1 Juan 3:16 - Bible in Tzotzil de Chenalhó with Deuterocanon

¹⁶ Li Jesucristoe laj yac' quiltic c'u x'elan li c'anvaneje, yu'un laj yac' sba ta milel ta jventatic. Ja'uc me jechutic ta sc'anel ec li jchi'iltique, ac'o me chijlajutic ta milel ta scojic.

Tzotzil Zinacantan

¹⁶ Ti Jesucristoe iyacꞌ quiltic cꞌu xꞌelan ta jcꞌan jbatic yuꞌun iyacꞌ sba ta milel yoꞌ xicuxiotic o ta sbatel osile. Jaꞌ noꞌox yech tscꞌan ta jcꞌan jbatic uc. Muc ta alel mi jaꞌ lilajotic oe.

Bible in Tzotzil de Chamula

¹⁶ Jna'tic lec c'u s'elan ma' ti c'uxul o'ntonale, yu'un ti Jesucristoe laj xa yac' sba ta milel cu'untic. Jechuc me co'ntontic ta scoltael ti jchi'iltique, manchuc mi ta xcac' jol jbaquiltic yu'un.

Tzotzil San Andres

¹⁶ Li Jesucristoe iyacꞌ quiltic li cꞌu sba ta jcꞌuxubinan jbatique yuꞌun iyacꞌ sba ta milel ta jcojtic. Jaꞌuc me jechucutic eꞌuc, acꞌo me jcoltatic li jchiꞌiltactique manchuc mi te chijlaj ta milel ta scojic.

Tzotzil de Huixtán

¹⁶ Hech ti jna'tic ti c'uxucutic ti yo'nton ti Jesucristoe yu'un laj yac' sba ti milel ti jventatic. Hechuc me ac'o jpastic hech chaj c'u che'el laj spas ti Cristoe ac'o jcoltatic yantic manchuc mi te chijlaj ti milel yu'un.

1 Juan 3:16 Iomraidhean Croise

San Mateo 20:28

Jech chac c'u cha'al vu'un ti Xnich'on cristiano lic'ote, mu yu'unuc tal mozoinvancun; tal cac' jba ta tunel ta atojolic. Xchi'uc tal jpoj loq'uel ep cristianoetic sventa mu xbatic ta ch'ayel —xut.

San Juan 10:11

Vu'un li lequil jchabichijune. Li lequil jchabichije chac' sba ta milel ta scoj li xchijtaque.

San Juan 10:15

Jech chac c'u cha'al xiyotquinun li jtote, jech xcotquin ec. Ja' yu'un ta xcac' jba ta milel yu'unic scotol li chijetique.

San Juan 13:34

Ta xcalboxuc comel jun ach' mantal, c'anano me abaic. Jech chac c'u cha'al la jc'anoxuc li vu'une, ja'uc me jech chac'anan abaic li vo'oxuque.

San Juan 3:16

“Yu'un toj ep la xc'uxubin scotol cristianoetic ta banamil li Diose, jech laj yac' li jun no'ox Xnich'on oye, yu'un jech mu ch'ayeluc chbat li boch'otic ta xch'unic ti ja' Jcoltavanej yu'unique; ja' ta xcuxiic o sbatel osil.

Hechos 20:28

Ja' yu'un chabio me aba atuquic. Chabiic noxtoc li chijetique yu'un ja' avabtel la'ac'batic yu'un Ch'ul Espíritu ti c'alal lacomic ta jq'uelvanej yu'un jcholc'opetique. Jech sc'an chaq'uelic lec, yu'un li steclumal Cajvaltique smanojan ta xch'ich'al.

Romanos 16:4

Yu'un li stuquique solel laj yac' sbec'talic o ta jtojol. Muc jtucuc no'ox ta jtojbeic ta vocol ti jech la spasbicune; ta jna' ti jech tsc'an tstojbeic ta vocol scotolic ec li steclumal Cristo ti yan o slumalique.

Romanos 5:8

Pero li Diose laj yac' ta ilel ti ta melel sc'anojutique, ac'o me solel yuxub jpasmulilutic, pero icham ta jcojtic li Cristoe.

2 Corintios 4:12

Li vu'uncutique puru milel no'ox oy ta jtojolcutic; yan li vo'oxuque oy ac'oplal chacuxiic.

Efesios 5:2

C'ano abaic jech chac c'u cha'al la sc'anutic li Cristoe, yu'un laj yac' sba ta milel ta jcojtic. Ja' smoton Dios ic'ot, ja' milbil matanal ti oy lec smuil laj ya'ay li Diose.

Efesios 5:25

Viniquetic, c'ano me avajnilic jech chac c'u cha'al sc'anoj steclumal li Cristoe, yu'un laj yac' sba ta milel ta scoj.

Filipenses 2:17

Pero me tsc'an noxtoc ti chich' malel jch'ich'al sventa chich' ts'acubtasel li matanal chavaq'uic ta stojol Diose ja' li xch'unojel avo'ntonique, xcuxet no'ox co'nton. Me jech chc'ot ta pasele, tsc'an xcuxet no'ox avo'ntonic ec li vo'oxuque.

Filipenses 2:30

Yu'un li Epafroditoe jutuc mu icham ta sventa yabtel li Cristoe. Solel laj yac' sbec'tal o ta jcoltael, mu sventauc me te chcham o. Yu'un la sna' ti jech avo'nton chac'an chacoltaicune, ja' no'ox ti muc xatal atuquique.

1 Tesalonicenses 2:8

Bats'i ep jc'anojotcutic. Mu ja'uc no'ox oy ta co'ntoncutic ta jcholbotcutic li Lequil A'yeje; oy ta co'ntoncutic chcac' jbec'talcutic ta acojic noxtoc, yu'un bats'i ep jc'anojotcutic ta jyalel.

SUN TITO 2:13

Jech jun no'ox co'ntontic ta jmalabetic sc'ac'alil li c'usi toj jun yutsile, ja' ti c'alal tsut tal li Muc'ul Dios Jcoltavanej cu'untique, ja' li Cristo Jesuse.

1 Pedro 1:18

Yu'un xana'ic ti smanojoxuc xa loq'uel ta sventa li achopol talelic ti mu'yuc stue, ti ja' la xchanubtasoxuc comel li amoltot ayame'ic ta vo'onee. Xana'ic ti mu ja'uc la stojoxuc o li c'usi sna' xlaje. Muc ta c'anal taq'uinuc, muc ta saquil taq'uinuc la stojoxuc.

1 Pedro 2:24

Ja' stuc la xcuch ta sbec'tal li jmultic c'alal ja'o joc'ol ta cruze, yu'un jech xu' chijchamutic ta sventa li mulile; ja' chijcuxiutic ta spasel li c'usi tuq'ue. Li Cristoe ep ituch' sbec'tal, yu'un jech vo'oxuc colem lacomic.

1 Pedro 3:18

Yu'un li Cristoe laj ono'ox yich' vocol ec ti c'alal icham ta scoj jmultique. Jun no'ox velta j'ech'el la xch'aybutic o. Li stuque mu'yuc smul, pero laj yich' vocol ta scoj jpasmuliletic, yu'un jech chijyic'utic batel ta stojol Dios. Icham xchi'uc sbec'tal, pero icha'cuxi xchi'uc ach' sbec'tal ta sventa Espíritu.

1 Juan 2:6

Li boch'otic chalic ti jun xa oyic xchi'uc Diose, ac'o me spas jech chac c'u cha'al la spas li Cajvaltic Jesucristoe.

1 Juan 2:9

Me oy boch'o ta xal ti oy xa ta sac osile, pero me xti'et yo'nton yu'un xchi'ile, te to oy ta ic' osil.

Apocalipsis 1:5

xchi'uc ta sventa li Jesucristoe, ja' li tuq'uil testigoe, ja' ti ba'yuc icha'cuxi loq'uel ta smuquinale, ja' li banquilal yu'un scotol ajvaliletic li' ta banamile, ti ep c'uxutic ta yo'ntone, ti la smanutic ta xch'ich'al ta sventa jmultique.

Apocalipsis 5:9

La sq'uejintaic jun ach' q'ueoj, jech chal: “Vo'ot no'ox atuc puru lec c'usi apasoj ti ivu' avu'un laj avich' li vune, xchi'uc xu' avu'un chatuch'be li spaq'ue. Yu'un vo'ot laj avich' milel. Ta ach'ich'al laj aman sventa chc'otic ta yu'untac Dios li cristianoetic ta jujuchop sts'unubal, ta jujuchop c'op, ta jujun lum, xchi'uc ta jujun banamile.