1 Juan 2:2 - Bible in Tzotzil de Chenalhó with Deuterocanon

² Yu'un ja' laj yac' sba ta milbil matanal sventa la stojbutic jmultic. Mu ja'uc no'ox vu'utic ti la stojbutic jmultique; ja' smul scotol cristianoetic ta sbejel banamil la stojbe.

Tzotzil Zinacantan

² Yuꞌun jaꞌ istoj jmultic, yechꞌo ti jaꞌ chiꞌacꞌbatotic o pertonale. Pero mu jtucticuc noꞌox istoj jmultic, istojbe smul scotol crixchanoetic.

Bible in Tzotzil de Chamula

² Ti jech laj yac' sba ta milel ti Jesucristoe, laj jtatic yu'un ti ch'aybil c'ot ti jmultique. Ma'uc no'ox ti vo'otique, ja' jech c'ot ta stojol scotol ti jnaclejetic ta sjoylej banomile.

Tzotzil San Andres

² Jaꞌ ta sventa ti chijpasbat pertone yuꞌun jaꞌ la stoj li jmultique. Pero maꞌuc noꞌox listojbutic jmultic li joꞌotique, la stojbe smul scotol crixchanoetic.

Tzotzil de Huixtán

² Ja' jq'uexoltic laj stojbucutic jmultic c'alal icham ti cruz. Mu jtucticuc no'ox jmultic laj stojbucutic. Ja' laj stojbe smul scotol crixchanoetic uc.

1 Juan 2:2 Iomraidhean Croise

Levítico 16:10

Li jcot chc'ot ta sventa jcuchmulile cuxul ac'o yac'bun ta jtojol li palee yu'un jech ch'aybil chc'ot smulic li israeletique. Ts'acal ac'o scolta batel ta xocol banamil yo' bu oy li Azazele.

San Lucas 14:22

Li mozoe la xch'un. Ts'acal jech laj yalbe li yajvale: ‘Cajval, la jpas scotol li c'usi laj avalbune, pero oy to xocol li ve'lile’, xut.

San Juan 1:29

Ta yoc'omal laj yil Juan ti te ta xtal Jesús yo' bu oye, jech laj yal: “Q'uelavilic, le' xa xtal li ch'ium chij yu'un Dios ti chch'aybe smul scotol cristianoetic ta banamile.

San Juan 12:32

C'alal chquich' joc'anel ta cruze, ja' jech ta xquic'an tal ta jtojol scotol li cristianoetique —xi li Jesuse.

San Juan 4:42

Jech laj yalbeic li antse: —Mu ja'uc no'ox ta sventa laj avalbuncutic ti la jch'uncutique. Ja' ta sventa ti laj ca'ay jtuccutic ilo'ilaje. Jech ta jna'cutic o ti ja' li Cristoe, ti ja' Jcoltavanej yu'un scotol cristiano ta sbejel banamile —xutic.

Hebreos 2:17

Ja' yu'un persa la sco'lajes sba jech chac c'u cha'al li xchi'iltac ta voq'uele, yu'un jech ja' jc'uxubinvanej, ja' tuq'uil Banquilal Pale ic'ot yu'unic ta stojol Dios, jech xu' tstaic perdón yu'un smulic li steclumale.

1 Pedro 2:24

Ja' stuc la xcuch ta sbec'tal li jmultic c'alal ja'o joc'ol ta cruze, yu'un jech xu' chijchamutic ta sventa li mulile; ja' chijcuxiutic ta spasel li c'usi tuq'ue. Li Cristoe ep ituch' sbec'tal, yu'un jech vo'oxuc colem lacomic.

1 Pedro 3:18

Yu'un li Cristoe laj ono'ox yich' vocol ec ti c'alal icham ta scoj jmultique. Jun no'ox velta j'ech'el la xch'aybutic o. Li stuque mu'yuc smul, pero laj yich' vocol ta scoj jpasmuliletic, yu'un jech chijyic'utic batel ta stojol Dios. Icham xchi'uc sbec'tal, pero icha'cuxi xchi'uc ach' sbec'tal ta sventa Espíritu.

1 Juan 1:7

Yan me chijxanovutic ta sac osil jech chac c'u cha'al oy ta sac osil stuque, ta melel jun chijc'ot ta jcotoltic; chispocbutic loq'uel scotol jmultic ta xch'ich'al Xnich'on, ja' li Jesuse.

1 Juan 3:5

Li vo'oxuque xana'ic xa ti ital ta banamil li Cristoe, ja' sventa tal xch'ayes li mulile, yu'un li stuque mu'yuc smul.

1 Juan 4:10

Ja' jech laj quiltic c'u x'elan li c'anvaneje. Yu'un muc vu'uticuc ba'yuc la jc'antic li Diose; ja' ba'yuc la sc'anutic. Jech la stac tal li Xnich'one; ja' milbil matanal ic'ot ta sventa jmultic.

1 Juan 4:14

Li vu'uncutique laj quil jtuccutic ti la stac tal Xnich'on li Jtotic Diose sventa tal scolta li cristianoetic li' ta banamile.

1 Juan 5:19

Ta jna'tic ti xnich'nabutic xa li Diose, xchi'uc ti oyic ta sc'ob pucuj scotol li yan cristianoetic li' ta banamile.

Apocalipsis 12:9

Jech ijipat o yalel tal li dragone, ja' li chon ta vo'onee, ja' li banquilal pucuje, ja' li Satanase. Ja' li boch'o tslo'la scotol cristianoetic ta sbejel banamile. J'ech'el ijipatic o yalel tal ta banamil xchi'uc li j'almantaletic yu'une.