1 Juan 4:17 - Bible in Tzotzil de Chenalhó with Deuterocanon

¹⁷ Jech ch-epaj batel ta co'ntontic li c'anvanej yu'une. Jech mu'yuc chijxi' ti c'alal tsta sc'ac'alil chapanele; oy stsatsal co'ntontic. Yu'un c'alal li' oyutic ta banamile, ja' jech co'ntontic jech chac c'u cha'al yo'nton stuc li Jesucristoe.

Tzotzil Zinacantan

¹⁷ Lavi liꞌotic ta sba balamile, mi coꞌolcoꞌol jcꞌanoj jbatique, chvinaj ti jaꞌ yech coꞌontic chac cꞌu chaꞌal yoꞌon ti Rioxe. Yechꞌo un jpatoj xa coꞌontic ti lec bu chiyicꞌotic echꞌel ti Rioxe ti cꞌalal sta yora chiyalbotic bu chibatic ta sbatel osile.

Bible in Tzotzil de Chamula

¹⁷ Ti jech taj une, ta xvinaj ta j'ech'el ti oy syail xc'uxul o'ntonal ta jtojoltique yo' jech ta jpat co'ntontic ta stojol c'alal ta xc'ot sc'ac'alil ti chapanele. Ti vo'otic li' ta banomile, yu'un co'ol co'ntontic jech c'u cha'al ti Jesucristoe.

Tzotzil San Andres

¹⁷ Jech xuꞌ cuꞌuntic ta jcꞌuxubinan jbatic. Jaꞌ yuꞌun mu xijxiꞌ li cꞌalal ta xcꞌot scꞌacꞌalil ta xꞌichꞌbat scꞌop scotol li crixchanoetique, yuꞌun cꞌalal liꞌ oyutic ta balumile, jech coꞌontic jech chac cꞌu chaꞌal yoꞌon li Diose.

Tzotzil de Huixtán

¹⁷ Yu'un mi chijc'uxubinvan ti mero melel hech muc chijxi' ti stojol ti Diose c'alal tsta yorail ti chich'be sc'op yu'un smulic scotol crixchanoetic. Yu'un hech co'ntontic c'alal li'oyucutic ti balumile hech chaj c'u che'el ti yo'ntone.

1 Juan 4:17 Iomraidhean Croise

San Mateo 10:15

Melel li c'usi chacalboxuque, c'alal tsta yorail chac' stojol mulil li Diose, ja' ech'em tsots stojol smul ta xich' li lum le'e. Ja' jutuc no'ox stojol smul ta xich'ic li lum Sodoma xchi'uc li lum Gomorra ta vo'onee.,

San Mateo 10:25

Li jchanvune xu' no'ox me sta jech chac c'u cha'al li jchanubtasvanej yu'une. Jech ec li mozoe xu' no'ox me sta jech chac c'u cha'al li yajvale. Vu'un li totilun ta jbej na ya'yele, ‘Pucujot’, xi jc'oplal, ¡buuc xa vo'oxuc li jnich'naboxuque!

San Mateo 11:22

Ja' yu'un chacalboxuc, c'alal tsta sc'ac'alil ta xchapanvan li Diose, ja' jutuc stojol smul chich' li yanlum cristianoetic te nacajtic ta Tiro xchi'uc ta Sidón ta vo'onee. Li vo'oxuque ech'em tsots chavich' stojol amulic.

San Mateo 11:24

Ja' yu'un chacalboxuc ava'yic: C'alal tsta sc'ac'alil ta xchapanvan li Diose, ja' jutuc stojol smul chich' li lum Sodomae. Li vo'ote ech'em tsots chavich' stojol amul”, xi li Jesuse.

San Mateo 12:36

Ja' yu'un chacalboxuc ava'yic, ti c'u yepal mu'yuc stu c'usi chavalique ta ono'ox xc'ot avich'ic jac'bel ti c'alal tsta yorail ta xchapanvan li Diose.

San Juan 15:20

Na'ic me ti jech ono'ox calojboxuque: ‘Li boch'o mozo no'oxe ma'uc muc' c'otem ta stojol li yajvale’, xacutoxuc ono'ox. Me laj yuts'intaicun ec li vu'une, ja' no'ox jech chayuts'intaoxuc ec. Ti lajuc yich'bicun ta muc' ec li jc'ope, chayich'boxuc ta muc' ac'opic ec ti jechuque.

San Juan 17:22

Li jlequilal cutsilal laj avac'bune, laj cac'be yich'ic ec, yu'un jech jun no'ox ac'o c'oticuc jech chac c'u cha'al jun no'ox oyutic li vu'utique.

Romanos 8:29

Yu'un li boch'otic vo'one ono'ox yotquinoje, vo'one st'ujoj noxtoc. Snopoj ti co'ol chc'otic jech chac c'u cha'al li Xnich'one. Ja' yu'un li Xnich'one ja' ba banquilal chc'ot yu'un scotol li jch'unolajeletique.

Hebreos 9:27

Ja' jech chac c'u cha'al ti jun no'ox velta chcham scotol li cristianoetique, ts'acal to ja' xa no'ox chtal chapanel;

Santiago 2:13

Yu'un li boch'o mu'yuc c'ux ta yo'nton xchi'ile, jech mu'yuc c'ux ta o'ntonal ec ti c'alal ta xchapanate. Yan li boch'o c'ux ta yo'nton xchi'ile, ja' jech c'ux ta o'ntonal ec ti c'alal yorail ta xchapanate.

Santiago 2:22

Q'uelo lec avil. Li xch'unojel yo'ntone ivinaj ta sventa yabtel. Ta sventa li yabtelal xch'unojel yo'ntone, lec ts'acal ic'ot o.

2 Pedro 2:9

Li Cajvaltique sna' c'uxi chut tscolta ta svocol li boch'o ta x'ich'at ta muc' yu'une, xchi'uc sna' bu chac' batel li boch'otic toj chopolique yu'un jech te oyic o c'alal to tsta yorail ta xich'ic chapanel.

2 Pedro 3:7

Jech noxtoc li' ta orae, li vinajel xchi'uc banamile chapanbil xa sc'oplal ta xc'ac' ta c'oc' ti c'alal yorail chapanele, ja' ta sc'op noxtoc li Diose. Xchi'uc ja' yorail chbatic ta ch'ayel li chopol cristianoetique.

1 Juan 2:28

Jnich'nabtac, li' ta orae j'ech'el me te oyanic o ta stojol li Cristoe, yu'un jech jun co'ntontic, jech mu xijq'uexov ta stojol ti c'alal chvul ta loq'uele.

1 Juan 2:5

Yan li boch'o ta xch'unbe sc'ope, ta melel oy xa ta yo'nton li c'anvanej ta sventa Diose, jech ta jna'tic o ti jun xa oyutic jchi'uctic li Diose.

1 Juan 2:6

Li boch'otic chalic ti jun xa oyic xchi'uc Diose, ac'o me spas jech chac c'u cha'al la spas li Cajvaltic Jesucristoe.

1 Juan 3:1

A'yo ava'yic, toj ep la sc'anutic li Jtotic Diose, jech “jnich'nabtac” xijyututic. Ta melel vu'utic xnich'nabutic. Ja' yu'un li boch'otic ja' batem yo'ntonic ta sventa banamile mu xijyotquinutic, yu'un mu'yuc yotquinojic li Diose.

1 Juan 3:3

Scotol li boch'otic jech spatoj yo'ntonic ta stojol li Cristoe ta xaq'uilan sbaic ta lecubtasel jech chac c'u cha'al lec li Cristoe.

1 Juan 3:7

Jnich'nabtac, mu me boch'o xaslo'laoxuc. Li boch'o ja' ta spas c'usitic tuq'ue, ja' tuc' yo'nton, jech chac c'u cha'al tuc' yo'nton li Cristoe.

1 Juan 4:12

Mu'yuc boch'o yiloj li Diose, pero me ta jc'anan jbatique, li' nacal ta co'ntontic. Jech yantic ch-epaj batel ta co'ntontic li c'anvanej yu'une.