1 Juan 4:16 - Bible in Tzotzil de Chenalhó with Deuterocanon

¹⁶ Li vu'utique laj xa jna'tic, xchi'uc jch'unojtic xa ti sc'anojutic li Diose. Li Diose ja' stalel ta xc'anvan o. Li boch'o ta xc'anvane te oy ta stojol li Diose. Jech ec li Diose te nacal ta yo'nton.

Tzotzil Zinacantan

¹⁶ Jnaꞌojtic xa, jchꞌunojtic xa ti scꞌanojotic ti Rioxe. Yuꞌun yech yoꞌon ti scꞌanojotique. Mi chicꞌanvanotique, yuꞌun quichꞌojtic ta mucꞌ, liꞌ xchiꞌinojotique.

Bible in Tzotzil de Chamula

¹⁶ Ti jech taj une, jech ta jna'tic, ta jch'untic ti c'ux ta xijya'iotic ti Diose, yu'un ti Diose c'ux ta x'a'yivan. Ti buch'u oy ta stojol ti syail xc'uxul o'ntonale, oy ta stojol ti Diose, xchi'uc oy ti Dios ta stojol eque.

Tzotzil San Andres

¹⁶ Jnaꞌojtic xa, jchꞌunojtic ti cꞌuxutic ta yoꞌon li Diose. Li Diose stalel onoꞌox ti chcꞌuxubinvane. Mi chijcꞌuxubinvan eꞌuque, yuꞌun oyutic ta scꞌob. Liꞌ oy ta coꞌontique.

Tzotzil de Huixtán

¹⁶ Hech yu'un ti jna'tic ti c'uxucutic ti yo'nton ti Diose. Ti Diose ja' stalel chc'uxubinvan. Hech yu'un mi chijc'uxubinvane, oyucutic ti stojol ti Diose obi. Hech yu'un ti Diose oy ti co'ntontic.

1 Juan 4:16 Iomraidhean Croise

Salmos 31:19

Toj bats'i ep slequil avo'nton anac'oj ta sventa li boch'o chayich'icot ta muq'ue; ta sat cristianoetic chavac' ta ilel slequil avo'nton ta stojol li boch'o spatoj yo'ntonic ta atojole.

Isaías 64:4

Mu'yuc ono'ox boch'o ya'yoj, mu'yuc ono'ox boch'o yiloj ti oy yan dios xu' yu'un tspas scotol jech chac c'u cha'al laj apas sventa chacolta li boch'otic jun yo'nton yich'ojicot ta muq'ue.

San Juan 6:69

Li vu'uncutique laj xa jch'unotcutic, laj xa jna'cutic ti vo'ot Cristoote, ti vo'ot T'ujbilot yu'un Diose —xi.

San Juan 9:3

Itac'ov li Jesuse: —Muc ta scojuc smul, xchi'uc muc ta scojuc smul stot sme'. Ti jech ma'sat ivoq'ue, yu'un jech ac'o vinajuc o stsatsal Dios ta sventa.

1 Corintios 2:9

Yu'un jech ono'ox ts'ibabil ta sc'op Dios: “Mu'yuc boch'o yiloj, mu'yuc boch'o ya'yoj; me junuc cristiano mu'yuc boch'o xu' tsnop li c'usi chapal cu'un ta sventa li boch'otic chisc'anicune”, xi ts'ibabil.

1 Juan 3:1

A'yo ava'yic, toj ep la sc'anutic li Jtotic Diose, jech “jnich'nabtac” xijyututic. Ta melel vu'utic xnich'nabutic. Ja' yu'un li boch'otic ja' batem yo'ntonic ta sventa banamile mu xijyotquinutic, yu'un mu'yuc yotquinojic li Diose.

1 Juan 3:16

Li Jesucristoe laj yac' quiltic c'u x'elan li c'anvaneje, yu'un laj yac' sba ta milel ta jventatic. Ja'uc me jechutic ta sc'anel ec li jchi'iltique, ac'o me chijlajutic ta milel ta scojic.

1 Juan 3:24

Li boch'o ta xch'unbe smantaltaque te oy ta stojol li Diose, xchi'uc te oy Dios ta stojol ec. Ta jna'tic ti li' oy ta jtojoltique, yu'un ja' chijyac'butic jna'tic li Ch'ul Espíritu yac'ojbutique.

1 Juan 4:7

Quermanotac, vo'oxuc ti lec jc'anojoxuque, jc'anan me jbatic. Yu'un li c'anvaneje ja' te liquem tal ta stojol Dios. Scotol li boch'otic ta xc'anvanique ja' xa xnich'nab Dios, xotquin xa li Diose.