1 Juan 2:17 - Bible in Tzotzil de Chenalhó with Deuterocanon

¹⁷ Pero li banamile xchi'uc li c'usi chac' batuc co'ntontic yu'une, ta ono'ox xlaj; yan li boch'o ja' tspasilan c'usi tsc'an yo'nton Diose ja' ta xcuxi sbatel osil.

Tzotzil Zinacantan

¹⁷ Li balamile ta xlaj. Yech noꞌox ti chpichꞌ o coꞌontique. Yan mi jaꞌ ta jpastic cꞌusitic lec chil ti Jtotic Riox ta vinajele, chicuxiotic o ta sbatel osil.

Bible in Tzotzil de Chamula

¹⁷ Yu'un ti sba banomile, ta xlaj batel ti c'usi oy yu'une, xchi'uc scotol ti sc'upijel o'ntonale. Ja'uc ti buch'u ta spas ti c'usi oy ta yo'nton ti Diose, ta xcuxi o sbatel osil.

Tzotzil San Andres

¹⁷ Li cꞌustic sventa noꞌox osil balumile, yuꞌun snaꞌ noꞌox xlaj. Altic ti ta jcꞌan ta jpastic jech chac cꞌu chaꞌal ta spas li buchꞌutic muc bu yichꞌojic ta mucꞌ li Diose yuꞌun xlaj noꞌox. Yan mi jaꞌ ta jpastic li cꞌustic tscꞌan li Jtotic Diose, jaꞌ chijcuxiutic o sbatel osil.

Tzotzil de Huixtán

¹⁷ Yu'un ti c'utic tspasic ti crixchanoetique j'ech'el chlaj sc'opilal. Hech yu'un hovil ti ch-ic'van ti ora to. Mi ja' ti jpastic ti c'utic tsc'an yo'nton ti Diose, ja' chijcuxi sbatel osil.

1 Juan 2:17 Iomraidhean Croise

Salmos 102:26

Pero le'e ta ono'ox xlaj; yan li vo'ote te oyot o sbatel osil. Li c'usitic apasoje ta xpocoib jech chac c'u cha'al ta xpocoib jc'u'cutic; chajel jech chac c'u cha'al ta jel jc'u'cutic.

Salmos 143:10

Chanubtasun ta spasel li c'usi tsc'an avo'ntone, yu'un vo'ot Diosot cu'un; ja' ac'o yic'un batel ta tuq'uil be li lequil jtojobtasel avu'une.

Salmos 39:6

Scotol cristianoetic jelovel no'ox chjelovic jech chac c'u cha'al yaxinaltic. Altic chbat yo'ntonic ta stsobel sc'ulejalic; mu sna'ic boch'o chich' comel.

Salmos 90:9

Li corailcutique ta xlaj ta sventa sc'ac'al avo'nton; li jabilalcutique ta ora no'ox chjelov cu'uncutic jech chac c'u cha'al ta jic' co'ntoncutic.

Proverbios 10:25

Li boch'o chopole ja' jech chch'ay batel jech chac c'u cha'al li c'usi chcuch batel sutub iq'ue; yan li boch'o tuc' yo'ntone te oy o sbatel osil.

San Mateo 21:31

Li vo'oxuque ¿c'usi chanopic? Li chib queremetique ¿boch'o junucal la xch'unbe smantal li stote? —xut. Itac'ovic: —Ja' li boch'o ba'yuc i'albate —xiic. Li Jesuse jech laj yal: —Melel li c'usi chacalboxuque, li jtsobpatanetic xchi'uc li jmulavil antsetique, ja' ba'yucbe ta xbat avu'unic te yo' bu chventainvan li Diose.

San Mateo 24:35

Li vinajel banamile ta xlaj, pero li c'usitic laj cale mu xlaj sc'oplal o.

San Mateo 7:21

“Oy ep boch'otic jech ta xalic: ‘Cajval, Cajval’, xiyuticun, pero mu scotoluc ch-ochic yo' bu chventainvan li Diose. Ja' no'ox ch-ochic li boch'otic tspasic c'usi tsc'an yo'nton li Jtot te oy ta vinajele.

Marcos 3:35

Li boch'otic ta spasbeic c'usi tsc'an yo'nton Diose ja' jme', ja' cuts' calal c'otemic —xi li Jesuse.

San Juan 4:14

Yan li boch'otic ta xuch'ic li vo' ti vu'un ta xcac'bee mu'yuc xa ta xtaquij o yo'ntonic. Yu'un li vo' ti vu'un ta xcaq'ue ja' jech chc'ot ta yo'ntonic jech chac c'u cha'al nio' ti te chloq'uilan o sventa chcuxiic sbatel osile —xi.

San Juan 6:58

Li vaj ta xcal ti te liquem tal ta vinajele, mu co'oluc jech chac c'u cha'al li manavaj la sve'ic amoltot ayame'ic ta vo'onee, yu'un muc xcuxiic o sbatel osil yu'un. Yan li boch'otic ta sve'ic li vaj ta xcale, ja' ta xcuxiic o sbatel osil —xi li Jesuse.

San Juan 7:17

Li boch'o tsc'an tspas c'usi tsc'an Diose, cha'ay me ja' sc'op Dios ti chcac' ta chanele, o me ja' no'ox chcal c'usi ta jc'an jtuc.

Romanos 12:2

Mu me xachanbeic stalel li cristianoetic li' ta banamile. Ja' tsc'an chjel batel atalelic li vo'oxuque, jech ch-ach'ub batel li c'usi chanopique, jech chlic avotquinic batel c'usi tsc'an li Diose, ja' li c'usitic lec chile, li c'usitic tuq'ue.

1 Corintios 7:31

Li boch'o oy ep c'usitic oy yu'un li' ta banamile, ac'o mu'yucuc c'usi oy yu'un cha'ay. Yu'un li c'usitic oy li' ta banamile chjelov no'ox.

Colosenses 1:9

Ja' yu'un c'alal laj ca'icutic ac'oplalic li vu'uncutique, mu xlaj co'ntoncutic o ta jc'opancutic Dios ta atojolic. Ta jc'anbecutic ti ac'o ana'ic lec c'usi tsc'an yo'nton, xchi'uc ti ac'o yac'boxuc lec abijilic, ac'o sjamboxuc lec ajol avo'ntonique.

Colosenses 4:12

Chabanuc xayalboxuc tal li Epafrase, ja' li achi'ilique, ja' li yajtunel Cristoe. Scotol c'ac'al yac'oj persa tsc'opan Dios ta atojolic, yu'un tsc'an ti ac'o junuc avo'ntonic o ta stojol Diose, ti ac'o tsatsubanic leque, xchi'uc ti ac'o ana'ic lec scotol c'usi tsc'an Diose.

1 Tesalonicenses 4:3

Yu'un li c'usi oy ta yo'nton Diose, ja' ti ac'o lecubanic batele, ti ac'o acomtsanic li mulivajele.

1 Tesalonicenses 5:18

Tojbeic ta vocol Dios scotol. Yu'un jech oy ta yo'nton Dios tsc'an chapasic ta sventa ti oyoxuc ta stojol li Cristo Jesuse.

Hebreos 10:36

Yu'un tsots sc'oplal ti oy lec smuc'ul avo'ntonique, yu'un jech xu' avu'un chapasic c'usitic tsc'an li Diose, xchi'uc jech chc'ot ta pasel chavich'ic li c'usi yaloj Dios chijyac'butique.

Santiago 4:14

Pero mu xana'ic me cuxuloxuc ta yoc'omal. Yu'un ja' jechoxuc jech chac c'u cha'al lumal toc ti ta anil no'ox ta xtale, xchi'uc ti ta anil no'ox ta sacch'ay batele.

1 Pedro 1:5

Ta sventa xch'unojel avo'ntonic ta stojol Dios, jech ta xchabioxuc ta svu'el yu'un jech xu' chataic li coltael xchapanoje; ja' to chayac'boxuc avilic ta slajebal c'ac'al.

1 Pedro 4:2

jech mu xa ja'uc tspas li c'usi tsc'an sbec'tale. Ja' xa tspas c'usi tsc'an Dios ti jayib to c'ac'al cuxule.