1 Juan 2:22 - Bible in Tzotzil de Chenalhó with Deuterocanon

²² Li boch'o j'epalc'op ta xc'ote ja' li boch'o ta xal ti mu ja'uc Cristo li Jesuse. Le'e ja' yajcontra Cristo, yu'un mu xch'unic li Totile xchi'uc li Nich'onile.

Tzotzil Zinacantan

²² Ti muchꞌu chal ti maꞌuc stꞌujoj Riox ti tspasvan ta mantal ti Jesucristoe, tsnop cꞌop. Ti muchꞌu yech chale, yuꞌun mu xichꞌ ta mucꞌ ti Riox Totile xchiꞌuc ti Xchꞌamale.

Bible in Tzotzil de Chamula

²² ¿Buch'u ti jutc'op un cha'e? Ja' ti buch'u ta xal ti ma'uc Cristo ti Jesuse. Taje, ja' yajcontra Cristo, yu'un ta scontrain ti Dios Totile, xchi'uc ti Nich'onile.

Tzotzil San Andres

²² Li buchꞌu jutcꞌope jaꞌ li buchꞌutic ta xalic ti maꞌuc tꞌujbil yuꞌun Dios li Jesucristo ti ch‐ichꞌvan ta ventae. Li buchꞌu jech chale jaꞌ yajcontra Cristo yuꞌun tscontrainic li Totile schiꞌuc li Nichꞌonile.

Tzotzil de Huixtán

²² Mu ac'biluc yabtel yu'un ti Diose ti Jesucristoe, mi xchiique, ja' tsnopic c'op obi. Ti Jesucristoe ma'uc stot ti Diose, mi xchiique, yu'un tscontrainic ti Cristoe.

1 Juan 2:22 Iomraidhean Croise

San Mateo 24:24

Yu'un ta to xtal li boch'otic ta scuy sbaic ta Cristoe, xchi'uc li boch'o tscuy sbaic ta j'alc'opetique. Ta spasic muc'tic sq'uelubiltac, yu'un jech ta slo'laic o li cristianoetique. Ti xu'uc yu'unique, tsc'an tslo'laic ec li boch'otic t'ujbilic yu'un Diose.

San Mateo 24:5

Yu'un oy ep boch'o ta xalic sbiic jech chac c'u cha'al jbi vu'un. Jech ta xalic: ‘Vu'un Cristoun’, xiic. Jech ep boch'otic ta xlajic ta lo'lael.

San Juan 8:44

Li vo'oxuque ja' atotic li pucuje, ja' yu'un ja' chac'an chapasic li c'usi oy ta yo'nton stuque. Yu'un li stuque jmilvanej ono'ox ta sliquebal. Mu ono'ox sc'an o li c'usi melele; mu'yuc c'usi melel oy ta yo'nton. C'alal me chal c'usi mu meleluque, yu'un ja' tspas li c'usi stalele, yu'un ja' j'epalc'op o, ja' mero sme' j'epalc'op.

1 Juan 1:6

Me ta xcaltic ti jun xa oyutic jchi'uctic Diose, pero me te to chijxanovutic ta ic' osile, chij'epalc'opojutic, yu'un mu ja'uc ta jpasilantic li c'usi melele.

1 Juan 2:18

Jnich'nabtac, ja' xa slajebal c'ac'al. Ava'yojic ti ta ono'ox xtal li yajcontra Cristoe. Li' ta orae oy xa ep li yajcontra Cristoe. Jech ta jna'tic o ti ja' xa slajebal c'ac'ale.

1 Juan 2:23

Li boch'o chalic ti mu ja'uc Xnich'on Dios li Jesuse, mu xich'ic ta muc' noxtoc li Totile. Yan li boch'o jamal chal ti ja' Xnich'on Dios li Jesuse, yu'un yich'ojic ta muc' noxtoc li Totile.

1 Juan 2:4

Pero me oy boch'o jech ta xal: “Vu'une xcotquin xa li Diose”, me xie, pero me mu xch'unbe smantaltaque, ja' j'epalc'op; mu'yuc ta yo'nton li c'usi melele.

1 Juan 4:20

Pero me oy boch'o jech ta xal: “Li vu'une lec jc'anoj Dios”, me xie, pero me xti'et yo'nton yu'un xchi'ile, ja' j'epalc'op. Yu'un li boch'o mu sc'an xchi'il ti chil ta sate, ¿c'uxi xu' ta sc'an li Dios ti mu xilbe sate?

1 Juan 4:3

Yan me mu jamaluc chalbeic sc'oplal li Jesucristoe, mu'yuc yich'ojic li Espíritu yu'un Diose; ja' yajcontratac Cristo. Ava'yojic ti ta ono'ox xtal li yajcontra Cristoe; oy xa li' ta banamil ta ora.

1 Juan 5:1

Scotol li boch'o ta xch'un ti ja' Cristo li Jesuse, ja' xa xnich'nab Dios. Li boch'o lec sc'anoj li Stote, lec sc'anojbe noxtoc li yantic xnich'nabe.

2 Juan 1:7

Yu'un oy xa ep jlo'lavanejetic buyuc no'ox ta xanovic, mu xch'unic ti i'ay yich' sbec'tal li Jesucristoe. Li boch'o jech tspasique ja' jlo'lavanejetic, xchi'uc ja' yajcontratac Cristo.

Judas 1:4

Yu'un oy jayibuc viniquetic ta mucul ta stic' sbaic te ta atojolic ti ja' no'ox chlo'lavanique. Li viniquetic le'e, ja' ti oy ono'ox sc'oplalic ta sc'op Dios ta vo'one ti chbat stoj smulique. Ven chopolic, tsyanijesbeic smelol li slequil yutsil yo'nton Dios cu'untic sventa xu' tspasic o li c'usi chopol tsc'an yo'ntonique. Mu xich'ic ta muc' li Jesucristo ti ja' no'ox stuc Cajvaltique, ti ja' Yajval scotole.

Apocalipsis 3:9

Ja' yu'un a'yo ava'yic, ta xcac'boxuc ta ac'obic li nail tsobobbail yu'un banquilal pucuje, ja' li boch'otic chalic ti ja' judioetique pero ma'uc; ja' no'ox ch-epalc'opojic. Ta xcac' ti ac'o tal squejan sbaic ta atojolique, yu'un jech ac'o sna'ic ti ta melel c'anbiloxuc cu'une.