1 Juan 5:18 - Bible in Tzotzil de Chenalhó with Deuterocanon

¹⁸ Li boch'otic stotinojic xa li Diose, ta jna'tic ti mu xa teuc tsa'ilan o smulique. Yu'un li Xnich'on Diose chchabi li xnich'nabe, jech mu xpicatic yu'un li pucuje.

Tzotzil Zinacantan

¹⁸ Jnaꞌojtic lavi xchꞌamalotic xa ti Rioxe, mu xa jcꞌan jsaꞌ jmultic. Jaꞌ chixchabiotic ti Xchꞌamal Rioxe, mu xa xiyilbajinotic ti pucuje.

Bible in Tzotzil de Chamula

¹⁸ Jna'tic lec ti buch'u stotinoj ti Diose, mu teyuc no'ox ta sa'olan ti smule, chabibil yu'un ti Xnich'on Diose, mu x'aq'ue ta piquel yu'un ti pucuje.

Tzotzil San Andres

¹⁸ Li joꞌotic ti cacꞌoj jbatic ta scꞌob li Diose, mu xa jsaꞌ jmultic. Jaꞌ schabiojutic li Snichꞌon li Diose jaꞌ yuꞌun mu xa xispasutic ta canal li pucuje.

Tzotzil de Huixtán

¹⁸ Ti ho'ucutique ti jna'tic ti yu'un cha'anemucutic xa ti stojol ti Diose hech mu xa jsa' jmultic. Yu'un chixchabiucutic ti Snich'on ti Diose hech mu xu' chijyilbajinucutic ti pucuje.

1 Juan 5:18 Iomraidhean Croise

Salmos 119:101

Mu'yuc laj cac' batel cacan ta sbelal li c'usitic chopole, jech ivu' cu'un la jch'un li ac'ope.

Salmos 119:3

ti mu sc'an spasic c'usitic chopole, ti ja' no'ox te chanovic o ta sbe li Muc'ul Diose.

Salmos 17:4

jech chac c'u cha'al tspas li cristianoetique. Laj xa jvoc' jba ta sbeic li boch'o chchapan ta yipal stuquic c'usi tspasique, yu'un ja' jech chal li mantaletic avu'une.

Salmos 18:23

Mu'yuc jtaoj jmul ta stojol; mu'yuc la jpas li c'usi oy ta co'ntone.

Salmos 39:1

Jnopoj ti ta jq'uel jba ta sventa li c'usitic ta jpase. Mu jc'an jsa' jmul xchi'uc li coq'ue; ta xcac'be lec freno li quee, yu'un li' oyic ta jtojol li boch'otic chopol yo'ntonique.

Proverbios 4:23

Li c'usi tsots sc'oplal ta scotole ja' tsc'an chanop lec li c'usi chatic' ta avo'ntone, yu'un ja' te chlic tal li acuxlejale.

Levítico 11:37

“Jech noxtoc me oy chc'ot ta sbec' c'usi tstac' ts'unel li chamen chonetic le'e mu'yuc ta soc.

San Mateo 5:37

Meleluc me li c'usitic chavalique. ‘Xu'’, me xachie, ac'o xu'uc o; ‘Mu xu'’, me xachie, ac'o jechuc. Yu'un li boch'o ep c'usi chalilan ti mu meleluque ja' yabtel pucuj.

San Mateo 6:13

Mu me xavac' stsaluncutic li sujel ta mulile. Coltauncutic loq'uel ta sc'ob li pucuje’, xachiic ti c'alal chac'opanic Diose.

San Juan 1:13

Pero mu ja'uc jech chac c'u cha'al xnich'nab cristiano ti ja' no'ox ta sventa sbec'talique, ti ja' no'ox ta sventa yu'un jech tsc'an yo'ntonique. Ja' ta sventa stuc Dios ti chijcha'voq'ue.

San Juan 14:30

“Mu xa xu' jal ta jc'opanoxuc, yu'un ta xa xtal li banquilal jpasmantal li' ta banamile, pero mu'yuc c'usi xu' yu'un chispasbun.

San Juan 15:4

Li' me oyanic o ta jtojol, jech te oyun o ta atojolic ec. Na'ic me, ti manchuc stsacoj sbaic xchi'uc smuc'ta aq'uil li sc'ob ts'usube, mu satin ti jechuque. Ja' jechoxuc, mu'yuc c'usi xu' avu'unic ec ti me mu li'uc oyoxuc o ta jtojole.

San Juan 15:7

“Me li' oyoxuc o ta jtojole, me te oy o ta avo'ntonic li jc'ope, xu' chac'anbeic Dios scotol li c'usi chac'anique, jech chayac'boxuc.

San Juan 15:9

Lec jc'anojoxuc jech chac c'u cha'al lec sc'anojun li Jtote. Li' me oyanic o ta jtojol, yu'un lec jc'anojoxuc.

Hechos 11:23

C'alal ic'ote, laj yil c'u x'elan c'uxubinbilic yu'un Dios li jch'unolajeletique, jech xcuxet ic'ot yo'nton. Te la stsatsubtasbe yo'ntonic, laj yalbe ti junuc yo'ntonic o ta stojol Cajvaltique.

Santiago 1:18

Ta sventa ti jech la sc'an stuc li Diose, jech laj yac' cha'voc'cutic ta sventa li sc'op ti ja' melele, jech vu'utic sliqueb lijc'ot yu'un scotol li c'usitic spasoje.

Santiago 1:27

Me ta melel lec xch'unoje, mu'yuc c'usi chopol tspas ta stojol li Jtotic Diose. Ja' no'ox jech tspas chac li'i: Ta sq'uel me'on ololetic xchi'uc me'on antsetic ti c'alal oy svocolique, xchi'uc mu soques sba ta sventa li c'usitic chopol li' ta banamile.

1 Pedro 1:23

Yu'un lacha'voq'uic ta ach', pero mu xa ja'uc laj avich'beic sts'unubal li atot ame'ic ti sna' xlaje. Ja' xa sventa li sc'op Dios ti cuxul, ti mu sna' xlaj oe.

1 Juan 2:29

Yu'un xana'ic xa ti tuc' yo'nton stuc li Cristoe, jech tsc'an chana'ic noxtoc ti ja' xnich'nab Dios scotol li boch'otic tuc' c'usitic ta spasique.

1 Juan 3:12

Mu me jpastic jech chac c'u cha'al Caín ti ja' xnich'on pucuje, jech la smil li yits'ine. ¿Me xana'ic c'u yu'un ti la smil li yits'ine? Yu'un li stuque toj chopol c'usi tspas; yan li yits'ine tuc' c'usi tspas.

1 Juan 3:3

Scotol li boch'otic jech spatoj yo'ntonic ta stojol li Cristoe ta xaq'uilan sbaic ta lecubtasel jech chac c'u cha'al lec li Cristoe.

1 Juan 3:9

Li boch'o ja' xnich'on Diose mu xa sa'ilan smul. Yu'un te xa oy stalel Dios ta yo'nton, jech ja' xa xnich'on Dios c'otem; mu'yuc xa ta yo'nton tsa'ilan smul.

1 Juan 4:6

Yan li vu'utique xnich'nabutic xa li Diose. Li boch'otic xotquinic Diose ta xa'ibutic li jc'optique. Yan li boch'o mu xotquinic Diose mu xich'ic ta muc' li jc'optique. Ja' jech ta xcotquintic li boch'otic ja' ventainbilic yu'un li Espíritu ti ja' melele. Jech ta xcotquintic noxtoc li boch'otic ja' ventainbilic yu'un jlo'lavaneje.

1 Juan 5:1

Scotol li boch'o ta xch'un ti ja' Cristo li Jesuse, ja' xa xnich'nab Dios. Li boch'o lec sc'anoj li Stote, lec sc'anojbe noxtoc li yantic xnich'nabe.

1 Juan 5:15

Me ta jna'tic ti chiya'ibutic jc'optique, ta jna'tic noxtoc ti ta jtatic xa li c'usi ta jc'anbetique.

1 Juan 5:19

Ta jna'tic ti xnich'nabutic xa li Diose, xchi'uc ti oyic ta sc'ob pucuj scotol li yan cristianoetic li' ta banamile.

1 Juan 5:20

Ta jna'tic noxtoc ti i'ay ta banamil li Xnich'on Diose, laj yac'butic jbijiltic sventa ac'o cotquintic li bats'i Dios ta melele. Jun me ac'o oyuticuc o jchi'uctic li Boch'o ta melel ja' stuc oe, ja' li Jesucristo Xnich'on Diose. Le'e ja' bats'i Dios ta melel; ja' Cuxlejal sventa sbatel osil.

1 Juan 5:21

Jnich'nabtac, q'uelo me abaic ta sventa li sloc'obal c'usitic cuybilic ta Diose.

1 Juan 5:4

Yu'un scotol li boch'o ja' xa xnich'nabtaque tstsal yu'unic li c'usi sventa banamile. Li xch'unojel co'ntontique ja' chac' vu'uc cu'untic stsalel li c'usitic sventa banamile.

Judas 1:21

Te me oyanic o ta stojol li Dios ti lec sc'anojoxuque, junuc avo'ntonic malaic tsta sc'ac'alil chixc'uxubinutic li Cajvaltic Jesucristoe, ja' ti chac' jcuxlejaltic sventa sbatel osile.

Judas 1:24

Li Dios ti stuc no'oxe, ti ja' Jcoltavanej cu'untique, xu' yu'un chaxchabioxuc, yu'un jech mu xayalic ta spasel li c'usi chopole, jech mu'yuc amulic ti c'alal chc'ot ava'an abaic ta xch'ul lequilale. Jech toj xcuxet no'ox avo'ntonic. Ja' yu'un stuc no'ox ac'o albatuc slequilal, ac'o spas mantal, ac'o sventain ta svu'el stsatsal stuc li' ta ora ta sventa li Jesucristoe, xchi'uc c'alal to ta sbatel osil. Jechuc.

Apocalipsis 2:13

Vu'une xcotquin ti bu nacaloxuque; jna'oj ti te nacaloxuc yo' bu yac'oj xchotleb li banquilal pucuje. Pero te to acuchojbicun o li jbie; mu'yuc bu xamuc ta avo'ntonic ti ach'unojique. Muc xaxi'ic o c'alal imilat te yo' bu oyoxuc li cajtunel Antipas ti jun yo'nton itun te yo' bu yac'oj xchotleb li banquilal pucuje.