1 Juan 2:21 - Bible in Tzotzil de Chenalhó with Deuterocanon

²¹ Ti ta jts'ibaboxuc tal li'i, ma'uc yu'un mu to xavotquinic li c'usi melele, yu'un xavotquinic xa. Jech xana'ic ti mu xloc' epalc'op ta sventa li c'usi melele.

Tzotzil Zinacantan

²¹ Ti chajtsꞌibabeic liꞌi, yuꞌun anaꞌojic xa ti yech cꞌusi yaloj ti Rioxe. Muꞌnuc mu to xanaꞌic. Anaꞌojic ti tsnop cꞌop ti muchꞌu maꞌuc yech chal chac cꞌu chaꞌal chal li scꞌop Rioxe.

Bible in Tzotzil de Chamula

²¹ Ti jech ta jts'ibaboxuc talel li'e, mu yu'unuc ti mu xavojtiquinic ti bu ja' melele, yu'un laj xa avojtiquinic. Xana'ic lec xtoc, ti bu ja' melele, mu x'ayan talel jbeluc jutbil c'op.

Tzotzil San Andres

²¹ Ti chajtsꞌibabeic liꞌi, yuꞌun xanaꞌic xa ti melel li scꞌop Diose. Xanaꞌic nojtoc ti jaꞌ jutcꞌop mi oy buchꞌu oy cꞌusi chal ti mu jmojuc schiꞌuc li scꞌop Diose.

Tzotzil de Huixtán

²¹ Mu yu'unuc mu xana'ic ti c'ope ti melele. Ja' yu'un chana'ic hech yu'un chajts'ibaboxuc. Chana'ic ti mi mu xco'olaj xchi'uc ti c'op ti ja' melele, ja' tsnopic c'op obi.

1 Juan 2:21 Iomraidhean Croise

Proverbios 1:5

Li boch'o bij ti xa'ibe lec smelole, ta to xbijub batel; ep to ta xchan batel c'usi lec ta pasel.

San Juan 18:37

Li Pilatoe jech laj yalbe: —¿Yu'un ono'ox vo'ot ajvalilot cha'e? —xut. Itac'ov li Jesuse: —Vo'ot chloc' ta ave atuc ti vu'un ajvalilune. Ja' sventa ti tal voc'cune, xchi'uc ja' sventa ti lital li' ta banamile, yu'un tal cal li c'usi melele. Scotol li boch'otic oyic ta sventa li c'usi melele ja' ta xa'ibicun li jc'ope —xut.

San Juan 8:44

Li vo'oxuque ja' atotic li pucuje, ja' yu'un ja' chac'an chapasic li c'usi oy ta yo'nton stuque. Yu'un li stuque jmilvanej ono'ox ta sliquebal. Mu ono'ox sc'an o li c'usi melele; mu'yuc c'usi melel oy ta yo'nton. C'alal me chal c'usi mu meleluque, yu'un ja' tspas li c'usi stalele, yu'un ja' j'epalc'op o, ja' mero sme' j'epalc'op.

Santiago 1:19

Quermanotac, vo'oxuc ti lec jc'anojoxuque, a'yo lec ava'yic li c'usi cha'albatique. Mu xac'opojic ta anil; mu xa'ilinic ta anil.

2 Pedro 1:12

Ja' yu'un mu xlaj co'nton ta jvulesboxuc ta avo'ntonic scotol le'e, ac'o me ana'ojic xa lec, ac'o me j'ech'el ach'unojic o li c'usi melele.

1 Juan 3:19

Me chijc'anvanutique, jech ta jna'tic o ti oyutic ta stojol li Dios ti ja' melele, jech mu xlo'ilaj co'ntontic ta stojol li Diose.

Judas 1:5

Ac'o me ana'ojic lec c'usi ipasbatic yu'un Dios li israeletic ta vo'onee, pero ta jcha't'abboxuc ava'yic. C'alal la scolta loq'uel ta Egiptoe, laj yules scotol li boch'otic muc xch'unique.