1 Juan 3:12 - Bible in Tzotzil de Chenalhó with Deuterocanon

¹² Mu me jpastic jech chac c'u cha'al Caín ti ja' xnich'on pucuje, jech la smil li yits'ine. ¿Me xana'ic c'u yu'un ti la smil li yits'ine? Yu'un li stuque toj chopol c'usi tspas; yan li yits'ine tuc' c'usi tspas.

Tzotzil Zinacantan

¹² Mu me xapasic chac cꞌu chaꞌal ispas ti Caine. Ti Caine xchꞌamal pucuj, yechꞌo ti ismil ti yitsꞌine. Ti ismile, yuꞌun jaꞌ chopol cꞌusitic tspas ti stuque; ti yitsꞌine jaꞌ lec ti cꞌusitic tspase.

Bible in Tzotzil de Chamula

¹² Mu me jechuc co'ntontic jech c'u cha'al ti Caine, ti laj smil ti yits'in ta scoj stotinoj ti pucuje. ¿C'u cha'al laj smil un? Yu'un ti c'usi ta spas ti Caine, toj chopol ta j'ech'el, ja'uc ti yits'ine, lec ti c'usi ta spase.

Tzotzil San Andres

¹² Mu me xapasic jech chac cꞌu chaꞌal la spas li Caine. Li Caine ta scꞌob pucuj oy, jaꞌ tscoj ti la smil li yitsꞌine. ¿Mi xanaꞌic cꞌu chaꞌal la smil li yitsꞌine? La smil yuꞌun jaꞌ chopol li cꞌustic tspas li stuque, jaꞌ lec li cꞌustic tspas li yitsꞌine.

Tzotzil de Huixtán

¹² Hech yu'un mu me xapasic hech chaj c'u che'el laj spas ti Caine. Yu'un ti Caine oy ti sc'ob pucuj, hech yu'un laj smil ti yits'ine. Yu'un ja' toj ti c'utic laj spas ti yits'ine.

1 Juan 3:12 Iomraidhean Croise

Génesis 4:25

Li yajnil Adane la xchi'in yol yan velta. Jech ivoc' jun squerem; Set laj yac'beic sbi. Jech laj yal: “Li Diose laj to yac'bun jun col; ja' xq'uexol li Abel ti la smil li Caine”, xi.

2 Samuel 13:22

Jech ec li Absalone mu'yuc c'usi laj yalbe li Amnone, ac'o me toj chopol laj yil ti i'uts'intabat yixlale.

Salmos 37:12

Li boch'otic chopolique ta mucul chchapanic c'u x'elan tscontrainic li boch'otic lequique; xc'uxet no'ox yeic ta stojol.

Salmos 38:20

Li c'usitic lec jpasoje la sc'atajesbicun ta chopol; chiscontrainicun ta sventa ti ja' no'ox ta jpas c'usitic leque.

Proverbios 27:4

Li ilinele toj tsots, li sc'ac'al o'ntonale ja' jsoquesvanej; toj vocol chcuch' cu'untic noxtoc li ti'-o'ntaele.

Proverbios 29:10

Li jmilvanejetique chopol chilic li boch'o lequique; li boch'otic chopolique tsnop c'u x'elan xu' tsmilic li boch'o tuc' yo'ntonique.

Proverbios 29:27

Li boch'o chopolique chopol chilic li boch'o tuc' yo'ntonique; ja' no'ox jech ec li boch'o tuc' yo'ntonique mu'yuc lec chilic li boch'o chopol c'usi tspasique.

San Mateo 13:19

Scotol li boch'o cha'yic ti oy ventainel yu'un Diose, pero ti mu xa'ibeic lec smelole, ta ora ta xtal li pucuje, ta xtal spojbe loq'uel ta yo'ntonic. Le'e ja' jech smelol li bec' trigo ic'ot ta bee.

San Mateo 13:38

Li osile ja' scotol li banamile. Li bats'i trigoe ja' li xnich'nab Diose. Yan li chopol jobele ja' li xnich'nab pucuje.

San Mateo 23:35

Ja' yu'un vo'oxuc chcom ta abaic scotol li xch'ich'al boch'otic tuc' yo'ntonique. Vo'oxuc chcom ta abaic c'alal lic milatuc tal li Abele, ja' li tuq'uil vinique, xchi'uc c'alal to imilat ta ch'ulna ta nopol scajleb smoton Dios li Zacarías xnich'on Berequiase.

San Mateo 27:23

Li Pilatoe jech laj yal: —¿Pero c'usi smul avu'unic? —xi. Bats'i tsots i'avan scotolic: —¡Ac'o joc'anatuc ta cruz! —xiic.

San Mateo 5:37

Meleluc me li c'usitic chavalique. ‘Xu'’, me xachie, ac'o xu'uc o; ‘Mu xu'’, me xachie, ac'o jechuc. Yu'un li boch'o ep c'usi chalilan ti mu meleluque ja' yabtel pucuj.

San Lucas 11:51

Vo'oxuc chacuchinic c'alal lic smal xch'ich'al li Abele xchi'uc c'alal to la smal xch'ich'al li Zacarías c'alal imilat ta sts'el scajleb smoton Dios te ta ch'ulnae.

San Juan 10:32

Li Jesuse jech laj yal: —Puru lequil abtel la jpas ta sventa li Jtote. ¿Bu chopol la jpas ti chac'an chamilicun ta tone? —xut.

San Juan 8:40

Li' ta orae chac'an chamilicun, vu'un li jun vinicun ti laj calboxuc ava'yic li c'usi melel ca'yoj tal ta stojol Diose. Pero li Abrahame mu jechuc la spas.

San Juan 8:41

Vo'oxuque ja' chapasbeic yabtel li atotique —xut. Itac'ovic: —Li vu'uncutique muc yol xnich'onuncuticuc jmulavil. Jun no'ox li jtotcutique, ja' li Diose —xiic.

Hechos 7:52

¿Me oy j'alc'opetic mu'yuc la scontrainic li amoltotic ta vo'onee? La smilic scotol li boch'otic laj yalic ti ta to xtal li Boch'o tuc' yo'ntone. Ja' ti laj avaq'uic ta c'abal, ti laj amilic ec li vo'oxuque.

1 Tesalonicenses 2:14

Li vo'oxuque quermanotac, laj achanbeic c'u x'elan yo'ntonic li steclumal Dios te ta Judea ti oyic ta stojol Cristo Jesuse. Yu'un laj xa avich'ic uts'intael yu'un achi'iltaquic ec jech chac c'u cha'al laj yich'ic uts'intael yu'un judioetic li jch'unolajeletic te ta Judeae.

Hebreos 11:4

Ta sventa xch'unojel yo'nton li Abele, jech ja' xjelov slequil smoton Dios laj yac'be jech chac c'u cha'al li Caine. Jech tuc' yo'nton i'ilat yu'un Dios ta sventa xch'unojel yo'nton; lec i'albat sc'oplal yu'un Dios ta sventa li smoton laj yac'bee. Ac'o me chamen xa, pero li' to chc'opoj ya'yel.

Hebreos 12:24

Ja' te yo' bu oy li Jesús ti ja' Jc'opojel cu'untic ta sventa li c'usi ach' chapanbile, ja' li boch'o la smal xch'ich'al sventa lecubtasele. Li xch'ich'al la smale toj lec c'usi ta jtatic yu'un; mu jechuc jech chac c'u cha'al li xch'ich'al la smal Abele.

1 Pedro 4:4

Li vo'oxuc li' ta orae, labal cha'yic ti mu'yuc xa chachi'inic ta spasel li c'usitic chopol tspasic ti mu'yuc spajebal yu'unique, jech chopol xa chal ac'oplalic.

1 Juan 3:8

Yan li boch'o ta to sa'ilan smule te to oy ta sc'ob pucuj. Yu'un li pucuje ja' la sliques li mulil ta sliquebale; ja' jech yabtel o. Ja' yu'un ital ta banamil li Xnich'on Diose, ja' tal slajesbe stsatsal yabtel li pucuje.

Judas 1:11

Toj ven abul sbaic. Ja' stamojbeic batel sbe li Caine. Solel ich'ayic o ta be ta scoj taq'uin jech chac c'u cha'al li Balaame. Ich'ayic o batel ta scoj stoyobbailic jech chac c'u cha'al li Coree.

Apocalipsis 17:6

Li antse laj quil ti yacuben ta sventa xch'ich'al li boch'o voc'bilic yu'un Diose, xchi'uc ta xch'ich'al li boch'otic imilatic ta sventa ti jamal laj yalbeic sc'oplal li Jesuse. C'alal jech laj quile, toj labal sba laj quil; ich'ay co'nton yu'un.