1 Juan 3:22 - Bible in Tzotzil de Chenalhó with Deuterocanon

²² Jech chiyac'butic scotol li c'usitic ta jc'anbetique, yu'un ta jch'unbetic li smantaltaque, yu'un ja' ta jpastic li c'usi tsc'ane.

Tzotzil Zinacantan

²² Chiyacꞌbotic scotol ti cꞌusi ta jcꞌanbetique jaꞌ ti ta jchꞌunbetic ti cꞌusi chiyalbotique, jaꞌ ti ta jpastic xa li cꞌusitic lec chile.

Bible in Tzotzil de Chamula

²² Ja' yu'un un, ta xijyac'botic scotol ti c'usi ta jc'anbetic ti ta xtun cu'untique, yu'un ta jch'unbetic ti smantale, xchi'uc ta jpasbetic ti c'usi lec ta xile.

Tzotzil San Andres

²² Jech scotol li cꞌusi ta jcꞌanbetique, chijyacꞌbutic yuꞌun ta jchꞌunbetic li smantaltaque schiꞌuc ta jpasbetic li cꞌustic tscꞌane.

Tzotzil de Huixtán

²² Yu'un ti jch'umbetic ti smantale, yu'un ti jpastic ti c'usi sc'an ti yo'ntone, hech yu'un chijyac'bucutic scotol ti c'utic ti jc'ambetique.

1 Juan 3:22 Iomraidhean Croise

Job 22:26

Ja' mero xcuxetel avo'nton chc'ot, jech jun avo'nton xu' chatoy asat ta stojol.

Salmos 10:17

Muc'ul Dios, ja' chava'ibe sc'op li boch'otic biq'uit yac'oj sbaique, chacolta, chapatbe yo'ntonic.

Salmos 34:4

La jc'an coltael yu'un li Muc'ul Diose, jech laj ya'ibun li jc'ope; la scoltaun ta sventa scotol li xi'el chca'ye.

Salmos 50:15

Ti c'alal oy avocol chava'yique, c'opanicun me; vu'un chajcoltaoxuc, vo'oxuc chavich'icun ta muc'”, xi li Diose.

Proverbios 15:29

Li Muc'ul Diose nom oy ta stojolic li boch'otic chopolique; yan li boch'otic tuc' yo'ntonique cha'ibe sc'op ti c'alal chc'opanate.

Proverbios 28:9

Li boch'o mu sc'an xa'ibe smantal Diose ja' no'ox jech mu x'aybat sc'op yu'un Dios ec ti c'alal tsc'opane.

Isaías 1:15

C'alal chatoy ac'obic ta jtojole, li vu'une ta jnac' jsat ta atojolic. C'alal ep chac'opanicune, mu'yuc ta jtuc'ulanboxuc, yu'un nojem ta ch'ich' chquil li ac'obique.

Jeremías 33:3

Vocoletan ta jtojol, vu'un chajtac'bot, chacac'bot avil c'usitic toj muc'tic, c'usi mu'yuc vinajem ti mu'yuc ono'ox jech aviloje.

San Mateo 17:5

C'alal ja'o chlo'ilaj li Pedroe, ital jvol toc, oy xojobal; te macbil ic'otic. Te laj ya'yic c'op ta yut toc, jech laj yal: “Li'i ja' jnich'on, lec jc'anoj. Lec jpatoj co'nton yu'un. A'ibeic sc'op”,, xi.

San Mateo 21:22

Scotol li c'usi chac'anic c'alal chac'opanic Diose, me chach'unic ti chataique, ta ono'ox xataic —xi li Jesuse.

Marcos 11:24

Ja' yu'un chacalboxuc, scotol li c'usi chac'anic c'alal chac'opanic Diose, ch'unic ti cha'ac'batique, jech ta ono'ox xavich'ic.

San Juan 14:13

Scotol c'usiuc chac'anbeic ta jbi li Totile, vu'un ta xcac'boxuc, yu'un jech ich'bil ta muc' ac'o c'otuc ta jventa li Totile.

San Juan 15:10

Me chach'unbicun li jmantaltaque, j'ech'el jc'anojoxuc o. Jech chac c'u cha'al ta jch'unbe smantaltac li Jtote, jech j'ech'el sc'anojun o.

San Juan 15:7

“Me li' oyoxuc o ta jtojole, me te oy o ta avo'ntonic li jc'ope, xu' chac'anbeic Dios scotol li c'usi chac'anique, jech chayac'boxuc.

San Juan 6:29

Itac'ov li Jesuse: —Li yabtel Dios tsc'an chapasique, ja' ti ac'o ach'unic li boch'o tacbil tal yu'une —xut.

San Juan 8:29

Yu'un li boch'o la stacun tale, li' xchi'inojun o. Mu'yuc bu chiscomtsanun jtuc, yu'un ja' ta jpasbe scotol c'ac'al li c'usi lec chile —xi li Jesuse.

San Juan 9:31

Yu'un ta jna'tic ti mu stuc'ulanbe sc'op jpasmulil li Diose. Yan li boch'o chich' ta muc' Diose, ti tspasbe c'usi tsc'ane, ta xa'ibe sc'op.

Hechos 17:30

Ta vo'onee muc to'ox xac' ta venta c'u x'elan sbol talelic li cristianoetique. Pero li' ta orae oy mantal yu'un Dios ta sventa scotol cristianoetic buyuc no'ox oyic ti ac'o sutes yo'ntonic ta stojol Diose.

Hechos 20:21

Laj calbe ya'yic judioetic xchi'uc yanlum cristianoetic ti ac'o sutes yo'ntonic ta stojol Diose, xchi'uc ti ac'o xch'unic li Jesucristoe.

Filipenses 4:18

Li vu'une laj xa jta lec scotol, oy xa ep scomelal cu'un. Mu'yuc xa c'usi sc'an chca'ay. Laj xa quich' ti c'u yepal laj avac'beic tal li Epafroditoe; toj lec chil li Diose, ja' jun milbil matanal cha'ay ti oy lec smuile.

Colosenses 1:10

Yu'un jech xu' lec tuc' chaxanovic ta sventa ti oyoxuc ta stojol li Cajvaltique, jech xu' chapasic li c'usitic lec chile. Jech lec tsatin batel li lequil abtel chapasique, jech chach'iic batel ta yotquinel li Diose.

Hebreos 13:21

ac'o yac'boxuc scotol c'usitic lec, yu'un jech xu' avu'un chapasic li c'usitic tsc'ane. Chac' vu'uc avu'unic ta sventa Jesucristo li c'usitic lec chile. Jech ac'o ich'atuc ta muc' sbatel osil. Jechuc.

Santiago 1:5

Me oy boch'o mu'yuc sbijil avu'unique, c'anbeic li Diose; ja' chayac'boxuc. Yu'un li stuque yutsil yo'nton ta xac'; mu sna' x'ech' yo'nton ta c'anbel.

Santiago 4:3

Ac'o me chac'anbeic li Diose, pero mu xataic, yu'un chopol c'usi oy ta avo'ntonic. Ja' no'ox chac'an chalajesic o ta spasel li c'usi tsc'an avo'ntonique.

Santiago 5:16

Ja' yu'un jamal xavalbe abaic li amulique, talbat xac'opanbe abaic Dios ta atojolic, yu'un jech chacolic. C'alal tsc'opan Dios boch'o tuc' yo'ntone, oy lec stsatsal li sc'ope.

1 Juan 2:3

Me ta jch'unbetic li smantaltac Diose, jech ta jna'tic o ti xcotquintic xae.

1 Juan 5:14

Jtaoj xa spatubil co'ntontic ta stojol li Diose, jech c'alal oy c'usi ta jc'anbetic jech chac c'u cha'al tsc'an stuque, ta jna'tic ti ta xa'ay jc'optique.