1 Juan 2:13 - Bible in Tzotzil de Chenalhó with Deuterocanon

¹³ Totil me'iletic, ta jts'ibaboxuc tal li'i yu'un laj xa avotquinic li Boch'o te ono'ox oy o ta sliquebale. Querem tsebetic, ta jts'ibaboxuc tal li'i, yu'un laj xa atsalic li pucuje.

Tzotzil Zinacantan

¹³ Voꞌoxuc ti totiloxuque, ti meꞌiloxuque, chajtsꞌibabeic liꞌi yuꞌun avichꞌic xa ta mucꞌ ti Rioxe ti tey onox ti cꞌalal chꞌabal toꞌox li vinajel balamile. Viniquetic, antsetic, chajtsꞌibabeic liꞌi yuꞌun mu xa bu chachꞌunic ti cꞌusi chloꞌlovan o ti pucuje. Cremotic, tsebetic, chajtsꞌibabeic liꞌi yuꞌun avichꞌic xa ta mucꞌ ti Jtotic Riox ta vinajele.

Bible in Tzotzil de Chamula

¹³ Ti jech ta jts'ibaboxuc talel li'e, totil me'iletic, yu'un laj xa avojtiquinic ti Buch'u oy xa ono'ox c'alal lic meltsajuc talel scotole. Ti jech ta jts'ibaboxuc talel li'e, querem tsebetic, yu'un laj xa apech'ic ta teq'uel ti pucuje. Ti jech ta jts'ibaboxuc talel li'e, Jnich'nabtac, yu'un laj xa avojtiquinic ti Jtotic Diose.

Tzotzil San Andres

¹³ Mol meꞌeletic, chajtsꞌibabeic liꞌi yuꞌun xavojtaquinic xa li Cristoe, jaꞌ li te onoꞌox oy li cꞌalal muꞌyuc toꞌox vinajel balumile. Vinic antsetic, chajtsꞌibabeic liꞌi yuꞌun mu xa xaspasic ta canal li pucuje. Querem tsebetic, chajtsꞌibabeic liꞌi yuꞌun xavojtaquinic xa li Jtotic Diose.

Tzotzil de Huixtán

¹³ Chajc'oponoxuc, ho'oxuc ti mol me'eloxuc xae, yu'un laj xa avojtiquinic ti Cristoe ti stalel oye. Chajc'oponoxuc uc, ho'oxuc ti unen vinicoxuc unen antsoxuc toe, yu'un scotol ora stsal avu'unic ti pucuje. Col jnich'nab, yu'un laj xa avojtiquinic ti Jtotic Diose hech yu'un laj xa jts'ibaboxuc avi to.

1 Juan 2:13 Iomraidhean Croise

Salmos 148:12

viniquetic, antsetic, queremetic, tsebetic, ololetic, mol me'eletic.

Salmos 90:2

Ta vo'one c'alal mu'yuc to'ox ch-ayin li vitsetique, c'alal mu'yuc to'ox ch-ayin li banamil xchi'uc li c'usitic oye, vo'ot ono'ox Diosot o; sbatel osil te oyot o.

Salmos 91:14

Jech chal li Diose: “Vu'un ta jcolta loq'uel ta sventa scotol c'usiuc no'ox, yu'un xiyotquinun, xchi'uc vu'un no'ox yich'ojun ta muc'.

Proverbios 20:29

Li stoyobbail queremetique ja' li stsatsalique; li yich'el ta muc' moletique ja' li saquil sjolique.

Joel 2:28

“C'alal me i'ech' scotol le'e, ta xcac' tal espíritu cu'un ta stojol scotol li cristianoetique. Jech li querem tsebetic avu'unique chlic yalic c'usi chc'ot ta pasel; li moletic avu'unique oy c'usi chlic yil ta xvayechic; li queremetic avu'unique oy c'usi chlic yil ta xch'ulelic.

Zacarías 9:17

¡Toj lec, toj jun yutsil chc'ot li banamile! Li trigoe ta xac' lec ch'iuc li queremetique; li ya'lel ts'usube ta xac' ti lec solol yo'nton li tsebetique.

San Mateo 11:27

Jech lic yal yan velta li Jesuse: “Scotol li c'usitic oye, yac'ojbun ta jc'ob li Jtote. Mu'yuc boch'o yan sna'be c'u x'elan yo'nton li Nich'onile, ja' no'ox sna' stuc li Totile. Ja' no'ox jech ec li Totile, mu'yuc yan boch'o sna'be c'u x'elan yo'nton, ja' no'ox sna' li Nich'onile, xchi'uc ja' no'ox tsna'ic ec li boch'otic ta x'ac'bat sna'ic yu'un li Nich'onile.

San Mateo 13:19

Scotol li boch'o cha'yic ti oy ventainel yu'un Diose, pero ti mu xa'ibeic lec smelole, ta ora ta xtal li pucuje, ta xtal spojbe loq'uel ta yo'ntonic. Le'e ja' jech smelol li bec' trigo ic'ot ta bee.

San Mateo 13:38

Li osile ja' scotol li banamile. Li bats'i trigoe ja' li xnich'nab Diose. Yan li chopol jobele ja' li xnich'nab pucuje.

San Mateo 5:37

Meleluc me li c'usitic chavalique. ‘Xu'’, me xachie, ac'o xu'uc o; ‘Mu xu'’, me xachie, ac'o jechuc. Yu'un li boch'o ep c'usi chalilan ti mu meleluque ja' yabtel pucuj.

San Lucas 10:22

Li Jesuse lic sc'opan yan velta li cristianoetique, jech laj yal: —Scotol li c'usitic oye, yac'ojbun ta jc'ob li Jtote. Mu'yuc boch'o sna'bun c'u x'elan co'nton vu'un li Nich'onilune. Ja' no'ox sna' stuc li Jtote. Ja' no'ox jech ec li Jtote mu'yuc boch'o sna'be c'u x'elan yo'nton. Vu'un no'ox jna', xchi'uc ta sna'ic ec li boch'otic ta xcac'be sna'ique —xi li Jesuse.

San Juan 14:7

Me xavotquinicun xa leque, jech xavotquinic xa ec li Jtote. Li' ta orae xavotquinic xa; laj xa avilic —xi.

San Juan 14:9

Li Jesuse jech laj yalbe: —Ep xa c'ac'al li' jchi'inojoxuc. ¿Me mu to xavotquinun, Felipe? Li boch'otic laj xa yilicune laj xa yilic o li Jtote. ¿C'u yu'un chavalbun: ‘Ac'bun cotquincutic li Jtotic Diose’, xachi?

San Juan 16:3

Jech tspasic, yu'un mu xotquinic li Jtote, xchi'uc mu xiyotquinicun ec li vu'une.

San Juan 16:33

Ti c'u yepal laj calboxuque, ja' sventa ti ac'o junuc o avo'ntonic ta jtojole. Li' ta orae oy avocolic li' ta banamil, pero pato avo'ntonic ti tsalbil cu'un li c'usi sventa banamile —xi li Jesuse.

San Juan 17:21

Yu'un jech jun no'ox ac'o c'oticuc ta scotolic, jech chac c'u cha'al jun no'ox oyutic li vu'utique. Jech noxtoc jun no'ox ac'o c'oticuc ta jtojoltic, jech ta xch'unic o scotol cristianoetic ti vo'ot laj atacun tale.

San Juan 17:3

Ti jech ta xcuxiic sbatel osile, yu'un xayotquinicot ti atuc no'ox bats'i cuxul Diosote, xchi'uc xotquinic noxtoc li Jesucristo laj atac tale.

San Juan 8:19

Jech laj yalbeic li Jesuse: —¿Bu oy li atot chavale? —xutic. Itac'ov li Jesuse: —Yu'un mu xavotquinicun li vu'une, jech mu xavotquinic ec li Jtote. Ti avotquinicucune, xavotquinic xa Jtot ec ti jechuque —xut.

2 Corintios 4:6

Yu'un li Dios ti laj yal ac'o oyuc sac osil c'alal ic' to'ox osile, ja' laj yal noxtoc ti ac'o oyuc sac osil ta co'ntontique. Yu'un jech ac'o cotquintic c'u x'elan xojobal Dios ta jtojoltic ta sventa li Jesucristoe.

1 Timoteo 5:1

Mu me xavut li boch'o mol xae. Taq'uio ta lequil c'op, cuyo jech chac c'u cha'al atot. Li queremetique cuyo jech chac c'u cha'al avits'in.

SUN TITO 2:6

Jech noxtoc li queremetique, albo mantal ti ac'o sq'uel sbaic leque.

1 Juan 1:1

Ta jts'ibaboxuc tal ava'yic sc'oplal li Boch'o te ono'ox oy ta sliquebal banamile, yu'un laj ca'ibecutic sc'op, laj quil ta jsat jtuccutic, la jq'uelcutic lec, xchi'uc la jpic ta jc'obcutic. Ja' li Boch'o sventainoj cuxlejale.

1 Juan 2:1

Jnich'nabtac, ti jech ta jts'ibaboxuc tal li'i, yu'un jech mu xasa' amulic. Yan me oy boch'o ta sta smule, oy boch'o chc'opoj cu'untic ta stojol li Jtotic Diose, ja' li Cajvaltic Jesucristoe ti tuc' yo'ntone.

1 Juan 2:12

Jnich'nabtac, ta jts'ibaboxuc tal li'i, yu'un pasbiloxuc xa perdón yu'un amulic ta sventa li Jesucristoe.

1 Juan 2:14

Jnich'nabtac, ta jts'ibaboxuc tal li'i, yu'un laj xa avotquinic li Jtotic Diose. Totil me'iletic, ta jts'ibaboxuc tal li'i, yu'un laj xa avotquinic li Boch'o te ono'ox oy ta sliquebale. Querem tsebetic, ta jts'ibaboxuc tal li'i, yu'un oy xa lec stsatsal avo'ntonic, xchi'uc oy xa ta avo'ntonic li sc'op Diose, xchi'uc laj xa atsalic li pucuje.

1 Juan 3:12

Mu me jpastic jech chac c'u cha'al Caín ti ja' xnich'on pucuje, jech la smil li yits'ine. ¿Me xana'ic c'u yu'un ti la smil li yits'ine? Yu'un li stuque toj chopol c'usi tspas; yan li yits'ine tuc' c'usi tspas.

1 Juan 4:4

Jnich'nabtac, vo'oxuque xnich'naboxuc xa li Diose, jech laj xa atsalic li jlo'lavanej j'alc'opetique. Yu'un ja' xjelov svu'el li Ch'ul Espíritu oy ta atojolique; ja' mu sta jech svu'el li pucuj ti sventainoj li boch'otic oyic ta sventa banamile.

1 Juan 5:18

Li boch'otic stotinojic xa li Diose, ta jna'tic ti mu xa teuc tsa'ilan o smulique. Yu'un li Xnich'on Diose chchabi li xnich'nabe, jech mu xpicatic yu'un li pucuje.

1 Juan 5:20

Ta jna'tic noxtoc ti i'ay ta banamil li Xnich'on Diose, laj yac'butic jbijiltic sventa ac'o cotquintic li bats'i Dios ta melele. Jun me ac'o oyuticuc o jchi'uctic li Boch'o ta melel ja' stuc oe, ja' li Jesucristo Xnich'on Diose. Le'e ja' bats'i Dios ta melel; ja' Cuxlejal sventa sbatel osil.

Apocalipsis 12:11

Pero tstsal yu'unic ta sventa xch'ich'al li Ch'ium Chije, xchi'uc ta sventa ti jamal chalic ti xch'unojique. Yu'un mu'yuc sc'oplal cha'yic me chmilatic; mu'yuc chi'ic, chapalic o sventa chac' sbaic ta milel.

Apocalipsis 2:7

Li boch'o oy xchiquine, ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole ta xcac'be slo'ic li sat te' sventa cuxlejal sbatel osile, ja' ti te oy ta o'lol ts'unubaltic yu'un Diose, xayutoxuc li Cajvaltique’, uto”, xiyutun.