1 Juan 2:7 - Bible in Tzotzil de Chenalhó with Deuterocanon

⁷ Vo'oxuc ti lec jc'anojoxuque, muc ach' mantaluc ta jts'ibaboxuc tal li'i. Ja' ono'ox li mantal la'albatic ta sliquebale; ja' li vo'one mantal ti ava'yojic ono'oxe.

Tzotzil Zinacantan

⁷ Voꞌotic ti jchiꞌil jbatic ta xchꞌunel li scꞌop Rioxe, maꞌuc achꞌ mantal ti chajtsꞌibabeic tale. Jaꞌ onox ti avaꞌyojic ti cꞌalal lic achꞌunic li scꞌop Rioxe, jaꞌ ti acꞌu jcꞌan jbatique.

Bible in Tzotzil de Chamula

⁷ Ma'uc ach' mantal ti ta jts'ibaboxuc talel ti sc'oplale, Jchi'iltac, ja' ono'ox ti mantal ti oy ta atojolic ta sliquebale. Ti mantal taje, ja' ono'ox ti laj ava'iic talel sc'oplal ta vo'nee.

Tzotzil San Andres

⁷ Joꞌoxuc li cꞌuxoxuc ta coꞌone, maꞌuc achꞌ mantal li liꞌ chajtsꞌibabeic batele. Jaꞌ onoꞌox li mantal li avaꞌiojic li cꞌalal lic avichꞌic ta mucꞌ li Cajvaltique, jaꞌ ti acꞌo jcꞌuxubinan jbatique.

Tzotzil de Huixtán

⁷ Ho'oxuc ti c'uxoxuc ti co'ntone, ma'uc ach' mantal chajts'ibaboxuc. Ja' no'ox chajcha't'abesboxuc ti avo'ntonic ti mantal ti vo'one xa ava'yojique c'alal lic ach'umbeic sc'op ti Cajvaltique. Ja' ti c'ux chava'i abaique.

1 Juan 2:7 Iomraidhean Croise

Levítico 19:18

“Mu me tojtoj paqueluc avu'unic li c'usi chapasbatique; mu me tojtoj ilineloxuc no'ox ta stojol li achi'iltaquic ta israelale. C'ano achi'il jech chac c'u cha'al c'ux ta avo'nton abec'tal atuc, yu'un vu'un Muc'ul Diosun.

Levítico 19:34

Cuyic jech chac c'u cha'al mero achi'ilic ta israelal, c'anic lec jech chac c'u cha'al ac'anoj abaic li vo'oxuque. Yu'un ja' jech yanlum c'otemoxuc ec ti c'alal te to'ox oyoxuc ta Egiptoe, vu'un li Muc'ul Diosune.

San Mateo 5:43

“Ava'yojic noxtoc ti jech i'albatic ta vo'onee: ‘C'ano achi'ilic; contraino avajcontraic’, x'utatic.

San Juan 13:34

Ta xcalboxuc comel jun ach' mantal, c'anano me abaic. Jech chac c'u cha'al la jc'anoxuc li vu'une, ja'uc me jech chac'anan abaic li vo'oxuque.

Hechos 17:19

Jech laj yiq'uic batel ta Areópago li Pabloe. Jech laj yalbeic: —¿Me xu' chavalbun ca'icutic ec li c'usi ach' chachanubtasvan oe?

Deuteronomio 6:5

“C'ano me ta scotol avo'nton li Muc'ul Dios avu'une, ta scotol ach'ulel, xchi'uc ta scotol atsatsal.

Hebreos 6:9

Ac'o me jech chacalboxuc quermanotac, vo'oxuc ti lec jc'anojoxuque, ta jch'un ti ta ono'ox xataic li c'usitic leque ti ja' sventa chacolic sbatel osile.

1 Juan 2:24

Li vo'oxuque, j'ech'el me te oyuc o ta avo'ntonic li sc'op Dios laj ava'yic ta sliquebale. Me j'ech'el te oy ta avo'ntonic li sc'op Dios laj ava'yic ta sliquebale, jech j'ech'el te oy o ta atojolic ec li Nich'onile xchi'uc li Totile.

1 Juan 3:11

Yu'un ja' jech li chanubtasel laj ava'yic tal ta sliquebale. Ja' ti ac'o jc'anan jbatic ta jcotoltique.

1 Juan 3:2

Vo'oxuc ti lec jc'anojoxuque, xnich'nabutic xa li Diose, ac'o me mu to xvinaj c'u x'elan chijc'otutic. Pero jna'tic xa ti chijco'lajutic jchi'uctic Cristo c'alal ta xtale, jech ta to xcotquintic c'u x'elan.

1 Juan 3:21

Vo'oxuc ti lec jc'anojoxuque, me mu'yuc chalbutic co'ntontic ti oy jmultique, oy stsatsal co'ntontic ti c'alal ta jc'opantic Diose.

1 Juan 3:23

Li smantal Diose ja' ti ac'o cac' xch'unojel co'ntontic ta stojol li Xnich'one, ja' li Jesucristoe, xchi'uc ti ac'o jc'anan jbatic jech chac c'u cha'al laj yalbutic mantale.

1 Juan 4:1

Quermanotac, vo'oxuc ti lec jc'anojoxuque, mu me xach'unic c'usi chalic me oy boch'o chayalboxuc ti ja' ac'bil sna'ic yu'un Ch'ul Espiritue. Ja' lec q'uelic ba'yuc me ja' Espíritu yu'un Dios oy ta stojolic, o me ma'uc. Yu'un oy xa ep jlo'lavanej j'alc'opetic li' ta banamil.

1 Juan 4:11

Vo'oxuc ti lec jc'anojoxuque, me ja' jech la sc'anutic li Diose, ja' jech tsc'an ta jc'anan jbatic ec.

1 Juan 4:21

Yu'un li smantal Cajvaltic laj yalbutic comele: li boch'o ta sc'an Diose ac'o sc'an noxtoc li xchi'iltaque, xi.

1 Juan 4:7

Quermanotac, vo'oxuc ti lec jc'anojoxuque, jc'anan me jbatic. Yu'un li c'anvaneje ja' te liquem tal ta stojol Dios. Scotol li boch'otic ta xc'anvanique ja' xa xnich'nab Dios, xotquin xa li Diose.