1 Juan 3:10 - Bible in Tzotzil de Chenalhó with Deuterocanon

¹⁰ Jech ta xvinaj boch'o xnich'nab Dios xchi'uc boch'o xnich'nab pucuj. Scotol li boch'o mu spasilanic c'usitic tuq'ue xchi'uc li boch'otic mu'yuc sc'anoj xchi'ile, mu ja'uc xnich'on Dios.

Tzotzil Zinacantan

¹⁰ Chvinaj ti muchꞌutic xchꞌamaltac ti Rioxe xchiꞌuc ti muchꞌutic xchꞌamaltac ti pucuje. Mi chopol li cꞌusitic ta jpastique, mi muc bu jcꞌanojtic li jchiꞌiltique, yuꞌun maꞌuc to xchꞌamalotic ti Rioxe.

Bible in Tzotzil de Chamula

¹⁰ Xvinaj lec buch'utic xnich'nabtac ti Diose, xchi'uc buch'utic xnich'nabtac ti pucuje. Ti buch'utic mu'yuc c'usi lec ta spase, ti mu'yuc ta xc'uxubin ti yane, ma'uc xnich'on Dios.

Tzotzil San Andres

¹⁰ Jaꞌ ta xvinaj o li buchꞌutic oy ta scꞌob li Diose schiꞌuc li buchꞌutic oy ta scꞌob li pucuje. Yuꞌun scotol li buchꞌutic chopol li cꞌustic tspasique, mi chopol chil li schiꞌile, yuꞌun maꞌuc snichꞌon Dios.

Tzotzil de Huixtán

¹⁰ Hech chvinaj mi yol snich'onucutic ti Diose, mi yol snich'onucutic ti pucuje. Yu'un mi mu xtun ti c'utic ti jpastique, mi mu c'uxuc chca'itic scotol yantic, ma'uc yol snich'onucutic ti Diose obi.

1 Juan 3:10 Iomraidhean Croise

2 Samuel 13:22

Jech ec li Absalone mu'yuc c'usi laj yalbe li Amnone, ac'o me toj chopol laj yil ti i'uts'intabat yixlale.

San Mateo 13:38

Li osile ja' scotol li banamile. Li bats'i trigoe ja' li xnich'nab Diose. Yan li chopol jobele ja' li xnich'nab pucuje.

San Lucas 6:35

Li vo'oxuque tsc'an chac'anic li avajcontraique. Pasic c'usi lec. Ac'o ta q'uexel c'usi oy avu'unic, ac'o me mu'yuc c'usi chataic, jech cha'ac'bat ep amotonic ta vinajel. Jech chvinaj ti vo'oxuc xnich'naboxuc Diose. Yu'un li Diose ja' jech slequil yo'nton ta stojol li boch'otic mu sna' stojic ta vocole, ti chopol yo'ntonique.

San Juan 1:12

Yan li boch'otic la sc'anic, ti laj yich'ic ta muq'ue, i'albatic ti xnich'nab Dios xa ic'otic oe.

San Juan 11:52

Pero muc ja'uc no'ox chcham ta sventa li jun lum israeletique. Ja' sventa noxtoc ti xu' tstsob tal scotol xnich'nab Dios ti buyuc no'ox oyic ta sbejel banamile.

San Juan 8:44

Li vo'oxuque ja' atotic li pucuje, ja' yu'un ja' chac'an chapasic li c'usi oy ta yo'nton stuque. Yu'un li stuque jmilvanej ono'ox ta sliquebal. Mu ono'ox sc'an o li c'usi melele; mu'yuc c'usi melel oy ta yo'nton. C'alal me chal c'usi mu meleluque, yu'un ja' tspas li c'usi stalele, yu'un ja' j'epalc'op o, ja' mero sme' j'epalc'op.

San Juan 8:47

Li boch'o xnich'on Dios ta melele lec cha'ibe sc'op li Diose. Yu'un ti mu xac'an xava'yic li vo'oxuque, yu'un mu xnich'onucoxuc Dios —x'utatic.

Hechos 13:10

jech laj yalbe: —Li vo'ote, bats'i jlo'lavanejot, toj chopolot, xnich'onot pucuj. Ja' contra chavil li c'usi leque. Mu xacomtsan o soquesel li tuq'uil be yu'un Cajvaltique.

Romanos 13:8

Mu me oyuc boch'o quechel avilic ta stojol. Li c'usi quechel chcom ta aventaique ja' ti tsc'an chac'anan abaic ta jujuntale. Yu'un me ta jc'an jchi'iltique, laj xa jch'untic o scotol li smantal Diose.

Efesios 5:1

Ja' chanbeic yo'nton li Diose, yu'un xnich'naboxuc xa, lec sc'anojoxuc.

Colosenses 3:14

Li c'usi tsots sc'oplal ta scotole, ja' ti oyuc ta avo'ntonic o li c'anvaneje, yu'un ja' mero jpasvanej ta jun.

1 Timoteo 1:5

Ti jech chacalbote, ja' sventa ac'o jc'anan jbatic, yu'un jech chvinaj ti lecuben xa co'ntontic ta melele, xchi'uc ti tuc' c'usi oy ta jol ta co'ntontique, ti muc nacauc no'ox ta jcuy jbatic ti jch'unojtique.

1 Juan 2:29

Yu'un xana'ic xa ti tuc' yo'nton stuc li Cristoe, jech tsc'an chana'ic noxtoc ti ja' xnich'nab Dios scotol li boch'otic tuc' c'usitic ta spasique.

1 Juan 3:1

A'yo ava'yic, toj ep la sc'anutic li Jtotic Diose, jech “jnich'nabtac” xijyututic. Ta melel vu'utic xnich'nabutic. Ja' yu'un li boch'otic ja' batem yo'ntonic ta sventa banamile mu xijyotquinutic, yu'un mu'yuc yotquinojic li Diose.

1 Juan 3:2

Vo'oxuc ti lec jc'anojoxuque, xnich'nabutic xa li Diose, ac'o me mu to xvinaj c'u x'elan chijc'otutic. Pero jna'tic xa ti chijco'lajutic jchi'uctic Cristo c'alal ta xtale, jech ta to xcotquintic c'u x'elan.

1 Juan 4:21

Yu'un li smantal Cajvaltic laj yalbutic comele: li boch'o ta sc'an Diose ac'o sc'an noxtoc li xchi'iltaque, xi.

1 Juan 4:6

Yan li vu'utique xnich'nabutic xa li Diose. Li boch'otic xotquinic Diose ta xa'ibutic li jc'optique. Yan li boch'o mu xotquinic Diose mu xich'ic ta muc' li jc'optique. Ja' jech ta xcotquintic li boch'otic ja' ventainbilic yu'un li Espíritu ti ja' melele. Jech ta xcotquintic noxtoc li boch'otic ja' ventainbilic yu'un jlo'lavaneje.

1 Juan 4:8

Yan li boch'otic mu xc'anvanique, mu to xotquinic li Diose. Yu'un li Diose ja' stalel ta xc'anvan o.

1 Juan 5:19

Ta jna'tic ti xnich'nabutic xa li Diose, xchi'uc ti oyic ta sc'ob pucuj scotol li yan cristianoetic li' ta banamile.

1 Juan 5:2

Me ta jc'anbetic xnich'nabtac li Diose, ja' svinajeb ti jc'anojtic li Diose xchi'uc ti ta jch'unbetic smantaltaque.

3 Juan 1:11

Vo'ot ti lec jc'anojote, mu me ja'uc xachan li c'usi chopol ta pasele. Ja' chano li c'usi leque. Li boch'o lec c'usi ta spasique ja' xnich'nab Dios. Yan li boch'o chopol c'usi ta spase mu xotquin li Diose.