1 Juan 3:15 - Bible in Tzotzil de Chenalhó with Deuterocanon

¹⁵ Scotol li boch'o xti'et yo'nton yu'un xchi'ile ja' jmilvanej chc'ot. Jna'ojtic ti mu xcuxi sbatel osil li jmilvaneje.

Tzotzil Zinacantan

¹⁵ Ti muchꞌutic tscꞌacꞌalꞌoꞌonta li xchiꞌile coꞌol xchiꞌuc jmilvanej. Li jmilvanejetique jnaꞌojtic ti mu xcuxiic ta sbatel osil mi mu xichꞌic ta mucꞌ ti Rioxe.

Bible in Tzotzil de Chamula

¹⁵ Scotol ti buch'u xti'et sjol ta stojol ti xchi'ile, ja' jun jmilvanej. Xana'ic lec xtoc, ti jun jmilvaneje, laj to c'op ma' ti oy ta stojol ti ach' cuxlejal sventa sbatel osile.

Tzotzil San Andres

¹⁵ Scotol buchꞌu chopol chil li yermanotaque, coꞌol schiꞌuc jmilvanej. Pero li jmilvaneje jnaꞌojtic ti muc bu yichꞌoj scuxlejal sventa sbatel osile.

Tzotzil de Huixtán

¹⁵ Mi chquilintatic yan, ja' jmilvanejucutic xa c'otemucutic obi. Chana'ic ti much'u jmilvaneje mu yich'ojuc xcuxlejal sventa sbatel osil.

1 Juan 3:15 Iomraidhean Croise

Génesis 27:41

Li Esaue te lic scontrain yits'in ta sventa ti ja' i'ac'bat bendición yu'un stotique. Jech laj yal ta yo'nton: “Jutuc xa sc'an xicomcutic ta me'nal, yu'un po'ot xa chcham li jtote. C'alal me jech ic'ot ta pasele, ja'o ta jmil li quits'in Jacobe”, xi.

San Mateo 5:28

Pero vu'un chacalboxuc, li boch'o ja' no'ox ta xpich'-o'nta antse, imulivaj xa o xchi'uc ta yo'nton.

Marcos 6:19

Jech ec li Herodiase toj chopol laj ya'ay ti jech laj yal li Juane, jech tsc'an ta smil. Pero mu'yuc to'ox c'uxi laj yut.

San Juan 4:14

Yan li boch'otic ta xuch'ic li vo' ti vu'un ta xcac'bee mu'yuc xa ta xtaquij o yo'ntonic. Yu'un li vo' ti vu'un ta xcaq'ue ja' jech chc'ot ta yo'ntonic jech chac c'u cha'al nio' ti te chloq'uilan o sventa chcuxiic sbatel osile —xi.

San Juan 8:44

Li vo'oxuque ja' atotic li pucuje, ja' yu'un ja' chac'an chapasic li c'usi oy ta yo'nton stuque. Yu'un li stuque jmilvanej ono'ox ta sliquebal. Mu ono'ox sc'an o li c'usi melele; mu'yuc c'usi melel oy ta yo'nton. C'alal me chal c'usi mu meleluque, yu'un ja' tspas li c'usi stalele, yu'un ja' j'epalc'op o, ja' mero sme' j'epalc'op.

Hechos 23:12

Ta yoc'omal la stsob sbaic jayibuc judioetic; la xchapanic ti ta smilic o li Pabloe. Laj yalic ta stojol Dios ti ac'o tuch'batuc yorailic me muc xcham yu'unique. Ja' yu'un laj yalic ti mu'yuc ta xve'ic, ti mu'yuc c'usi ta xuch'ic oe, ja' to me icham yu'unique.

Hechos 23:14

Jech bat yalbeic li banquilal paleetique xchi'uc li moletic yu'unique: —Li vu'uncutique laj xa calcutic ta jamal ti ta jip jbec'talcutic oe. Me jutuc mu'yuc c'usi ta jtuncutic o, ja' to me icham cu'uncutic li Pabloe.

Deuteronomio 19:11

“Pero me oy jun vinic ti oy scontrae, ti oy ono'ox ta yo'nton tsc'an tsmil li xchi'ile, me laj ono'ox sta ta milele, me te bat snac' sba ta anil ta junuc lum sventa anac'ubbailique,

Santiago 1:15

Yu'un c'alal chcac'tic ayinuc li xpich'etel co'ntontique, ta xlic voc'uc li mulile. C'alal me laj xa xchanbe yipale, chac' lajel.

1 Pedro 1:23

Yu'un lacha'voq'uic ta ach', pero mu xa ja'uc laj avich'beic sts'unubal li atot ame'ic ti sna' xlaje. Ja' xa sventa li sc'op Dios ti cuxul, ti mu sna' xlaj oe.

1 Juan 2:11

Yan li boch'o xti'et yo'nton yu'un xchi'ile, te to oy ta ic' osil. Te to chanov ta ic' osil, jech mu sna' bu chbat, yu'un ma'sat c'otem yu'un li ic' osile.

1 Juan 2:9

Me oy boch'o ta xal ti oy xa ta sac osile, pero me xti'et yo'nton yu'un xchi'ile, te to oy ta ic' osil.

Apocalipsis 21:8

Yan li me' jxi'eletique, li boch'otic mu xiyich'icun ta muq'ue, li boch'otic toj chopol c'usitic tspasique, li jmilvanejetique, li jmulaviletique, li j'ac'chameletique, li boch'otic chich'ic ta muc' c'usitic mu ja'uc Diose, xchi'uc scotol li j'epalc'opetique, ja' chjipatic ochel ta muc'ta c'oc' tsanbil ta azufre. Le'e ja' xchibal velta lajel”, xiyutun.