svinajeb ti ja' Xnich'on Diose, ja' ti c'alal laj yich' vo'e xchi'uc ti la smal xch'ich'ale. Ma'uc no'ox ti c'alal laj yich' vo'e, ja' te ivinaj noxtoc ti c'alal la smal xch'ich'ale. Ja' jech chalbe sc'oplal ec li Ch'ul Espiritue, xchi'uc ja' melel c'usi chal.

Tzotzil Zinacantan

⁶ Yuꞌun jaꞌ onox ti Jesuse ti Xchꞌamal Rioxe ti iyichꞌ voꞌe, ti ilocꞌ xchꞌichꞌel ta cruze; maꞌuc noꞌox ti cꞌalal iyichꞌ voꞌe. Ti Chꞌul Espíritue jaꞌ chiyalbotic ti jaꞌ Xchꞌamal ti Rioxe. Li cꞌusi chale yuꞌun yech.

Bible in Tzotzil de Chamula

⁶ C'alal tal ti Jesucristoe, vinaj sc'oplal ti c'alal laj yich' ti vo'e, xchi'uc ti laj smal ti xch'ich'ele. Ma'uc no'ox vinaj sc'oplal ti laj yich' ti vo'e, ti laj smal ti xch'ich'ele, jech xtoc ti Ch'ul Espíritu ti ja' melel ti c'usi ta xale, ja' laj sva'an sba ta rextico ta yalbel ti sc'oplale.

Tzotzil San Andres

⁶ Jaꞌ Snichꞌon Dios ti laj yichꞌ joꞌ li cꞌalal lic stsac yabtele, schiꞌuc li la smal schꞌichꞌel li cꞌalal ilaj li yabtele. Jaꞌ li Jesucristoe. Maꞌuc noꞌox Snichꞌon Dios ti cꞌalal iꞌabtej liꞌ ta balumile. Jaꞌ Snichꞌon Dios o ti cꞌalal la smal schꞌichꞌel ta cruze. Li Chꞌul Espíritue jaꞌ chacꞌ jnaꞌtic ti jaꞌ Snichꞌon li Diose. Melel li cꞌusi chale.

Tzotzil de Huixtán

⁶ Ja' ti Snich'on ti Diose, ja' ti Jesucristoe, ti tal yich' ho' li' ti balumle, ti tal smal xch'ich'el ti cruze. Ma'uc no'ox tal yich' ho', ja' tal smal xch'ich'el ti cruz uc.

1 Juan 5:6 Iomraidhean Croise

Ezequiel 36:25

Ta jvijoxuc ta lequil vo', jech lec sac chacomic. Ta jpocboxuc loq'uel scotol li avic'ubalic ti toj chopole, xchi'uc ta jipboxuc loq'uel ta avo'ntonic li sloc'obaltac adiosique.

Levítico 17:11

Yu'un ja' ta sventa xch'ich'al cuxul li c'usitic cuxajtique. Xchi'uc li ch'ich'e ja' cac'oj ta sventa chich' aq'uel ta scajleb jmoton sventa aq'uexolic yu'un jech mu xachamic li vo'oxuque, yu'un ja' ta sventa ch'ich' tojbil chc'ot ti jech cuxul chacomique.

Zacarías 9:11

Jech chal li Muc'ul Diose: “Jerusalén, ta sventa ti chavaq'uic li ch'ich' jech chac c'u cha'al jchapanojtique, jech ta jloq'ues tal li jchuqueletic avu'un ti te tiq'uilic batel ta natil pozo ti mu'yuc ya'lele.

San Mateo 26:28

Li'i ja' jch'ich'al sventa chc'ot ta pasel li c'usi chapanbil ono'oxe. Yu'un ta xmal ta sventa ep cristianoetic, jech ep boch'o tsta perdón yu'un smulic.

San Mateo 3:16

C'alal laj yich' vo' li Jesuse, iloc' ta uc'um; ta ora ijam li vinajele. Laj yil iyal tal ta sba li Espíritu yu'un Diose, xco'laj xchi'uc stsumut yilel.

Marcos 14:24

Jech laj yal li Jesuse: —Li'i ja' jch'ich'al; ja' chtun ta sventa li c'usi chapanbil ono'oxe. Ta xmal ta sventa ep cristianoetic.

San Lucas 22:20

C'alal ilaj yo'ntonic ta ve'ele, la stsac noxtoc li vasoe. Ja' co'ol la spas jech chac c'u cha'al la spas ta sventa li pane, jech laj yalbe li yajchanc'optaque: —Li ya'lel ts'usub li'i, ja' li jch'ich'ale, ja' sventa li c'usi ach' chapanbile, yu'un ta xcac' ta malel ta acojic.

San Juan 14:17

Ja' li Ch'ul Espíritu ti ja' Melele. Li cristianoetique mu xu' ta xich'ic, yu'un mu xilic, xchi'uc mu xotquinic. Yan li vo'oxuque chavotquinic, yu'un te chnaqui ta atojolic; j'ech'el te ch-och o ta avo'ntonic.

San Juan 14:6

Li Jesuse jech laj yal: —Vu'un li beune, vu'un li melelune, vu'un li cuxlejalune. Mu'yuc boch'o xu' chbat ta stojol Jtot ti me mu xtal ta jtojole.

San Juan 15:26

“C'alal me ital li Jpojvanej avu'unic ti ta jtacboxuc yalel tal ta sventa li Jtote, ja' li Ch'ul Espíritu ti ja' Melele, ja' te ta xlic tal ta stojol li Jtote; ja' chtal yalbun jc'oplal li vu'une.

San Juan 16:13

C'alal me ital li Ch'ul Espíritu ti ja' Melele, ja' chastojobtasoxuc batel ta sventa scotol li c'usi melele. Yu'un mu ja'uc ta xal c'usi tsc'an stuc; ja' ta xal li c'usitic ta x'ac'bat sna'e. Ja' ta xac'boxuc ana'ic scotol li c'usitic ta to xc'ot ta pasele.

San Juan 3:5

Itac'ov li Jesuse: —Ta melel, jamal ta xcalbot ava'ay: Li boch'o mu'yuc chcha'voc' ta sventa vo' xchi'uc ta sventa Ch'ul Espiritue, mu xu' chich' ventainel yu'un Dios.

San Juan 4:10

Itac'ov li Jesuse: —Ana'uc ti tsc'an chayac'bot amoton li Diose xchi'uc ti lajuc avotquin li boch'o la sc'anbot ava'al yuch'e, vo'ot laj ac'anbe ba'yuc vo' ti jechuque. Jech ja' laj yac'bot li vo' ti chac' cuxiane —xut.

San Juan 4:14

Yan li boch'otic ta xuch'ic li vo' ti vu'un ta xcac'bee mu'yuc xa ta xtaquij o yo'ntonic. Yu'un li vo' ti vu'un ta xcaq'ue ja' jech chc'ot ta yo'ntonic jech chac c'u cha'al nio' ti te chloq'uilan o sventa chcuxiic sbatel osile —xi.

San Juan 6:55

Yu'un li jbec'tale ja' mero lequil ve'lil ta xc'ot. Li jch'ich'ale ja' mero lequil vo' ta xc'ot.

Hechos 8:36

Ixanovic batel ta be, te la staic vo'. Jech laj yal li vinique: —Q'uelavil, oy vo' li'i. ¿Me oy c'usi tspas ti c'alal chavac'bun quich' vo'e? —xut.

Romanos 3:25

Yu'un li Diose ja' laj yac'be smal xch'ich'al li Jesucristoe, jech ic'ot ta jch'aymulil ta sventa li boch'otic ta xch'unique. Jech ivinaj ti tuc' yo'nton li Diose, yu'un te la sts'icbe smul li cristianoetic ta poco' vo'onee,

Efesios 1:7

Ja' li Xnich'on ti la smanutic ta xch'ich'al, yu'un jech la jtatic o perdón yu'un li jmultique, yu'un bats'i ep c'uxutic ta yo'nton.

Colosenses 1:4

Yu'un ca'yojcutic ti oy lec xch'unojel avo'ntonic ta stojol Cristo Jesuse, xchi'uc ti lec chac'anic scotol li yu'untac Diose,

1 Timoteo 3:16

Yu'un jbel sc'oplal toj yan to sba smuc'ul li c'usi melel la jch'untique: Ja' li sc'oplal li Boch'o laj yac' sba ta ilel ta jtojoltic xchi'uc sbec'tale, ivinaj ta sventa Ch'ul Espíritu ti tuc' yo'ntone; i'ilat yu'un j'almantaletic. Ipucbat batel sc'oplal ta yantic banamil; laj yich' ch'unel li' ta banamil, xchi'uc laj yich' iq'uel muyel ta lequilal.

SUN TITO 3:5

jech la scoltautic. Pero mu ja'uc ta sventa tuc' c'usi la jpastic ti jech la scoltautique; ja' ta sventa xc'uxul yo'nton stuc. Ja' ta sventa ti la spocutic, ti la sjelbutic co'ntontic, ti laj yac' cha'voc'cutic ta ach' ta sventa li Ch'ul Espiritue.

Hebreos 10:29

¿C'u to stsatsal tstoj smul xana'ic li boch'o chpech'beic ta teq'uel Xnich'on li Diose, ti mu'yuc xa stu ta yo'ntonic li xch'ich'al Cristo laj yac' tunuc ta sventa c'usi la xchapan Diose, ti chopol chalbeic sc'oplal li Ch'ul Espíritu ti ja' xc'uxubinelique?

Hebreos 12:24

Ja' te yo' bu oy li Jesús ti ja' Jc'opojel cu'untic ta sventa li c'usi ach' chapanbile, ja' li boch'o la smal xch'ich'al sventa lecubtasele. Li xch'ich'al la smale toj lec c'usi ta jtatic yu'un; mu jechuc jech chac c'u cha'al li xch'ich'al la smal Abele.

Hebreos 13:20

Li Dios ti chac' jun o'ntonale, ti la xcha'cuxes loq'uel ta smuquinal li Cajvaltic Jesucristoe, ja' li Banquilal Jchabichij cu'untique, ti ja' ta sventa xch'ich'al laj yac' c'otuc o ta pasel sbatel osil li c'usi chapanbil yu'une,

Hebreos 9:14

Buuc xa li xch'ich'al Cristoe, j'ech'el la spocbutic o loq'uel ta jol ta co'ntontic li c'usi mu'yuc stu la jpastique, yu'un jech ja' xa chlic tuncutic yu'un li cuxul Diose. Yu'un li stuque mu'yuc smul ta stojol li Diose. Stuc laj yac' sba ta smoton Dios ta jventatic sventa sbatel osil ta sventa li Ch'ul Espiritue.

Hebreos 9:7

Yan ta xchibal cuartoe ja' no'ox jun velta ta jabil i'och stuc li banquilal palee. C'alal ch-oche, persa chich' ochel ch'ich' ta stojol Dios sventa tspasbat perdón yu'un smul stuc xchi'uc smul xchi'iltac.

1 Pedro 1:2

Vo'oxuc ti t'ujbiloxuc ono'ox yu'un Dios Totil ta sventa ti jech ono'ox snopoje, xchi'uc ta sventa ti laj xa slecubtasoxuc li Ch'ul Espiritue, yu'un jech ac'o ach'unic, ac'o avich'ic lecubtasel ta sventa xch'ich'al li Cajvaltic Jesucristoe. Ac'o ataic ep c'uxubinel xchi'uc ac'o ataic o jun avo'ntonic.

1 Pedro 3:21

Li vo' le'e ja' senyail li vo' chquich'tique, jech chijcolutic. Li vo' chquich'tique mu ja'uc sventa chispocbutic jbec'taltic. Ja' sventa ti lecuben xa jol co'ntontic ta stojol Dios ta sventa ti icha'cuxi li Jesucristoe.

1 Juan 1:7

Yan me chijxanovutic ta sac osil jech chac c'u cha'al oy ta sac osil stuque, ta melel jun chijc'ot ta jcotoltic; chispocbutic loq'uel scotol jmultic ta xch'ich'al Xnich'on, ja' li Jesuse.

1 Juan 4:10

Ja' jech laj quiltic c'u x'elan li c'anvaneje. Yu'un muc vu'uticuc ba'yuc la jc'antic li Diose; ja' ba'yuc la sc'anutic. Jech la stac tal li Xnich'one; ja' milbil matanal ic'ot ta sventa jmultic.

Apocalipsis 1:5

xchi'uc ta sventa li Jesucristoe, ja' li tuq'uil testigoe, ja' ti ba'yuc icha'cuxi loq'uel ta smuquinale, ja' li banquilal yu'un scotol ajvaliletic li' ta banamile, ti ep c'uxutic ta yo'ntone, ti la smanutic ta xch'ich'al ta sventa jmultique.

Apocalipsis 5:9

La sq'uejintaic jun ach' q'ueoj, jech chal: “Vo'ot no'ox atuc puru lec c'usi apasoj ti ivu' avu'un laj avich' li vune, xchi'uc xu' avu'un chatuch'be li spaq'ue. Yu'un vo'ot laj avich' milel. Ta ach'ich'al laj aman sventa chc'otic ta yu'untac Dios li cristianoetic ta jujuchop sts'unubal, ta jujuchop c'op, ta jujun lum, xchi'uc ta jujun banamile.

Apocalipsis 7:14

Jech la jtac'be: “Cajval, mu jna'. Vo'ot xana'”, xcut. Jech laj yalbun: “Le'e ja' li boch'otic imilatic ta scoj ti tsots liquem vocol ta banamile. Xchuc'oj xa lec sc'u'ic, yac'oj xa sbaic ta sacubtasel ta xch'ich'al li Ch'ium Chije.