1 Juan 2:20 - Bible in Tzotzil de Chenalhó with Deuterocanon

²⁰ Li vo'oxuque laj xa yac'boxuc avich'ic Ch'ul Espíritu li Boch'o mu'yuc smule, jech voc'biloxuc xa lacomic, jech acotolic xa oy abijilic.

Tzotzil Zinacantan

²⁰ Li voꞌoxuque iyacꞌ xa achiꞌinic Chꞌul Espíritu ti Jesucristoe, yechꞌo ti lapꞌijubic xae.

Bible in Tzotzil de Chamula

²⁰ Ti Cristoe laj xa yac'boxuc avich'ic ti Ch'ul Espíritue, acotolic jamal aba asatic.

Tzotzil San Andres

²⁰ Li joꞌoxuque laꞌacꞌbatic xa avichꞌic li Chꞌul Espíritu li listacbutic talel li Jesucristoe, jaꞌ yuꞌun acotolic xanaꞌic xa li cꞌustic melele.

Tzotzil de Huixtán

²⁰ Ti ho'oxuque yu'un na'ac'bat avich'ic uc ti Ch'ul Espíritue ti laj stacbucutic tal ti Jesucristoe hech yu'un acotolic chana'ic xa uc ti c'ope ti ja' melele.

1 Juan 2:20 Iomraidhean Croise

San Juan 14:26

Yan li Jpojvanej ta stacboxuc tal ta jventa li Jtote, ja' li Ch'ul Espiritue. Ja' ta xac'boxuc ana'ic scotol; ja' ta xchanubtasoxuc. Ja' ta svulesboxuc ta ajolic scotol li c'usi laj calboxuque.

1 Juan 2:27

Pero li vo'oxuque, te oy o ta atojolic li Ch'ul Espíritu ti laj yac'boxuc Cristoe, jech voc'biloxuc xa o yu'un, jech mu xa persauc oy boch'o yan ta xchanubtasoxuc. Ja' xa stuc Ch'ul Espíritu ta xac' ana'ic scotol; puru melelic c'usi chal, mu epalc'opuc. Te me oyanic o ta stojol li Cristoe, jech chac c'u cha'al la xchanubtasoxuc li Ch'ul Espiritue.

Isaías 61:1

Li espíritu yu'un Cajvaltic Diose li' oy ta jtojol; laj yac'bun svu'el yu'un jech voc'bil licom ta sventa yabtel. Ja' yu'un la stacun tal sventa tal calbe ya'yic lequil a'yej li boch'otic abul sbaique; la stacun tal sventa tal jcolta li boch'otic oy svocolique, sventa tal calbe ti xu' chcolic li boch'otic mozoinbilique, xchi'uc ti xu' chloq'uic ta chuquel li boch'otic ochemic ta chuquele.

Proverbios 28:5

Li boch'o chopolique mu xa'ibeic smelol li c'usi tuq'ue; yan li boch'o ja' ta sa'ic Muc'ul Diose lec cha'ibeic smelol scotol.

Salmos 23:5

Laj xa achapanbun lec jve'el ta mexa ta sat li cajcontrataque, laj amalbun aceite ta jol; chmal xa li yavil bendición avac'ojbune.

Hechos 10:38

Xchi'uc xana'ic noxtoc ti i'ac'bat yich' Ch'ul Espíritu yu'un Dios li Jesús liquem tal ta Nazarete, xchi'uc ti i'ac'bat ep stsatsale. Buyuc no'ox ixanov la scoltaan ep cristianoetic, xchi'uc la scoltaan li boch'otic uts'intabilic yu'un pucujetique. Scotol ivu' yu'un, yu'un chi'inbil yu'un Dios.

San Juan 16:13

C'alal me ital li Ch'ul Espíritu ti ja' Melele, ja' chastojobtasoxuc batel ta sventa scotol li c'usi melele. Yu'un mu ja'uc ta xal c'usi tsc'an stuc; ja' ta xal li c'usitic ta x'ac'bat sna'e. Ja' ta xac'boxuc ana'ic scotol li c'usitic ta to xc'ot ta pasele.

Hebreos 1:9

Yu'un ja' chac'an li c'usitic tuq'ue; ja' chacontrain li c'usi chopole. Ja' yu'un li Dios avu'une la st'ujot, jech voc'bil lacom ta sventa yabtel. Laj yac'bot ep xcuxetel avo'nton. Ja' mu sta jech ac'bilic li yantic achi'iltaque”, xi ts'ibabil.

1 Juan 4:13

Ti c'u x'elan ta jna'tic ti oyutic ta stojol Diose, xchi'uc ti li' nacal ta co'ntontic eq'ue, ja' ti laj xa yac'butic li Ch'ul Espíritu yu'une.

Salmos 45:7

Yu'un ja' chac'an li c'usitic tuq'ue; ja' chacontrain li c'usi chopole, ja' yu'un la st'ujot li Diose, ja' li Dios avu'une. Laj yac'bot ep xcuxetel avo'nton; ja' mu sta jech ac'bilic li yantic achi'iltaque.

Hechos 3:14

Muc xac'anic li Ch'ul vinique, li Tuq'uil vinique. Ja' laj ac'anic coltabel li jun jmilvaneje.

San Lucas 4:18

“Li Espíritu yu'un Diose li' oy ta jtojol. Ja' yu'un la st'ujun, jech voc'bil licom ta sventa yabtel. Jech tal calbe ya'yic Lequil A'yej li boch'otic abul sbaique. Tacbilun tal ta yalel ti xu' chcolic li boch'otic ochemic ta chuquele, xchi'uc tal jambe satic li ma'satetique, xchi'uc tal jcolta li boch'otic uts'intabilique.

Marcos 1:24

—Jesús, vo'ot ti liquemot tal ta Nazarete, ¿c'u yu'un ti tal atic' aba ta jtojolcutique? ¿Me yu'un tal avulesuncutic? ¡Jna'oj ti vo'ot Xch'ul Nich'onot Diose! —xut.

Salmos 92:10

Pero li vu'une chavac'bun lec jtsatsal jech chac c'u cha'al jcot tot vacax, xchi'uc chajaxbun lec aceite ta jol.

Salmos 71:22

Ja' yu'un ec li vu'une ta jq'uejinta alequilal ta sonetic; Dios cu'un, ta jq'uejinta ta arpa li yutsil avo'ntone, vo'ot li Ch'ul Diosot yu'un Israele.

Apocalipsis 4:8

Li chanib c'usi cuxajtique oy vaquib xic' jujunic. Jech noxtoc oy satic ta spat xiq'uic xchi'uc ta yolon xiq'uic. Ta c'ac'al ta ac'ubal scotol ora jech chalic: “Ch'ul Dios, Ch'ul Dios, ja' Ch'ul Dios stuc li Cajvaltic ti ech'em svu'ele. Ja' li Boch'o te ono'ox oye, xchi'uc ti te oy o li' ta orae, xchi'uc ti te oy o sbatel osile”, xiic.

Apocalipsis 3:7

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Filadelfiae: ‘Jech chal li Boch'o mu'yuc smule, ti melel scotol c'usi chale, ja' li Boch'o yich'oj ta sc'ob li sllavi Davide. Ja' li Boch'o ta sjam ti mu'yuc boch'o xu' yu'un tsmaque, ja' li Boch'o ta smac ti mu'yuc boch'o xu' yu'un tsjame.

Hebreos 8:11

Jech mu'yuc xa boch'o jech chalbe xchi'ilic, mu'yuc xa boch'o jech chalbe yuts' yalalic: ‘Tsc'an chavotquin lec li Cajvaltique’, mu'yuc xa boch'o xut. Yu'un scotolic chlic yotquinicun, c'alal ta muc', ta biq'uit.

1 Corintios 2:15

Yu'un li boch'o ventainbil yo'nton yu'un Ch'ul Espiritue sna' lec yotquinel scotol, pero li stuque mu xu' ch-otquinbat c'u x'elan yo'nton.

San Lucas 4:34

Jech laj yal: —Mu xtal avuts'intauncutic, Jesús ta Nazaret. ¿C'usi tal apas li' ta jtojolcutic? ¿Me yu'un tal avulesuncutic? Xacotquinot boch'oot. Vo'ot Xch'ul Nich'onot li Diose —xut.

Isaías 43:3

Vu'un li Muc'ul Diosune, vu'un Diosun avu'un, vu'un li Ch'ul Diosun yu'un Israele, vu'un Jcoltavanej avu'un. Ja' laj cac' ta aq'uexol li Egipto, li Etiopía, xchi'uc li Sebae; ja' amanubil ic'ot cu'un.

Salmos 16:10

Yu'un muc teuc chacomtsanun o ta jmuquinal; mu'yuc chavac'be yil c'u x'elan c'a'el li ach'ulnich'one.

Jeremías 31:34

Jech mu'yuc xa boch'o jech chalbe xchi'ilic, mu'yuc xa boch'o jech chalbe yuts' yalalic: ‘Tsc'an chavotquin lec li Muc'ul Diose’, mu'yuc xa boch'o xut. Yu'un scotolic chlic yotquinicun c'alal ta muc', ta biq'uit. Yu'un j'ech'el ta jch'aybe o ta co'nton li xchopolilique; mu'yuc xa ta jt'abbe o ta co'nton li smulique”, xi li Muc'ul Diose.

San Mateo 13:11

Itac'ov li Jesuse: —Yu'un li vo'oxuque ac'biloxuc xa ana'ic c'u x'elan chventainvan li Diose, ja' ti mu'yuc to'ox boch'o sna'e, pero li yantique mu x'ac'bat sna'ic.

Judas 1:5

Ac'o me ana'ojic lec c'usi ipasbatic yu'un Dios li israeletic ta vo'onee, pero ta jcha't'abboxuc ava'yic. C'alal la scolta loq'uel ta Egiptoe, laj yules scotol li boch'otic muc xch'unique.

Levítico 7:35

Ja' jech spuculal laj yich'ic li Aarón xchi'uc xnich'nab c'alal chchic'beic li smoton Diose. Ja' te ora lic yu'uninic o li Aarón xchi'uc smomnich'nabtac ti c'usi ora voc'bil icomic o ta sventa paleale.