1 Juan 2:24 - Bible in Tzotzil de Chenalhó with Deuterocanon

²⁴ Li vo'oxuque, j'ech'el me te oyuc o ta avo'ntonic li sc'op Dios laj ava'yic ta sliquebale. Me j'ech'el te oy ta avo'ntonic li sc'op Dios laj ava'yic ta sliquebale, jech j'ech'el te oy o ta atojolic ec li Nich'onile xchi'uc li Totile.

Tzotzil Zinacantan

²⁴ Li voꞌoxuque jꞌechꞌel me xachꞌunic ti jaypꞌel avaꞌiic ti cꞌalal lic achꞌunic li scꞌop Rioxe. Mi jꞌechꞌel achꞌunojique, jaꞌ avichꞌojic ta mucꞌ ti Jtotic Riox ta vinajele xchiꞌuc ti Xchꞌamale.

Bible in Tzotzil de Chamula

²⁴ Jech o xal un, bejbunuc o ta avo'ntonic ti lequil ach' c'op ti laj ava'iic talel ta sliquebale. Mi jech xbejbun o ta avo'ntonic ti c'u s'elan laj ava'iic talel ta ba'yele, junoxuc xchi'uc ti Nich'onile, xchi'uc ti Dios Totile.

Tzotzil San Andres

²⁴ Li joꞌoxuque ta jꞌechꞌeluc me tec oyuc o ta avoꞌonic li cꞌu yepal avaꞌiic li cꞌalal lic achꞌunbeic scꞌop li Jesucristoe. Mi te oy o ta avoꞌonic li cꞌu yepal avaꞌiic li cꞌalal lic achꞌunique, jech ta jꞌechꞌel te oyoxuc o ta scꞌob li Nichꞌonile schiꞌuc ta scꞌob li Totile.

Tzotzil de Huixtán

²⁴ Hech yu'un ti c'u yepal laj ava'yic ti sliqueb c'alal lic ach'umbeic sc'op ti Cajvaltique, j'ech'el ac'o ti avo'ntonic. Yu'un mi j'ech'el c'otem ti avo'ntonic ti c'u yepal laj ava'yique c'alal lic ach'umbeic sc'op ti Cajvaltique, hech j'ech'el na'ochic xa ti stojol ti Snich'on ti Diose xchi'uc uc ti stojol ti Stote.

1 Juan 2:24 Iomraidhean Croise

Salmos 119:11

La jchabi ta co'nton li ac'ope, yu'un jech mu jta jmul ta atojol.

Proverbios 23:23

C'ano me li bijubtasel, li chanubtasel, xchi'uc li tojobtasele; oyuc me ta avo'nton chasa'.

San Lucas 1:2

Jech chac c'u cha'al laj yalbun ca'icutic li boch'otic laj yilic lec ta satic ta sliquebale, ja' li boch'otic laj yich' yabtelic ta xcholbel sc'ope.

San Lucas 9:44

—Li c'usi chacalboxuc li'i ta jc'an ti chatic' lec ta avo'ntonique. Vu'un ti Xnich'on cristiano lic'ote ta to xi'ac'at ta sc'ob li cristianoetique —xut.

San Juan 14:23

Itac'ov li Jesuse: —Li boch'o chisc'anune ta xch'unbun li jc'ope. Jech ta xc'anat yu'un li Jtote. Ta xtal jchi'incutic; te chinaquicutic o ta yo'nton.

San Juan 15:7

“Me li' oyoxuc o ta jtojole, me te oy o ta avo'ntonic li jc'ope, xu' chac'anbeic Dios scotol li c'usi chac'anique, jech chayac'boxuc.

San Juan 6:56

Li boch'o ta sve'bun jbec'tal xchi'uc ta xuch'bun jch'ich'ale, ja' li' oy o ta jtojol, jech te oyun ta stojol ec.

San Juan 8:25

Jech la sjaq'uic yan velta: —¿Boch'oot cha'e? —xutic. Itac'ov li Jesuse: —Ja' jech chac c'u cha'al laj calboxuc ta sliquebe.

Filipenses 4:15

C'alal ay jliques spuquel sc'op Dios te ta avosilalic vo'oxuc li jch'unolajeloxuc te ta Filipose, lec xana'ic ti mu'yuc yan jch'unolajeletic laj yac'bicun c'usi itun cu'un c'alal liloc' batel te ta Macedonia banamile, ja' no'ox vo'oxuc atuquic laj acoltaicun.

Colosenses 3:16

Ac'o c'otuc lec ta avo'ntonic c'usi chal li sc'op Cristoe. Chanubtaso abaic; taq'uio abaic ta sventa scotol li bijubtasele. Q'uejinanic, tojbeic ta vocol Dios ta sventa q'ueojetic, ta salmoetic xchi'uc ta bic'tal q'ueojetic.

Hebreos 2:1

Ja' yu'un tsots sc'oplal tsc'an ta jnaban jbatic o ta stojol li c'usi ca'yojtic xae, yu'un jech mu xijch'ay comel ta be.

Hebreos 3:14

Yu'un ta jchi'in jbatic jchi'uctic Cristo me j'ech'el jun co'nton jch'unojtic o c'alal to ta slajebal c'ac'al jech chac c'u cha'al lic jch'untique.

1 Juan 1:3

Jech ta xcalcutic ava'yic li c'usi laj quilcutique xchi'uc li c'usi laj ca'icutique, yu'un jech chijpasutic ta jun, jech chac c'u cha'al jun oyuncutic xchi'uc li Jtotic Diose xchi'uc li Xnich'one, ja' li Jesucristoe.

1 Juan 1:7

Yan me chijxanovutic ta sac osil jech chac c'u cha'al oy ta sac osil stuque, ta melel jun chijc'ot ta jcotoltic; chispocbutic loq'uel scotol jmultic ta xch'ich'al Xnich'on, ja' li Jesuse.

1 Juan 2:7

Vo'oxuc ti lec jc'anojoxuque, muc ach' mantaluc ta jts'ibaboxuc tal li'i. Ja' ono'ox li mantal la'albatic ta sliquebale; ja' li vo'one mantal ti ava'yojic ono'oxe.

1 Juan 3:24

Li boch'o ta xch'unbe smantaltaque te oy ta stojol li Diose, xchi'uc te oy Dios ta stojol ec. Ta jna'tic ti li' oy ta jtojoltique, yu'un ja' chijyac'butic jna'tic li Ch'ul Espíritu yac'ojbutique.

1 Juan 4:13

Ti c'u x'elan ta jna'tic ti oyutic ta stojol Diose, xchi'uc ti li' nacal ta co'ntontic eq'ue, ja' ti laj xa yac'butic li Ch'ul Espíritu yu'une.

1 Juan 4:15

Li boch'o ta xal ta jamal ti ja' Xnich'on Dios li Jesuse, te oy Dios ta yo'nton, jech ec li stuque te oy ta stojol li Diose.

1 Juan 4:16

Li vu'utique laj xa jna'tic, xchi'uc jch'unojtic xa ti sc'anojutic li Diose. Li Diose ja' stalel ta xc'anvan o. Li boch'o ta xc'anvane te oy ta stojol li Diose. Jech ec li Diose te nacal ta yo'nton.

2 Juan 1:2

Lec jc'anojotcutic ta sventa li sc'op Dios ti ja' melele, yu'un li' oy ta co'ntontic ta sbatel osil.

2 Juan 1:9

Me oy boch'o xjelov to sna' xchanubtasvan scuyoj sbae, me mu ja'uc ta xch'un jech chac c'u cha'al ichanubtasvan li Jesucristoe, mu'yuc Dios ta stojol. Yan li boch'o ja' ta xch'un c'u x'elan ichanubtasvan li Jesucristoe, ja' oy ta yo'nton li Jtotic Diose xchi'uc li Nich'onile.

3 Juan 1:3

Toj xcuxet no'ox co'nton c'alal laj ca'ay ivul yalbicun jayibuc jch'unolajeletic ti jun avo'nton ach'unoje, xchi'uc ti chapas batel c'usi chal li sc'op Dios ti ja' melele.

Apocalipsis 3:11

A'yo ava'yic, po'ot xa chital. Junuc me avo'nton tsaquic o li c'usi ataojique, yu'un jech mu xbat ta yan li amotonique.

Apocalipsis 3:3

Vuleso me ta ajolic li c'usi laj ava'yic, xchi'uc ti c'u x'elan lachanubtasatic ta sliquebe. Ja' me ch'unic o. Suteso me avo'ntonic. Me mu xaq'uel abaique, ta xital ta atojolic jech chac c'u cha'al j'elec'; mu xana'ic c'usi ora chital.