1 Juan 2:25 - Bible in Tzotzil de Chenalhó with Deuterocanon

²⁵ Li Cajvaltic Jesucristoe laj yal ti oy c'usi chijyac'butique, ja' li cuxlejal sbatel osile.

Tzotzil Zinacantan

²⁵ Ti Jesucristoe yaloj ti chacꞌ jcuxlejaltic ta sbatel osile.

Bible in Tzotzil de Chamula

²⁵ Yu'un xi ono'ox laj yalbe sc'oplal ta j'ech'el ti Jesucristoe: “Ta xavich'ic ti cuxlejal sbatel osile.”

Tzotzil San Andres

²⁵ Li Jesucristoe lijyalbutic ti chacꞌ jcuxlejaltic sbatel osile.

Tzotzil de Huixtán

²⁵ Yu'un laj yalbucutic comel ti Jesucristoe ti chijyac'bucutic jcuxlejaltic sbatel osile.

1 Juan 2:25 Iomraidhean Croise

Daniel 12:2

Ta xich'ic tijel liquel li boch'otic vayemic ta yut banamile. Oy jayibuc sventa ta xcuxiic sbatel osil; li yantique ja' sventa chbat yich'ic q'uexlal xchi'uc vocol ta sbatel osil.

San Lucas 18:30

ta stabe ep xq'uexol li' ta banamil, xchi'uc ta xcuxi sbatel osil —xi li Jesuse.

San Juan 10:28

Vu'un ta xcac' cuxiicuc sbatel osil. Mu xbatic o ta ch'ayel, xchi'uc mu'yuc boch'o xu' yu'un chispojbun loq'uel ta jc'ob.

San Juan 12:50

Li smantal Jtote jna'oj ti ja' cuxlejal sventa sbatel osile. Ja' yu'un li c'usitic ta xcale ja' li c'usi yalojbun Jtote”, xi li Jesuse.

San Juan 3:15

Yu'un jech xu' chcuxiic sbatel osil li boch'otic ta xch'unicune.

San Juan 5:39

Chaq'uelilanic li sc'op Diose; chanopic ti jech chacuxiic o sbatel osile. Pero li sc'op Diose ja' vu'un te chiyalbun jc'oplal noxtoc.

San Juan 6:27

Mu me ja'uc no'ox xavabtelinic sa'el li ave'elic ti sna' xlaje. Ja' tsc'an chavabtelinic sa'bel sve'el ec li avo'ntonic ti mu sna' xlaj sbatel osile. Vu'un ta xcac'boxuc, vu'un ti Xnich'on cristiano lic'ote. Ja' yu'un li Diose, ja' li Jtote, laj xa yac' ta ilel ti vu'un yac'ojbun cabtele —xi li Jesuse.

San Juan 6:40

Li Jtot ti la stacun tale, ja' oy ta yo'nton jech chac li'i: Scotol li boch'otic ta xilic ti vu'un Xnich'onun Diose, ti ta xch'unicune, ja' tsc'an ti ac'o sta xcuxlejalic sventa sbatel osile, xchi'uc ti vu'un ta jcha'cuxes scotol ta slajebal c'ac'ale —xi li Jesuse.

San Juan 6:47

Jamal ta xcalboxuc ava'yic, li boch'o ta xch'une ja' ta xcuxi sbatel osil.

San Juan 6:54

Li boch'o ta sve'bun jbec'tale xchi'uc ta xuch'bun jch'ich'ale ta xcuxi o sbatel osil, xchi'uc ta jcha'cuxes ta slajebal c'ac'al.

San Juan 6:68

Itac'ov li Simón Pedroe: —Cajval, ¿boch'o yan chbat jchi'incutic? Vo'ot no'ox chavalbuncutic li c'op sventa cuxlejal sbatel osile.

Romanos 2:7

Li boch'o ja' tspasilanic o c'usitic leque, ti ja' no'ox oy ta yo'nton tsa'ic slequilal yutsilalique xchi'uc li c'usi mu sna' xc'a'e, ja' ch-ac'batic xcuxlejalic sventa sbatel osil.

Romanos 5:21

Jech chac c'u cha'al laj yu'uninutic li mulil, yu'un jech ac'o chamcutic jcotoltique, ja' jech ac'o yu'uninutic noxtoc li slequil yo'nton Diose, yu'un jech ac'o cuxicutic jcotoltic ta sventa li Jesucristoe, ja' li Cajvaltique.

Romanos 6:23

Yu'un li stojol mulile ja' ti chijchamutique; yan li jmotontic chijyac'butic Dios ta sventa ti jun oyutic jchi'uctic li Cajvaltic Cristo Jesuse ja' li cuxlejal sventa sbatel osile.

Gálatas 6:8

Li boch'o ja' no'ox ta sts'un c'usi tsc'an sbec'tale, ja' chc'ot sc'ajbe sat li c'usi tsc'an sbec'tale, ja' li ch'ayele. Yan li boch'o ja' tsts'un c'usi tsc'an Ch'ul Espiritue, ja' chc'ot sc'ajbe sat li yabtel Ch'ul Espiritue, ja' li cuxlejal sbatel osile.

1 Timoteo 1:16

Pero la xc'uxubinun li Jesuse, yu'un jech laj yac' ta ilel ta jventa ti toj muc' yo'ntone, yu'un jech ac'o yilic ti xu' tsta xcuxlejalic sbatel osil ec li boch'otic ta xch'unique.

1 Timoteo 6:12

Ac'o me persa xch'unel li Cajvaltique, tsotsan me. Oyuc ta avo'nton chavu'unin o li cuxlejal sbatel osile, yu'un ja' sventa ti la'ic'at yu'un Diose, xchi'uc jech jamal laj aval ta stojol ep jch'unolajeletic ti jech ach'unoje.

1 Timoteo 6:19

Jech cac tstsobic batel li sc'ulejalic tstaic ta ts'acale; jech ta xc'ot yich'ic li mero xcuxlejalique.

SUN TITO 1:2

Jech tspat yo'ntonic ti xu' chcuxiic sbatel osile, ja' ti yaloj ono'ox Dios ta sliquebal ti ta xac' cuxicutique. Li stuque mu sna' x'epalc'opoj.

SUN TITO 3:7

Jech lec xa chijyilutic ta sventa li slequil yo'ntone. Jech jpatoj xa co'ntontic ti xu' chcu'unintic, ti xu' ta jtatic li cuxlejal sventa sbatel osile.

1 Juan 1:2

Li Cuxlejale laj xa yac' sba ta otquinel; laj quilcutic li vu'uncutique, ja' yu'un ta xcalbecutic sc'oplal. Ta xcalcutic ava'yic c'u x'elan li Boch'o sventainoj cuxlejal sbatel osile. Te ono'ox xchi'uc sbaic xchi'uc li Jtotic Diose. Laj xa yac' sba ta ilel ta jtojolcutic.

1 Juan 5:20

Ta jna'tic noxtoc ti i'ay ta banamil li Xnich'on Diose, laj yac'butic jbijiltic sventa ac'o cotquintic li bats'i Dios ta melele. Jun me ac'o oyuticuc o jchi'uctic li Boch'o ta melel ja' stuc oe, ja' li Jesucristo Xnich'on Diose. Le'e ja' bats'i Dios ta melel; ja' Cuxlejal sventa sbatel osil.

Judas 1:21

Te me oyanic o ta stojol li Dios ti lec sc'anojoxuque, junuc avo'ntonic malaic tsta sc'ac'alil chixc'uxubinutic li Cajvaltic Jesucristoe, ja' ti chac' jcuxlejaltic sventa sbatel osile.