1 Juan 5:16 - Bible in Tzotzil de Chenalhó with Deuterocanon

¹⁶ Me ta xquiltic ti oy jchi'iltic ta spasilan c'usi chopol ti ma'uc to sventa ch'ayele, ja' sc'an ta jc'opanbetic Dios ta stojol, jech ch-ac'bat xcuxlejal yu'un Dios me ma'uc to sventa ch'ayel li mulil tspase. Yu'un oy mulil ti ja' sventa ch'ayele. Ta sventa le'e, mu'yuc chacalboxuc ti ac'o ac'opanbeic Dios ta stojole.

Tzotzil Zinacantan

¹⁶ Mi oy bu iquiltic chopol cꞌusi tspas junuc jchiꞌiltic ta xchꞌunel li scꞌop Rioxe, mi maꞌuc to tspas li mulil ti chꞌabal pertonale, jcꞌoponbetic Riox. Ti Rioxe chacꞌ cuxluc ta sbatel osil. Yan mi jaꞌ tspas li mulil ti chꞌabal pertonale, mu xcal ti ta jcꞌoponbetic Rioxe.

Bible in Tzotzil de Chamula

¹⁶ Mi oy buch'u ta xil ti oy jun xchi'il ti yacal ta sa' smul ti ma'uc sventa ch'ayele, c'oponbeic Dios ta stojol yo' jech ta x'ac'bat xcuxlejal yu'un ti Dios ti buch'ue, ti mi ma'uc jun mulil sventa ch'ayele. Oy mulil ti ta x'ac'van ta ch'ayele. Ma'uc ta xcal ti ta xac'oponbeic Dios ta stojole.

Tzotzil San Andres

¹⁶ Mi oy chquiltic ti chopol li cꞌusi tspasulan jun quermanotic ti mu ta chꞌayeluc chbat oe, jaꞌ scꞌan acꞌo jcꞌoponbetic Dios ti acꞌo yicta li cꞌusi chopol tspase. Li Diose chacꞌ chcuxi sbatel osil. Yan ti mi jaꞌ tspasulan li cꞌusi chopol ti ta chꞌayel chbat oe, muc bu chacalbeic ti acꞌo xacꞌoponbeic Dios ta stojole.

Tzotzil de Huixtán

¹⁶ Mi oy quermanotic yac'oj sba tsa' smul chavilic, mi mu yu'unuc ja' stamoj o ti sbelal ch'ayele, ja' chac'opombeic Dios ti stojol. Hech ta to x'ac'bat xcuxlejal sbatel osil. Mi yu'un stamoj o ti sbelal ch'ayele, ma'uc chacalboxuc yu'un chac'opombeic Dios ti stojol.

1 Juan 5:16 Iomraidhean Croise

Génesis 20:17

Li Abrahame la sc'opanbe Dios ta stojol li Abimeleque. Li Diose la scolta li Abimelec xchi'uc yajnile xchi'uc li squiarataque yu'un jech xu' ch-alajic.

Génesis 20:7

Ja' yu'un li' ta orae ac'bo sutel yajnil li vinique, yu'un li stuque ja' jun j'alc'op. Ja' ta sc'an vocol ta atojol, yu'un ac'o to cuxian. Pero me mu xasutesbe li yajnile, ta me xacham achi'uc scotol li boch'otic oy avu'une”, x'utat.

Salmos 106:23

Li Diose laj yal ti chules ox scotolique, pero li Moisés ti t'ujbil yu'un Diose, ja' la sva'an sba ta stojol li Diose, la smac li xchi'iltaque, jech te ilamaj sc'ac'al yo'nton li Diose, mu'yuc bu laj yules o.

Éxodo 34:9

Jech laj yal: —Cajval, Cajval, me ta melel lec chavilune, bat chi'inuncutic jchi'uc li jchi'iltaque. Ac'o me toj tsots yo'ntonic ta melel li jchi'iltaque, pasbuncutic perdón li jmulcutique li jchopolilcutique. Ic'uncutic ta mero anich'on —xut.

Jeremías 11:14

Li vo'ote Jeremías, mu me xac'opanun ta sventa li jun ta lum li'i; mu me xac'anbun vocol ta stojolic, yu'un mu'yuc ta xca'ay ac'opic me chac'anbicun vocol ti c'alal yorail oy svocolique.

Jeremías 14:11

Jech laj yalbun noxtoc li Muc'ul Diose: “Mu me xac'anbun vocol ta sventa slequilalic li jun lum li'i.

Jeremías 7:16

“Li vo'ote, Jeremías, mu me xac'opanun ta sventa li achi'iltac li'i; mu xac'anbun vocol ta sventaic, yu'un mu'yuc ta xca'ibot ac'op.

Ezequiel 22:30

La jsa' me oy junuc vinic te ta stojolic ti oy c'usi xu' tspas ta sventa slequilal li lume, ti me oy chc'opoj ta jtojol yu'un jech mu me xculese, pero mu'yuc la jta.

Números 12:13

Ja' yu'un li Moisese lic sc'anbe vocol li Diose, jech laj yalbe: “Dios cu'un, avocoluc coltao ta sventa li xchamele”, xi.

Números 15:30

“Pero me oy junuc boch'o yutsil yo'nton la sa' smule, oy xa smul o ta jtojol, boch'ouc no'ox, me israel, o me yanlum cristiano. Li boch'o jech la spase, ac'o yich' loq'uesel ta atojolic.

San Lucas 12:10

“Li boch'o chopol chc'opoj ta jtojol vu'un ti Xnich'on cristiano lic'ote, ta to spasbatic perdón. Yan li boch'o chchopolc'opta li Ch'ul Espiritue, mu'yuc ta spasbatic o perdón.

San Juan 17:9

“Vu'un ta jc'anbot vocol ta stojolic. Mu ja'uc ta jc'anbot vocol ta stojol li cristianoetic li' ta banamile. Ja' ta jc'anbot vocol ta stojol li boch'otic laj avac'bune, yu'un ja' avu'untac.

2 Timoteo 4:14

Li Alejandro jtentaq'uine ep c'usi chopol la spasbun. Ta to x'ac'bat stojol yu'un Cajvaltic ta sventa li c'usi la spase.

1 Juan 5:17

Scotol li c'usitic chopole ja' mulil ono'ox. Pero oy mulil ti mu ja'uc sventa ch'ayele.

1 Samuel 12:19

Scotol israeletic jech lic yalbeic li Samuele: —C'anbo vocol Muc'ul Dios ta jventacutic yu'un mu me xichamcutic. Yu'un la jta tsots jmulcutic ta sventa ti la jc'ancutic jun ajvalil cu'uncutique —xiic.

1 Samuel 2:25

Me oy jun vinic tsa' smul ta stojol yan xchi'ile, ja' chchapanatic yu'un li Muc'ul Diose. Pero me ja' tsa' smulic ta stojol Muc'ul Diose, ¿boch'o xu' tsc'anbeic vocol ta stojol?”, xut. Pero muc xa xich'beic ta muc' sc'op li stotique, yu'un li Muc'ul Diose chapal xa yu'un ac'o chamicuc.