1 Juan 3:14 - Bible in Tzotzil de Chenalhó with Deuterocanon

¹⁴ Li vu'utique jna'ojtic ti lijloc'utic xa ta sventa lajele, ti ja' xa lij'ochutic ta sventa cuxlejale, yu'un jc'anojtic xa li jchi'iltactique. Yan li boch'o mu sc'an xchi'ile, te to oy ta sventa lajel.

Tzotzil Zinacantan

¹⁴ Mi jcꞌanojtic li jchiꞌiltactic ta xchꞌunel li scꞌop Rioxe, jaꞌ ta jnaꞌtic o ti mu xa bu chiꞌochotic ta cꞌoqꞌue. Tey chibatic yoꞌ bu chicuxiotic ta sbatel osile. Yan mi muc bu jcꞌanojtic li jchiꞌiltactique, chiꞌochotic onox ta cꞌocꞌ ta sbatel osil.

Bible in Tzotzil de Chamula

¹⁴ Ti vo'otique, lijelavotic xa batel ta lajebal chamebal, lij'ochotic xa batel ta sventa cuxlejal. Jna'tic lec un, yu'un c'ux ta xca'itic ti jchi'iltique. Ti buch'u mu'yuc c'ux ta xa'i ti xchi'ile, chamem.

Tzotzil San Andres

¹⁴ Mi ta jcꞌuxubintic li buchꞌutic coꞌol quichꞌojtic ta mucꞌ li Cajvaltic jchiꞌuctique, jaꞌ ta jnaꞌtic o ti mu xa teuc oyutic li bu sventa chꞌayel chijbat o yuꞌune. Jaꞌ xa te oyutic ta sventa li bu chijcuxiutic o sbatel osile. Yan mi mu jcꞌuxubintic li buchꞌutic coꞌol quichꞌojtic ta mucꞌ li Cajvaltic jchiꞌuctique, yuꞌun te to oyutic ta sventa chꞌayel.

Tzotzil de Huixtán

¹⁴ Yu'un c'ux chca'itic ti quermanotique, hech yu'un ti jna'tic ti comen xa cu'untic yu'un ti ch'ayel chijbatucutique. Oyucutic xa ti sventa ti chijcuxiucutic sbatel osile. Mi mu c'uxuc chca'itic ti quermanotique, yu'un oyucutic to ti sventa ch'ayel chijbat obi.

1 Juan 3:14 Iomraidhean Croise

Salmos 16:3

Li sloc'obaltac diosetic li' ta banamile tsots svu'el scuyojic li boch'o jun yo'nton yich'ojic ta muq'ue.

Proverbios 21:16

Li boch'o ta scomtsan spasel c'usi leque ja' xchi'il chc'ot li boch'otic chamenique.

San Mateo 25:40

Vu'un li muc'ta Ajvalilune jech ta jtac'beic: ‘Melel li c'usi chacalboxuque, ta sventa ti jech laj apasbeic li jchi'iltac ti biq'uit ch-ilatique vu'un laj apasbicun o ic'ot’, chcut.

San Lucas 15:24

Yu'un chamen to'ox li jnich'on li'i, pero icha'cux xa; ch'ayem to'ox, pero laj xa jta’, xi. Jech lic spasic lec q'uin.

San Lucas 15:32

Ja' tsc'an ti jech ta jpastic q'uine xchi'uc ti xcuxet co'ntontique. Yu'un li avits'ine chamen to'ox, pero icha'cuxi xa. Ch'ayem to'ox, pero laj xa jta’, xut”, xi li Jesuse.

San Lucas 7:5

Yu'un toj lec sc'anoj li jlumaltique, xchi'uc ja' la spas li nail tsobobbail cu'untic li' ta lume —xutic li Jesuse.

San Juan 13:35

Me jech chapasique, jech ta sna'ic o scotol cristianoetic ti vo'oxuc cajchanc'opoxuque —xut yajchanc'optac li Jesuse.

San Juan 15:12

Jech jmantal chacalboxuc: C'anano me abaic jech chac c'u cha'al lec jc'anojoxuque.

San Juan 15:17

Jech jmantal chacalboxuc: C'anano me aba acotolic.

San Juan 5:24

“Jamal ta xcalboxuc ava'yic. Li boch'otic ta xa'ibun jc'ope, me ta xch'unic li boch'o la stacun tale, oy xcuxlejalic ta sventa sbatel osil. Mu'yuc xa chbat stoj smulic, yu'un icom xa yu'unic li lajele. Ijelovic xa ta sventa cuxlejal.

2 Corintios 5:1

Yu'un ta jna'tic, li jbec'taltic li' quich'ojtic ti ja' jech c'otem jech chac c'u cha'al jnatic li' ta banamile, xchi'uc ti ja' jech c'otem jech chac c'u cha'al carpanae chlaj sc'oplal. Ja' yu'un oy xa yan ach' te xchapanoj Dios ta vinajel, muc pasbiluc ta sc'ob cristiano. Ja' chc'ot quich'tic o sbatel osil.

Gálatas 5:22

Yan li yabtel Ch'ul Espiritue ja' jech chac li'i: ta jc'anan jbatic, xcuxet no'ox co'ntontic, jun no'ox co'nton jcotoltic, oy smuc'ul co'ntontic, lec no'ox chijc'opojutic, oy slequil co'ntontic, oy xch'unojel co'ntontic,

Efesios 1:15

Ja' yu'un c'alal laj ca'ay ti lec ach'unojic Cajvaltic Jesuse, xchi'uc ti lec ac'anojic li yu'untac Dios ti buyuc no'ox oyique,

Efesios 2:1

Li vo'oxuque chamenoxuc to'ox ta scoj achopolilic, ta scoj amulic.

Efesios 2:5

ac'o me chamenutic to'ox ta scoj li jchopoliltique, ta scoj li jmultique, pero co'ol la xcha'cuxesutic xchi'uc li Cristoe. Jech ta sventa slequil yo'nton Dios ti colemutic xae.

Colosenses 1:4

Yu'un ca'yojcutic ti oy lec xch'unojel avo'ntonic ta stojol Cristo Jesuse, xchi'uc ti lec chac'anic scotol li yu'untac Diose,

1 Tesalonicenses 4:9

Ta sventa ti tsc'an chac'anan abaique, mu xa persauc ta jts'ibacutic tal ava'yic. Yu'un achanojic xa lec atuquic ta sventa Dios ti chac'anan abaique.

Hebreos 13:1

Jechuc me avo'nton chac'an abaic o ta sventa ti co'ol ach'unojique.

1 Pedro 1:22

Li vo'oxuque pocbil xa avo'ntonic ta sventa ti ach'unojic xa li sc'op Dios ti ja' melele, yu'un chac'anan abaic ta sventa ti achi'il xa abaic ta voq'uel c'oteme. Jech tsc'an j'ech'el chac'anan abaic o ta scotol avo'ntonic xchi'uc ta scotol atsatsalic.

1 Pedro 3:8

Slajeb xa chacalboxuc, co'oluc me avo'nton ta acotolic. C'ux me xava'ay abaic, c'ano me abaic, yu'un jun xa atotic. Oyuc slequil avo'ntonic; biq'uit me xavac' abaic.

2 Pedro 1:7

Me jun avo'nton chavich'ic ta muc' Diose, chac'an li achi'iltaquique. Me ac'anoj li achi'iltaquique, oy xa c'anvanej ta avo'ntonic.

1 Juan 2:3

Me ta jch'unbetic li smantaltac Diose, jech ta jna'tic o ti xcotquintic xae.

1 Juan 3:23

Li smantal Diose ja' ti ac'o cac' xch'unojel co'ntontic ta stojol li Xnich'one, ja' li Jesucristoe, xchi'uc ti ac'o jc'anan jbatic jech chac c'u cha'al laj yalbutic mantale.

1 Juan 4:12

Mu'yuc boch'o yiloj li Diose, pero me ta jc'anan jbatique, li' nacal ta co'ntontic. Jech yantic ch-epaj batel ta co'ntontic li c'anvanej yu'une.

1 Juan 5:13

Vo'oxuc ti ach'unojic xa li Xnich'on Diose, la jts'ibaboxuc tal li'i, yu'un jech ac'o ana'ic ti oy xa acuxlejalic sventa sbatel osile.

1 Juan 5:2

Me ta jc'anbetic xnich'nabtac li Diose, ja' svinajeb ti jc'anojtic li Diose xchi'uc ti ta jch'unbetic smantaltaque.