1 Juan 2:15 - Bible in Tzotzil de Chenalhó with Deuterocanon

¹⁵ Mu me xbat avo'ntonic yu'un li c'usi sventa banamile xchi'uc li c'usitic chopol oy ta banamile. Li boch'o ja' batem yo'nton ta sventa banamile, ja' mu'yuc sc'anoj o li Jtotic Diose.

Tzotzil Zinacantan

¹⁵ Mu me jaꞌuc batem ta avoꞌonic li cꞌusitic oy ta sba balamile. Mi jaꞌ batem ta coꞌontique, jaꞌ xa mu jcꞌantic ti Jtotic Riox ta vinajele.

Bible in Tzotzil de Chamula

¹⁵ Mu xbat avo'ntonic ta sc'upinel ti sba banomile xchi'uc ti c'usitic oy yu'une. Yu'un ti buch'u ta xbat yo'nton ta sc'upinel ti sba banomile, mu'yuc c'ux ta xa'i ti Jtotic Diose.

Tzotzil San Andres

¹⁵ Maꞌuc noj me batem ta avoꞌonic li cꞌustic oy liꞌ ta balumile. Yuꞌun mi jaꞌ noj batem ta coꞌontic li cꞌustic oy liꞌ ta balumile, jaꞌ muꞌyuc ta coꞌontic li Jtotic Diose.

Tzotzil de Huixtán

¹⁵ Mu me ja'uc chbat avo'ntonic ti c'utic sventa no'ox ti balumile xchi'uc ti c'utic oy li' ti balumile. Yu'un mi te batem co'ntontic ti c'utic sventa ti balumile, mu c'uxuc chca'itic ti Jtotic Diose.

1 Juan 2:15 Iomraidhean Croise

San Mateo 4:8

Li pucuje laj yic' batel ta jun bats'i toyol vits noxtoc li Jesuse. Te laj yac'be yil scotol svu'elic li ajvaliletic li' ta banamile xchi'uc li slequilal yutsilalique.

San Mateo 6:24

“Mu'yuc boch'o xu' yu'un me tsa' chib yajval. Yu'un xu' tsbaj li june, xu' ja' lec tsc'an li yane; xu' ja' lec chil li june, xu' tslaban li yane. Ja' no'ox jech mu xu' chatunic yu'un Dios me ja' batem avo'ntonic yu'un ac'ulejalique.

San Lucas 16:13

“Me junuc mozo mu xu' yu'un chtun ta chib yajval. Yu'un xu' chopol chil li june; xu' ja' lec chil li yane. Xu' ja' lec chich' ta muc' li june; xu' ja' mu xich' ta muc' li yane. Ja' jech mu xu' chatunic yu'un Dios me ja' batem avo'ntonic yu'un li taq'uine”, xi li Jesuse.

San Juan 15:19

Ti co'oluc to chapas achi'uquic li cristianoetic ti oyic ta sventa banamile, lec cha'yic ti jechuque, yu'un ja' jech tsc'anic. Pero li vo'oxuque mu'yucoxuc xa ta sventa banamil, yu'un laj xa jt'ujoxuc loq'uel, ja' yu'un bajbil chac'otic.

Romanos 12:2

Mu me xachanbeic stalel li cristianoetic li' ta banamile. Ja' tsc'an chjel batel atalelic li vo'oxuque, jech ch-ach'ub batel li c'usi chanopique, jech chlic avotquinic batel c'usi tsc'an li Diose, ja' li c'usitic lec chile, li c'usitic tuq'ue.

Gálatas 1:10

Yu'un ma'uc ta jsa' c'u x'elan lec ac'o yilun cristianoetic. Ja' ta jsa' c'u x'elan lec ac'o yilun li Diose. Ti ja'uc ta jc'an lec ac'o yilun li cristianoetique, muc yajtunelucun Cristo ti jechuque.

Efesios 2:2

Yu'un ta vo'onee ja' laj apasic li c'usi sventa no'ox banamile, jech chac c'u cha'al tsc'an li banquilal ti ta ic' chanove, ti tsots svu'ele, ja' li boch'o mu'yuc sbec'tal ti ch-abtej ta stojol li boch'otic mu sc'an xch'unique.

1 Timoteo 6:10

Yu'un li sc'upinel taq'uine ja' yibel scotol c'usitic chopol. Oy jayibuc ipich'aj yo'ntonic yu'un taq'uin, jech la scomtsanic xch'unel Cajvaltic. Jech la staic ep svocolic.

Santiago 1:27

Me ta melel lec xch'unoje, mu'yuc c'usi chopol tspas ta stojol li Jtotic Diose. Ja' no'ox jech tspas chac li'i: Ta sq'uel me'on ololetic xchi'uc me'on antsetic ti c'alal oy svocolique, xchi'uc mu soques sba ta sventa li c'usitic chopol li' ta banamile.

Santiago 4:4

¡Jmulaviloxuc ta stojol Dios! ¿Me mu xana'ic ti yajcontra Dios chijc'ot me ja' ta jc'antic c'usi sventa banamile? Li boch'o ja' lec chil sba xchi'uc li c'usitic sventa banamile, ja' yajcontra Dios chc'ot.

1 Juan 3:17

Li boch'o oy c'usi oy yu'une, me chil ti oy boch'o abul sbae pero me mu scoltae, ¿c'u x'elan chvinaj ti oy ta yo'nton li c'uxubinel yu'un Diose?

1 Juan 4:5

Yu'un li stuquique oyic ta sventa banamil, ja' yu'un ja' chalilanic c'usi sventa banamil. Jech ec li boch'otic oyic ta sventa banamile toj lec cha'yic.

1 Juan 5:10

Li boch'otic ta xch'un li Xnich'on Diose, yu'un oy ta yo'ntonic li sc'oplal albil ti ja' Xnich'on Dios li Jesuse. Li boch'o mu xch'un c'usi yaloj Diose ja' j'epalc'op chc'ot yu'un li Diose, yu'un mu xch'un li c'usi yaloj ta sventa Xnich'one.