1 Juan 3:1 - Bible in Tzotzil de Chenalhó with Deuterocanon

¹ A'yo ava'yic, toj ep la sc'anutic li Jtotic Diose, jech “jnich'nabtac” xijyututic. Ta melel vu'utic xnich'nabutic. Ja' yu'un li boch'otic ja' batem yo'ntonic ta sventa banamile mu xijyotquinutic, yu'un mu'yuc yotquinojic li Diose.

Tzotzil Zinacantan

¹ Qꞌuelavilic, ti Jtotic Riox ta vinajele scꞌanojotic tajmec, yuꞌun xchꞌamalotic xa. Ti muchꞌutic mu to chichꞌic ta mucꞌ ti Rioxe mu snaꞌic cꞌu yuꞌun ti maꞌuc xa yech ta jnoptic chac cꞌu chaꞌal tsnopique. Yuꞌun mu snaꞌic cꞌu slequil yoꞌon ti Rioxe.

Bible in Tzotzil de Chamula

¹ A'yio ava'iic, mu no'ox albajuc yepal syail xc'uxul yo'nton ti Jtotic Diose, ti laj sbisotic ta xnich'one, jech o xal xnich'nabotic ta melel. Jech o xal un, ti buch'utic sventainojic ti sba banomile, mu xa'ibeic smelol ti jech xnich'nabotic ti Diose, yu'un mu xojtiquinic ti Diose.

Tzotzil San Andres

¹ Nop avaꞌiic toj cꞌuxutic ta yoꞌon li Jtotic Diose jaꞌ yuꞌun “jnichꞌnaboxuc xa o”, xijyututic. Jaꞌ melel ti snichꞌnabutic xa oe. Li buchꞌutic mu xichꞌic ta mucꞌ li Diose, mu snaꞌic cꞌu sba coꞌontic yuꞌun mu snaꞌic cꞌu sba yoꞌon li Jtotic Diose.

Tzotzil de Huixtán

¹ Ava'i c'u x'elan c'uxucutic ti yo'nton ti Jtotic Diose ti col jnich'naboxuc, xijyutucutique. Melel ti yol snich'onucutique. Hech yu'un mu xijyojtiquinucutic ti crixchanoetique yu'un mu xojtiquinic ti Jtotic Diose.

1 Juan 3:1 Iomraidhean Croise

2 Samuel 7:19

Pero mu'yuc to muc' chava'ay li c'usi apasojbune, ja' yu'un laj avalbun noxtoc ti ta to xtal jmomnich'nabtac, vu'un li avajtunelune. Cajval, Muc'ul Dios, me junuc vinic mu'yuc boch'o yan jech tspas jech chac c'u cha'al li vo'ote.

Salmos 31:19

Toj bats'i ep slequil avo'nton anac'oj ta sventa li boch'o chayich'icot ta muq'ue; ta sat cristianoetic chavac' ta ilel slequil avo'nton ta stojol li boch'o spatoj yo'ntonic ta atojole.

Jeremías 3:19

“Jech chcal jtuc vu'un li Muc'ul Diosune: Israel, vu'une scotol co'nton la jnich'oninot, jech laj cac'bot avich' li lequil banamil ti ja' no'ox stuc toj lec ta scotol yantic banamile. La jnop ti ‘Tati’ xavutun oe, ti mu'yuc chavoc' aba ta jtojole.

Oseas 1:10

Pero ta to sta sc'ac'alil, li israeletique ja' jech yepal chbatic jech chac c'u cha'al yi' ta ti'nab ti mu stac' atel, ti mu stac' bisele. Li xq'uexol ti jech to'ox laj yich'ic albele: “Li vo'oxuque muc xa jteclumalucoxuc”, ti x'utatique, jech chlic albaticuc: “Vo'oxuc xnich'naboxuc cuxul Dios”, x'utatic.

San Lucas 20:36

Yu'un mu xa xchamic o, co'olic xa jech chac c'u cha'al yaj'almantal Dios. Xnich'nab xa Dios chc'otic o, yu'un icha'cuxiic xa.

San Juan 1:12

Yan li boch'otic la sc'anic, ti laj yich'ic ta muq'ue, i'albatic ti xnich'nab Dios xa ic'otic oe.

San Juan 11:52

Pero muc ja'uc no'ox chcham ta sventa li jun lum israeletique. Ja' sventa noxtoc ti xu' tstsob tal scotol xnich'nab Dios ti buyuc no'ox oyic ta sbejel banamile.

San Juan 15:21

Ti jech ta spasboxuque vu'un ta jcoj, yu'un mu xotquinic li Boch'o la stacun tale.

San Juan 16:3

Jech tspasic, yu'un mu xotquinic li Jtote, xchi'uc mu xiyotquinicun ec li vu'une.

San Juan 17:25

Tati, lec tuc' avo'nton. Li cristianoetic li' ta banamile mu xayotquinicot. Pero li vu'une xacotquinot. Ti jayib li' oyique laj xa sna'ic ec ti vo'ot laj atacun tale.

San Juan 3:16

“Yu'un toj ep la xc'uxubin scotol cristianoetic ta banamil li Diose, jech laj yac' li jun no'ox Xnich'on oye, yu'un jech mu ch'ayeluc chbat li boch'otic ta xch'unic ti ja' Jcoltavanej yu'unique; ja' ta xcuxiic o sbatel osil.

Romanos 5:8

Pero li Diose laj yac' ta ilel ti ta melel sc'anojutique, ac'o me solel yuxub jpasmulilutic, pero icham ta jcojtic li Cristoe.

Romanos 8:19

Ta ono'ox xc'ot ta pasel. Yu'un scotol li c'usitic spasoj Diose ja' no'ox smala-malaic ec c'usi ora ch-ac'at ta ilel li boch'otic xnich'nab Diose.

Romanos 8:21

Yu'un tsta yorail chcolic loq'uel ta svocolic ec li c'usitic spasoj Diose, jech mu xa xc'a'ic, mu xa soquic, yu'un co'ol tsta slequilal yutsilalic xchi'uc li xnich'nab Diose.

Romanos 8:32

Yu'un c'alal ta mero Xnich'on mu'yuc la sjalanbutic; laj yac' ta milel ta jcojtic jcotoltic. Me jech laj yac'butic li Xnich'one, ¿me yu'un ja' xa mu xijyac'butic ta slequil yo'nton noxtoc scotol li c'usitic yane?

2 Corintios 6:18

Jech vu'un Atoticun chic'ot; vo'oxuc jquerem jtseb chac'otic o ec, xi li Cajvaltic ti ech'em svu'ele.”

Gálatas 3:26

Ja' yu'un li vo'oxuque acotolic xnich'naboxuc xa Dios lac'otic ta sventa ti ja' laj ach'unic li Cristo Jesuse.

Gálatas 3:29

Ja' yu'un, me ta melel vo'oxuc yu'unoxuc xa li Cristoe, mero smomnich'naboxuc xa Abraham lac'otic o. Jech ta ono'ox xavich'ic c'usi albil yu'un Dios li Abrahame.

Deuteronomio 14:1

“Vo'oxuc li xnich'naboxuc Muc'ul Dios cu'untique, mu me xayayijes abec'talic, mu me xaloc' stsotsil ajolic ti c'alal oy boch'o chchame.

Colosenses 3:3

Yu'un chamenoxuc xa ya'yel. Ja' xa cuxuloxuc ta sventa li Cristo ti junic xchi'uc Diose. Ja' te nac'al ta stojol li acuxlejalique.

1 Juan 3:10

Jech ta xvinaj boch'o xnich'nab Dios xchi'uc boch'o xnich'nab pucuj. Scotol li boch'o mu spasilanic c'usitic tuq'ue xchi'uc li boch'otic mu'yuc sc'anoj xchi'ile, mu ja'uc xnich'on Dios.

1 Juan 3:2

Vo'oxuc ti lec jc'anojoxuque, xnich'nabutic xa li Diose, ac'o me mu to xvinaj c'u x'elan chijc'otutic. Pero jna'tic xa ti chijco'lajutic jchi'uctic Cristo c'alal ta xtale, jech ta to xcotquintic c'u x'elan.

1 Juan 4:17

Jech ch-epaj batel ta co'ntontic li c'anvanej yu'une. Jech mu'yuc chijxi' ti c'alal tsta sc'ac'alil chapanele; oy stsatsal co'ntontic. Yu'un c'alal li' oyutic ta banamile, ja' jech co'ntontic jech chac c'u cha'al yo'nton stuc li Jesucristoe.

Apocalipsis 21:7

Li boch'o tstsal yu'un scotole, ja' chcac'be sventain scotol. Vu'un Diosun yu'un chic'ot. Ja' jnich'on chc'ot o ec.