1 Juan 3:2 - Bible in Tzotzil de Chenalhó with Deuterocanon

² Vo'oxuc ti lec jc'anojoxuque, xnich'nabutic xa li Diose, ac'o me mu to xvinaj c'u x'elan chijc'otutic. Pero jna'tic xa ti chijco'lajutic jchi'uctic Cristo c'alal ta xtale, jech ta to xcotquintic c'u x'elan.

Tzotzil Zinacantan

² Voꞌoxuc ti jcꞌanojoxuque, lavie xchꞌamalotic xa ti Rioxe. Jnaꞌojtic ti chicoꞌolajotic xchiꞌuc ti Cristoe ti cꞌalal xtale yuꞌun chquiltic cꞌu xꞌelan ti stuque. Jaꞌ noꞌox ti mu to jnaꞌtic cꞌu slequile.

Bible in Tzotzil de Chamula

² Xnich'nabotic xa Dios, Jchi'iltac. Mu'yuc to quilojtic ti c'u s'elan ta jtatique. C'alal mi tal ti Jesucristoe, jna'tic xa ti jech ta xijc'ot jech c'u cha'al ti stuque, yu'un ta xquiltic ti c'u s'elane.

Tzotzil San Andres

² Joꞌoxuc li cꞌuxoxuc ta coꞌone, snichꞌnabutic xa o li Diose, pero mu to bu quilojtic cꞌu sba chijbat. Jaꞌ noꞌox caꞌiojtic ti ta to xijcoꞌolajutic jchiꞌuctic li Cristo li cꞌalal ta xchaꞌtale, yuꞌun ta to xcojtaquinbetic schꞌulsat li Cristoe.

Tzotzil de Huixtán

² Ho'oxuc ti c'uxoxuc ti co'ntone, yol snich'on Dios c'otemucutic xa. Mu to ti jna'tic c'u x'elan chijc'otucutic. Ja' no'ox ti jna'tic ti co'ol chijc'otucutic xchi'uc ti Cristoe c'alal chtale yu'un ti jq'ueltic c'u x'elan.

1 Juan 3:2 Iomraidhean Croise

Job 19:26

Ac'o me biq'uitic chlilijan yalel li jnuculile, pero ta to xquil ta jsat xchi'uc jbec'tal li Diose.

Salmos 16:11

Chavac'bun quil sbelal cuxlejal. Toj xcuxet no'ox te ta atojol; toj jun yutsil o sbatel osil te yo' bu oyote.

Salmos 17:15

Pero li vu'une, ta melel ta to jta ti bats'i lec noj jch'ut chicom oe, yu'un ta to jq'uelbot asat; ta to xital te ta atojol.

Salmos 31:19

Toj bats'i ep slequil avo'nton anac'oj ta sventa li boch'o chayich'icot ta muq'ue; ta sat cristianoetic chavac' ta ilel slequil avo'nton ta stojol li boch'o spatoj yo'ntonic ta atojole.

Isaías 56:5

vu'un ta xcac'be lec yavilic te ta jch'ulna, xchi'uc te ta yut coraltonetic cu'un. Ja' x'ech' to slequil sbi chcac'beic jech chac c'u cha'al nich'naletic; ta xcac'be lec sbiic sventa sbatel osil ti mu xtu'p oe.

Malaquías 3:2

¿Boch'o chcuch yu'un ti c'alal yorail chtale? ¿Boch'o xu' lec va'al chcom ti c'alal chvul ta loq'uele? Yu'un ja' jech chvul jech chac c'u cha'al c'oc' ti chchic' loq'uel li c'usi mu xtune; ja' jech ch-abtej chac c'u cha'al lequil xavon ti tsloq'ues scotol li ic'ubale.

San Mateo 5:8

“Xcuxet no'ox yo'nton li boch'o lecuben xa yo'ntonique, yu'un ja' chbat yotquinic li Diose.

San Lucas 17:30

Ja' jech tspasic noxtoc c'alal chicha'sut tal, vu'un ti Xnich'on cristiano lic'ote.

San Lucas 20:36

Yu'un mu xa xchamic o, co'olic xa jech chac c'u cha'al yaj'almantal Dios. Xnich'nab xa Dios chc'otic o, yu'un icha'cuxiic xa.

San Juan 1:12

Yan li boch'otic la sc'anic, ti laj yich'ic ta muq'ue, i'albatic ti xnich'nab Dios xa ic'otic oe.

San Juan 11:52

Pero muc ja'uc no'ox chcham ta sventa li jun lum israeletique. Ja' sventa noxtoc ti xu' tstsob tal scotol xnich'nab Dios ti buyuc no'ox oyic ta sbejel banamile.

San Juan 17:24

“Tati, ti c'u yepal laj avac'bune ta jc'an ti ac'o c'ot xchi'inicun ec ti bu oyune, jech te ta xilic o c'u x'elan li jlequilal avac'ojbune, yu'un lec ono'ox ac'anojun ti c'alal mu'yuc to'ox banamile.

Romanos 8:16

Jech noxtoc li Ch'ul Espiritue ja' chac' jna'tic ta co'ntontic ti ta melel xnich'nabutic xa Diose.

Romanos 8:18

Scotol li jvocoltic li'i ta jna' lec ti mu xco'laj xchi'uc li lequilal ta jtatic ta ts'acale.

Romanos 8:19

Ta ono'ox xc'ot ta pasel. Yu'un scotol li c'usitic spasoj Diose ja' no'ox smala-malaic ec c'usi ora ch-ac'at ta ilel li boch'otic xnich'nab Diose.

Romanos 8:29

Yu'un li boch'otic vo'one ono'ox yotquinoje, vo'one st'ujoj noxtoc. Snopoj ti co'ol chc'otic jech chac c'u cha'al li Xnich'one. Ja' yu'un li Xnich'one ja' ba banquilal chc'ot yu'un scotol li jch'unolajeletique.

1 Corintios 13:12

Pero ac'o me muc'utic xa, jutuc no'ox li c'usi jna'tique. Jech chac c'u cha'al ti mu xvinaj lec jsatic c'alal mu'yuc lec li nene. Pero me lijc'ot ta vinajele, chc'ot jna'tic scotol. Li' ta orae jutuc no'ox xu' chcotquintic, pero tsta yorail chcotquintic lec scotol jech chac c'u cha'al lec xijyotquinutic li Diose.

1 Corintios 15:49

Jech chac c'u cha'al ja' quich'ojbetic sloc'obal li Adán ti pasbil ta lume; ja' no'ox jech chc'ot quich'betic sloc'obal li Cristo ti ja' sventa vinajele.

1 Corintios 2:9

Yu'un jech ono'ox ts'ibabil ta sc'op Dios: “Mu'yuc boch'o yiloj, mu'yuc boch'o ya'yoj; me junuc cristiano mu'yuc boch'o xu' tsnop li c'usi chapal cu'un ta sventa li boch'otic chisc'anicune”, xi ts'ibabil.

2 Corintios 3:18

Ja' yu'un li vu'utique mu xa macaluc jsatic ta poc'. Ja' xa jechutic jech chac c'u cha'al nen ti chch'ambe xojobal c'ac'ale, yu'un ta jch'ambetic xa slequilal yutsilal li Cajvaltique. Yu'un yantic chijlecubutic batel, jech co'ol chijc'ot jech chac c'u cha'al stuc. Ja' jech ch-abtej li Cajvaltic ti junic xchi'uc Ch'ul Espiritue.

2 Corintios 4:17

Yu'un li vocol li' chquich'cutic ti jliquel no'oxe ja' chich' tal li jlequilalcutic ti mu'yuc slajebe, ti toj ech'em yutsile.

Gálatas 3:26

Ja' yu'un li vo'oxuque acotolic xnich'naboxuc xa Dios lac'otic ta sventa ti ja' laj ach'unic li Cristo Jesuse.

Gálatas 4:6

Ta sventa ti lac'otic xa ta xnich'nab Diose, jech la stac tal li Ch'ul Espíritu yu'un Xnich'one; laj yac' ochuc ta avo'ntonic. Ja' ta sventa ti “Tati” xavutic xa li Diose.

Filipenses 3:21

Ja' chvul sc'atajesbutic ta ach' li jbec'taltic li' quich'ojtic ti toj abul sbae. Jech co'ol yutsil jbec'taltic chijc'ot jchi'uctic. Ja' jech tspas ta sventa li svu'el ti sventainoj o scotol c'usitic oye.

Colosenses 3:4

C'alal chtal li Cristo ti ja' xa acuxlejalique, co'ol chac'ot achi'uquic, co'ol alequil avutsil achi'uquic.

Hebreos 9:28

ja' no'ox jech ec li Cristoe, jun no'ox velta laj yac' sba ta milel, yu'un j'ech'el la xch'aybe o smul epal cristianoetic. Ts'acal to c'alal chtal xchibal veltae, mu xa ja'uc sventa chtal xch'ay mulil. Ja' xa no'ox chtal scolta li boch'otic smalaojic coltael yu'une.

2 Pedro 1:4

Jech laj xa yac'butic li c'usi toj jun yutsile ti toj muq'ue ti sc'oplal ono'ox chijyac'butique, jech xu' xa chavich'beic batel stalel li Diose, jech xu' chaloq'uic ta sventa li c'usitic toj chopol li' ta banamil ti xpich'et co'ntontic yu'une.

1 Juan 2:28

Jnich'nabtac, li' ta orae j'ech'el me te oyanic o ta stojol li Cristoe, yu'un jech jun co'ntontic, jech mu xijq'uexov ta stojol ti c'alal chvul ta loq'uele.

1 Juan 2:7

Vo'oxuc ti lec jc'anojoxuque, muc ach' mantaluc ta jts'ibaboxuc tal li'i. Ja' ono'ox li mantal la'albatic ta sliquebale; ja' li vo'one mantal ti ava'yojic ono'oxe.

1 Juan 3:1

A'yo ava'yic, toj ep la sc'anutic li Jtotic Diose, jech “jnich'nabtac” xijyututic. Ta melel vu'utic xnich'nabutic. Ja' yu'un li boch'otic ja' batem yo'ntonic ta sventa banamile mu xijyotquinutic, yu'un mu'yuc yotquinojic li Diose.

1 Juan 3:10

Jech ta xvinaj boch'o xnich'nab Dios xchi'uc boch'o xnich'nab pucuj. Scotol li boch'o mu spasilanic c'usitic tuq'ue xchi'uc li boch'otic mu'yuc sc'anoj xchi'ile, mu ja'uc xnich'on Dios.

1 Juan 3:21

Vo'oxuc ti lec jc'anojoxuque, me mu'yuc chalbutic co'ntontic ti oy jmultique, oy stsatsal co'ntontic ti c'alal ta jc'opantic Diose.

1 Juan 5:1

Scotol li boch'o ta xch'un ti ja' Cristo li Jesuse, ja' xa xnich'nab Dios. Li boch'o lec sc'anoj li Stote, lec sc'anojbe noxtoc li yantic xnich'nabe.

Apocalipsis 2:28

Jech noxtoc ta xcac'beic li muc'ta c'anal chloc' ta jujun sobe.

Apocalipsis 22:4

Te xa sq'uelojbeic o sat li Diose, xchi'uc te ts'ibabil ta sti'baic sbi li Diose.