1 Juan 4:1 - Bible in Tzotzil de Chenalhó with Deuterocanon

¹ Quermanotac, vo'oxuc ti lec jc'anojoxuque, mu me xach'unic c'usi chalic me oy boch'o chayalboxuc ti ja' ac'bil sna'ic yu'un Ch'ul Espiritue. Ja' lec q'uelic ba'yuc me ja' Espíritu yu'un Dios oy ta stojolic, o me ma'uc. Yu'un oy xa ep jlo'lavanej j'alc'opetic li' ta banamil.

Tzotzil Zinacantan

¹ Voꞌoxuc ti jcꞌanojoxuque, mu me xachꞌunic ta ora ti cꞌusitic chaꞌalbatique; aꞌyic mi xcoꞌolaj xchiꞌuc scꞌop Riox ti cꞌusi chalique. Yuꞌun ep xa ti muchꞌutic chalic yilel li scꞌop Rioxe.

Bible in Tzotzil de Chamula

¹ Jchi'iltac, mu xach'unbeic scotol ti ta xalic ti ja' liquem talel ta stojol ti Diose. A'yibeic yo'nton ba'yel yo' jech ta xvinaj mi ja' Ch'ul Espíritu yu'un Dios ti oy ta stojolique, mi ma'uc. Yu'un ti banomil avi tana li'e, nojem ta epal jutc'opetic.

Tzotzil San Andres

¹ Li joꞌoxuc li coꞌol quichꞌojtic ta mucꞌ li Cajvaltique, ti cꞌuxoxuc ta coꞌone, mu me xachꞌunic cꞌusiuc noꞌox chaꞌalbatique. Aꞌiic lec baꞌi mi jmoj schiꞌuc scꞌop Dios li cꞌusi ta xalique. Yuꞌun oy ep jloꞌlovanejetic liꞌ ta balumile ti scꞌop Dios chalic spꞌisoj sbaique.

Tzotzil de Huixtán

¹ Ho'oxuc ti c'uxoxuc ti co'ntone, mu me xach'unic c'uc no'ox c'op chava'yic. P'ijanic me, a'yic me mi chco'olaj xchi'uc ti sc'op ti Diose. Yu'un ep ti much'utic li' ti balumile chalic sc'op Dios ti scuyojique.

1 Juan 4:1 Iomraidhean Croise

1 Reyes 13:18

Pero li mol j'alc'ope lic epalc'opojuc, jech laj yal: —Li vu'une j'alc'opun ec jech chac c'u cha'al li vo'ote. Oy jun j'almantal tac'bil tal yu'un Muc'ul Dios laj yalbun ti persa chquic'ot batel ta jna, chbat ve'an chbat avuch' vo' tee —xut.

Proverbios 14:15

Li boch'o mu'yuc sbijile ta svontolch'un no'ox li c'usi ch-albate; yan li boch'o bije tsnop lec ti bu chbate.

Jeremías 14:14

Jech laj yalbun li Muc'ul Diose: “Li j'alc'opetique ja' no'ox ch-epalc'opojic ti c'alal jech chalic ta jventae. Muc tacbilicuc cu'un, muc ta jmantaluc ti jech chalique; mu'yuc bu la jc'opanic. Puru epalc'op li c'usi chalique; jech no'ox chloc' ta sjolic. Puru lo'lael, mu'yuc stu li c'usi chalique.

Jeremías 23:16

Jech chal noxtoc li Muc'ul Dios ti tspas ta mantal scotol te ta vinajele: “Israeletic, mu me xach'unic c'usi chal li j'alc'opetique, yu'un puru epalc'op li c'usitic chalique. Te no'ox tsnop tal ta yo'nton stuquic; muc vu'cun jech ta xcalbeic.

Jeremías 5:31

Li j'alc'opetique puru epalc'op c'usitic chalic; li paleetique ja' chaq'uic ta ch'unel li c'usi tsc'an yo'nton stuquique; li jteclumale toj lec cha'yic, jech tsc'an yo'ntonic ec. Pero ¿c'usi chapasic c'alal me la sta yorail ital avocolique?’, uto”, xi li Muc'ul Diose.

Marcos 13:21

“Me oy boch'o jech ta xalboxuque: ‘Q'uelavilic, li' xa oy li Cristoe, le' xa oy li Cristoe’, me xayutoxuque, mu me xach'unic.

San Lucas 12:57

“¿C'u yu'un mu xanop atuquic li c'usi tuc' ta pasele?

San Lucas 21:8

Li Jesuse jech laj yal: “Q'uelo me abaic, mu me boch'o xaslo'laoxuc. Yu'un oy ep boch'o ta xlo'lavanic ta sventa jbi. ‘Vu'un Cristoun’, xiic. Oy yan jech ta xalic: ‘Ja' xa sc'ac'alil ta xtal li Cristoe’, xiic. Pero mu me chbat achi'inic.

Hechos 17:11

Li israeletic te ta Bereae ja' lec yo'ntonic. Mu jechuc yo'ntonic jech chac c'u cha'al li israeletic ta Tesalonicae. Yu'un ta scotol yo'ntonic laj ya'ibeic sc'op li Pabloe. Scotol c'ac'al la sq'uelic li sc'op Diose, yu'un tsq'uelic me xco'laj xchi'uc c'usi ta xchol li Pabloe.

Hechos 20:29

Yu'un c'alal batemun xa'oxe, jna'oj ti chtal jti'val oq'uiletic ta atojolique, chtal smil li chijetique.

1 Corintios 12:10

Oy boch'o ch-ac'bat spasic sq'uelubiltac stsatsal Dios. Oy boch'o ch-ac'bat yalic c'usi tsc'an Dios. Oy boch'o ch-ac'bat sna'ic me ja' yabtel Ch'ul Espíritu li c'usi chc'ot ta pasele, o me mu ja'uc. Oy boch'o ch-ac'bat sbijilic sventa xu' yu'un chc'opojic ta c'opetic ti mu'yuc boch'o jech xc'opoje. Oy boch'o ch-ac'bat sjelubtasic li yantic c'ope.

1 Corintios 14:29

Jech noxtoc, li boch'otic chalic c'usi ch-ac'bat sna'ic yu'un Diose, chib oxib no'ox ac'o c'opojuc. Li yantique ac'o ya'yic me lec, me mu lecuc.

1 Tesalonicenses 5:20

Mu me xana'leic li boch'otic chalic c'usi ch-ac'bat sna'ic yu'un Diose.

1 Tesalonicenses 5:21

A'yo lec ava'yic scotol; ja' xach'unic ti bu melele.

1 Timoteo 4:1

Pero li Ch'ul Espiritue jamal yaloj ti oy boch'otic ta scomtsanic xch'unel Dios c'alal po'ot slajebal c'ac'ale, yu'un ja' lec cha'yic xch'unbel sc'op li jlo'lavanejetique xchi'uc li chanubtasel liquem ta sventa pucuje.

2 Timoteo 3:13

Yan li boch'otic toj chopolique xchi'uc li jlo'lavanejetique, yo'to ech'em ta soquic o batel. Ta xlo'lavanic, pero jech lo'labil stuquic ec.

2 Pedro 2:1

Pero oy ono'ox ilic jlo'lavanej j'alc'opetic ta stojol li israeletique. Ja' jech ta xlic jlo'lavanej jchanubtasvanejetic ta atojolic ec li vo'oxuque. Ja' ta xchanubtasvanic ta sventa li c'usi mu meleluc ti ja' sventa ch'ayele. Ja' ta scomtsanic li Yajvalic ti ja' itojbunuc smulique. Ti jech tspasique, jech ta xich'ic ta ora li stojol smulique.

1 Juan 2:18

Jnich'nabtac, ja' xa slajebal c'ac'al. Ava'yojic ti ta ono'ox xtal li yajcontra Cristoe. Li' ta orae oy xa ep li yajcontra Cristoe. Jech ta jna'tic o ti ja' xa slajebal c'ac'ale.

1 Juan 2:7

Vo'oxuc ti lec jc'anojoxuque, muc ach' mantaluc ta jts'ibaboxuc tal li'i. Ja' ono'ox li mantal la'albatic ta sliquebale; ja' li vo'one mantal ti ava'yojic ono'oxe.

2 Juan 1:7

Yu'un oy xa ep jlo'lavanejetic buyuc no'ox ta xanovic, mu xch'unic ti i'ay yich' sbec'tal li Jesucristoe. Li boch'o jech tspasique ja' jlo'lavanejetic, xchi'uc ja' yajcontratac Cristo.

3 Juan 1:11

Vo'ot ti lec jc'anojote, mu me ja'uc xachan li c'usi chopol ta pasele. Ja' chano li c'usi leque. Li boch'o lec c'usi ta spasique ja' xnich'nab Dios. Yan li boch'o chopol c'usi ta spase mu xotquin li Diose.

Apocalipsis 2:2

Vu'une xcotquin li avabtelique; jna'oj ti tsots cha'abtejic ta jtojole, xchi'uc ti tsts'ic avu'unic vocole, xchi'uc ti mu xac'an xachi'inic li boch'otic chopolique. Jech noxtoc laj xa aq'uelbeic lec yabtelic li boch'otic jcholc'opetic scuyoj sbaique; laj avilic ti ja' no'ox ch-epalc'opojique.