1 Juan 2:27 - Bible in Tzotzil de Chenalhó with Deuterocanon

²⁷ Pero li vo'oxuque, te oy o ta atojolic li Ch'ul Espíritu ti laj yac'boxuc Cristoe, jech voc'biloxuc xa o yu'un, jech mu xa persauc oy boch'o yan ta xchanubtasoxuc. Ja' xa stuc Ch'ul Espíritu ta xac' ana'ic scotol; puru melelic c'usi chal, mu epalc'opuc. Te me oyanic o ta stojol li Cristoe, jech chac c'u cha'al la xchanubtasoxuc li Ch'ul Espiritue.

Tzotzil Zinacantan

²⁷ Li voꞌoxuque jꞌechꞌel iyacꞌ achiꞌinic Chꞌul Espíritu ti Jesucristoe. Mu xa persauc oy muchꞌu chaxchanubtasic. Jaꞌ xa chaxchanubtasic ti Chꞌul Espíritue. Yech li cꞌusitic chale, mu snaꞌ snop cꞌop. Layalbeic xa ti jaꞌ chavichꞌic ta mucꞌ ti Jesucristoe, yechꞌo un mu me xavicta abaic.

Bible in Tzotzil de Chamula

²⁷ Ja'uc ti vo'oxuque avich'ojic xa ti Ch'ul Espíritu ti laj yac'boxuc ti Cristo yo' jech ventainbiloxuque. Ma'uc tsots sc'oplal oy buch'u ta xaschanubtasoxuc, yu'un ti Ch'ul Espíritu ti laj avich'ic ac'bele, ja' ta xac'boxuc ana'ic scotol. Yu'un ti c'u s'elan ta xac'boxuc ana'ique, ja' melel, ma'uc jutbil. Junuc avo'ntonic cuxianic ta stojol ti Cristoe jech c'u cha'al ta xac' ana'ic ti Ch'ul Espíritue.

Tzotzil San Andres

²⁷ Li joꞌoxuque avichꞌojic xa li Chꞌul Espíritu li laj yacꞌbutic li Jesucristoe. Ta jꞌechꞌel te oy o ta avoꞌonic, jaꞌ yuꞌun mu xa persauc ti oy buchꞌu chaschanubtasique yuꞌun jaꞌ chaschanubtasic stuc li Chꞌul Espíritue. Jaꞌ melel scotol li cꞌusi chale, mu snaꞌ sjut cꞌop. Laj xa yal avaꞌiic ti te acꞌo oyanic o ta scꞌob li Jesucristoe, jaꞌ yuꞌun te me oyanic o.

Tzotzil de Huixtán

²⁷ Ti Jesucristoe laj yac'bucutic quich'tic ti Ch'ul Espíritue. J'ech'el te oy ti co'ntontic. Hech yu'un mu persauc oy yan jchanubtasvanej cu'untic yu'un ja' chixchanubtasucutic scotol. Melel ti sc'ope, mu jnopc'opuc. Hech chaj c'u che'el laj xa xchanubtasoxuc ti Ch'ul Espíritue hech teanic ti stojol ti Jesucristoe.

1 Juan 2:27 Iomraidhean Croise

Proverbios 28:5

Li boch'o chopolique mu xa'ibeic smelol li c'usi tuq'ue; yan li boch'o ja' ta sa'ic Muc'ul Diose lec cha'ibeic smelol scotol.

Levítico 7:35

Ja' jech spuculal laj yich'ic li Aarón xchi'uc xnich'nab c'alal chchic'beic li smoton Diose. Ja' te ora lic yu'uninic o li Aarón xchi'uc smomnich'nabtac ti c'usi ora voc'bil icomic o ta sventa paleale.

Números 7:43

Li smoton Dios laj yaq'ue co'ol jech chac c'u cha'al laj yaq'uic li yantique.

San Mateo 13:11

Itac'ov li Jesuse: —Yu'un li vo'oxuque ac'biloxuc xa ana'ic c'u x'elan chventainvan li Diose, ja' ti mu'yuc to'ox boch'o sna'e, pero li yantique mu x'ac'bat sna'ic.

San Juan 14:16

Vu'un ta jc'anbe vocol Jtot ti ac'o yac'boxuc tal li Jpat-o'ntonale, yu'un jech j'ech'el te chaxchi'inoxuc o.

San Juan 14:17

Ja' li Ch'ul Espíritu ti ja' Melele. Li cristianoetique mu xu' ta xich'ic, yu'un mu xilic, xchi'uc mu xotquinic. Yan li vo'oxuque chavotquinic, yu'un te chnaqui ta atojolic; j'ech'el te ch-och o ta avo'ntonic.

San Juan 14:26

Yan li Jpojvanej ta stacboxuc tal ta jventa li Jtote, ja' li Ch'ul Espiritue. Ja' ta xac'boxuc ana'ic scotol; ja' ta xchanubtasoxuc. Ja' ta svulesboxuc ta ajolic scotol li c'usi laj calboxuque.

San Juan 16:13

C'alal me ital li Ch'ul Espíritu ti ja' Melele, ja' chastojobtasoxuc batel ta sventa scotol li c'usi melele. Yu'un mu ja'uc ta xal c'usi tsc'an stuc; ja' ta xal li c'usitic ta x'ac'bat sna'e. Ja' ta xac'boxuc ana'ic scotol li c'usitic ta to xc'ot ta pasele.

San Juan 4:14

Yan li boch'otic ta xuch'ic li vo' ti vu'un ta xcac'bee mu'yuc xa ta xtaquij o yo'ntonic. Yu'un li vo' ti vu'un ta xcaq'ue ja' jech chc'ot ta yo'ntonic jech chac c'u cha'al nio' ti te chloq'uilan o sventa chcuxiic sbatel osile —xi.

San Juan 6:45

Jech ts'ibabil comel ta svunic li j'alc'opetique: ‘Scotolic ta xchanubtasatic yu'un li Diose’, xi ono'ox sc'oplal. Ja' yu'un, scotol li boch'otic cha'ibeic sc'op li Jtote, xchi'uc ti ja' tsbijubtasatic yu'une ta xtalic ta jtojol.

1 Corintios 2:12

Li vu'utique ma'uc laj quich'tic li espíritu li' ta banamile. Ja' quich'ojtic li Espíritu liquem tal ta stojol Diose, yu'un jech ac'o jna'tic li c'usi snopoj Dios chijyac'butique.

1 Corintios 2:13

Ja' yu'un c'alal chcalbecutic sc'oplal li c'usi snopoj Diose, ma'uc jech chic'opojcutic jech chac c'u cha'al chchanubtasvanic ta sventa sbijilic li cristianoetique. Ja' chcalcutic c'usi chixchanubtasuncutic li Ch'ul Espiritue. Yu'un li boch'o ventainbil yo'ntonic yu'un Ch'ul Espiritue ja' chcac'becutic sna'ic li c'usi ja' sventa Espiritue.

2 Corintios 1:21

Ja' li Dios ti chijyac'butic stsatsal co'nton jcotoltic ta sventa li Cristoe, xchi'uc ti laj yac'butic svu'el yu'un jech voc'bil lijcom ta sventa yabtele.

Efesios 4:21

Yu'un li vo'oxuque ava'yojic c'usi tsc'an li Jesuse, xchi'uc ja' ta sventa lachanubtasatic lec ta sc'op ti ja' melele.

Colosenses 2:6

Ta sventa ti laj xa avich'ic ta muc' li Cajvaltic Jesucristoe, te me oyanic o ta stojol.

1 Tesalonicenses 2:13

Ja' yu'un mu xlaj co'ntoncutic o stojbel ta vocol li Diose. Yu'un c'alal laj ava'yic li sc'op Dios la jcholcutic ava'yique, lec laj avich'ic ta muc'. Muc xanopic ti ya'yej no'ox cristianoe. Laj ach'unic ti ja' sc'op Diose, ti ja' melele, jech te ch-abtej o ta avo'ntonic vo'oxuc ti ach'unojique.

1 Tesalonicenses 4:9

Ta sventa ti tsc'an chac'anan abaique, mu xa persauc ta jts'ibacutic tal ava'yic. Yu'un achanojic xa lec atuquic ta sventa Dios ti chac'anan abaique.

1 Timoteo 2:7

Ta sventa le'e, vu'un la st'ujun ta spuquel batel, xchi'uc ta yajtacbolal. Laj yac'bun cabtel sventa ta jchanubtas li boch'otic mu ja'uc israeletique yu'un jech ac'o xch'unic, ac'o sna'ic li c'usi melele. Ja' melel li c'usi ta xcale, mu'yuc chi'epalc'opoj.

1 Pedro 1:23

Yu'un lacha'voq'uic ta ach', pero mu xa ja'uc laj avich'beic sts'unubal li atot ame'ic ti sna' xlaje. Ja' xa sventa li sc'op Dios ti cuxul, ti mu sna' xlaj oe.

1 Juan 2:28

Jnich'nabtac, li' ta orae j'ech'el me te oyanic o ta stojol li Cristoe, yu'un jech jun co'ntontic, jech mu xijq'uexov ta stojol ti c'alal chvul ta loq'uele.

1 Juan 3:24

Li boch'o ta xch'unbe smantaltaque te oy ta stojol li Diose, xchi'uc te oy Dios ta stojol ec. Ta jna'tic ti li' oy ta jtojoltique, yu'un ja' chijyac'butic jna'tic li Ch'ul Espíritu yac'ojbutique.

2 Juan 1:2

Lec jc'anojotcutic ta sventa li sc'op Dios ti ja' melele, yu'un li' oy ta co'ntontic ta sbatel osil.