1 Juan 1:9 - Bible in Tzotzil de Chenalhó with Deuterocanon

⁹ Yan me jamal chcalbetic Dios li jmultique, chispasbutic perdón, chispocbutic loq'uel scotol sbolil co'ntontic. Yu'un li stuque tuc' yo'nton, melel c'usi chal.

Tzotzil Zinacantan

⁹ Yan mi jamal chcalbetic jmultic ti Rioxe, chiyacꞌotic ta pertonal. Cꞌusuc noꞌox mulilal oy ta coꞌontic chixchꞌaybotic scotol. Yuꞌun onox yech yaloj ti jaꞌ chiyacꞌbotic o pertonal yuꞌun jmultic ti ijchꞌuntic ti jaꞌ istoj jmultic ti Jesucristoe.

Bible in Tzotzil de Chamula

⁹ Ta sventa ti oy stuq'uil yo'nton ti Diose, mi jamal ta xcalbetic Dios ti jmultique, jpat co'ntontic ta stojol ti ta xch'ay ti jmul jcolo'tique, xchi'uc ta spoc ta stus loq'uel scotol c'usiuc no'ox mu stac' q'uelel ti c'usi ta jpastique.

Tzotzil San Andres

⁹ Yan mi jamal chcalbetic li Dios li cꞌusi jmultique, chispasbutic perton. Chispocbutic scotol li schoplejal coꞌontique. Yuꞌun iyacꞌ ta milel ta scoj jmultic li Snichꞌone, jaꞌ yuꞌun xuꞌ xa chiscoltautic li Diose. Yuꞌun yaloj onoꞌox ti jaꞌ ta sventa Snichꞌon chispasbutic perton yuꞌun li jmultique.

Tzotzil de Huixtán

⁹ Ti c'alal ti jta ti jmultique, mi jamal chcalbetic ti Diose, ja' chixch'aybucutic. Chispocbucutic c'uc no'ox ti sbolil ti co'ntontique. Yu'un laj yac' ti milel yu'un jmultic ti Snich'one hech xu' chiscoltaucutic ti Diose. Hech chc'ot ti pasel ti hech ono'ox yalojbucutic ti Diose ti chixch'aybucutic ti jmultique.

1 Juan 1:9 Iomraidhean Croise

1 Reyes 8:30

A'ibun me jc'op, vu'un li avajtunelune, xchi'uc a'ibo sc'op li anich'nab israeletic ti chajc'opanotcutic tal ta ch'ulnae. A'ibun jc'opcutic c'alal ta vinajel ti bu nacalote, xchi'uc pasbun perdón yu'un li jmulcutique.

1 Reyes 8:47

pero me te chlic sc'anbicot vocol c'alal te xa oyic ta yan banamil ti bu chucbilic batele, me chlic sutes yo'ntonic ta atojole, me chlic yotquin li c'usi chopol spasojique, a'ibo me li sc'opique.

Nehemías 1:6

ta jc'anbot vocol ti ac'o avac' achiquin, ti ac'o avic' asat ta ya'yel jc'op ti li' chajc'opanot, vu'un li avajtunelune. Yu'un ta c'ac'al ta ac'ubal chajc'opanot ta sventa li jchi'iltac ta israelale, ja' li avajtuneltaque. Li' jamal chacalbot li jmul jtaojcutic ta atojol xchi'uc li jchi'iltaque. Ta melel c'alal ta jchi'iltac, ta cuts' calaltac jtaoj jmulcutic ta atojol.

Salmos 19:12

Mu'yuc boch'o sna' ti c'u yepal chjelov ta atojole. Muc'ul Dios, ts'icbun ti bu c'alal mu jna'e.

Salmos 32:5

Ja' yu'un laj calbot ta jamal li jmule; mu'yuc bu la jmuc ta co'nton li c'usi chopol jpasoje. Jech la jnop: “Ja' lec ta xcalbe ta jamal jmul li Muc'ul Diose”, xichi. Jech laj apasbun perdón, laj ach'aybun li jmule.

Éxodo 34:7

C'ux ta co'nton epal mil cristianoetic; ta jch'aybe ta co'nton li smulique, li stoyobbailique, li xchopolilique. Pero mu teuc no'ox jq'ueloj li boch'o ta sa'ilan smule; ta persa chcac'be stoj. Ta xcac'be stoj smul li totiletique, li nich'naletique, li momnich'naletique, xchi'uc c'alal ta xchanc'olal momnich'naletic —xi li Muc'ul Diose.

Proverbios 28:13

Li boch'o ta smuc smule mu'yuc lec chbat; yan li boch'o jamal chal, xchi'uc me tscomtsane, ch'aybil chc'ot smul.

Isaías 45:21

Ac'o tal yalic, ac'o tal spojic li sdiosique; ac'o sa'ic lec c'u x'elan chc'opoj scotolic. ¿Boch'o laj yal ta sliquebal ti jech chc'ot ta pasel jech chac c'u cha'al laj cale? ¿Me oy boch'o laj ono'ox yal ta vo'one? ¿Me muc vu'cun no'ox jtuc laj cal?, vu'un li Muc'ul Diosune. Mu'yuc yan Dios jech chac c'u cha'al vu'un; jtuc no'ox Diosun ti tuc' co'ntone, ti xu' cu'un chicoltavane; mu'yuc boch'o yan jech chac c'u cha'al vu'un.

Jeremías 3:13

Ja' no'ox tsc'an chavotquin lec ti oy amule, yu'un abajojbun jmantal, vu'un li Muc'ul Diosun avu'une. Ay mulivajan ta stojol yan diosetic te ta yolon li muc'tic te'etique, yu'un muc xach'un li c'usi laj cale, xacutot, vu'un li Muc'ul Diosune’, uto”, xiyutun.

Jeremías 33:8

Ta jpocbe loq'uel scotol li smulic staojic ta jtojole, xchi'uc ta jpasbe perdón li sbolilic xchi'uc li stoyobbailic ta jtojole.

Lamentaciones 3:23

Ta jujun sob ta ach'um yan velta; solel mu sna' xjel o li yo'ntone.

Ezequiel 36:25

Ta jvijoxuc ta lequil vo', jech lec sac chacomic. Ta jpocboxuc loq'uel scotol li avic'ubalic ti toj chopole, xchi'uc ta jipboxuc loq'uel ta avo'ntonic li sloc'obaltac adiosique.

Ezequiel 37:23

Mu'yuc xa chlic sbolibtas sbaic ta yich'el ta muc' li sloc'obaltac sdiosique; mu'yuc xa chlic spasic scotol li c'usitic yan chopole. Vu'un ta jcoltaic ta sventa scotol li smulique, ta jpocbeic loq'uel scotol li xchopolilique. Ja' jteclumal chc'otic o, vu'un Diosun yu'unic chic'ot ec.

Zacarías 9:9

Cuxetuc no'ox avo'nton, lum Sión. Cuxetuc no'ox avo'nton q'uejinan, lum Jerusalén. A'yo ava'ay, ta xa xtal li ajvalil avu'une; tuc' yo'nton, lec xu' yu'un, biq'uit chac' sba. Cajal ta unin buro ta xtal; cajal ta xtal ta jcot yol me' buro.

San Mateo 3:6

Scotol li boch'otic jamal laj yal smulique, i'ac'bat yich'ic vo' yu'un Juan te ta uc'um Jordán.

Marcos 1:5

Ibatic ta stojol Juan scotol li jnaclumetic ta Judeae xchi'uc li jnaclumetic ta Jerusalene. Te i'ac'bat yich'ic vo' yu'un Juan ta uc'um Jordán ti c'alal laj yalic ta jamal smulique.

San Lucas 22:57

Pero li Pedroe laj yal ti mu xotquine. Jech laj yal: —Ants, li boch'o chavale mu xcotquin —xut.

San Juan 17:25

Tati, lec tuc' avo'nton. Li cristianoetic li' ta banamile mu xayotquinicot. Pero li vu'une xacotquinot. Ti jayib li' oyique laj xa sna'ic ec ti vo'ot laj atacun tale.

Hechos 19:18

Li boch'otic xch'unojique ep lic yalic ta jamal li c'usi nopen xa'yic spasele.

Romanos 3:26

yu'un toj ep smuc'ul yo'nton. Ivinaj xa ti toj tuc' yo'ntone, xchi'uc ti jech tuc' yo'nton chil ec li boch'otic ta xch'unic li Jesuse.

1 Corintios 1:9

Li Dios ti laj yic'oxuc ta stojole mu sna' sjel sc'op. Laj yic'oxuc sventa jun chac'ot achi'uquic li Xnich'one, ja' li Cajvaltic Jesucristoe.

1 Corintios 6:11

Oy to'ox boch'o jech la spas avu'unic, pero li' ta orae pocbiloxuc xa, lecubtasbiloxuc xa. Tuc' xa avo'ntonic chayiloxuc Dios ta sventa li Cajvaltic Jesuse xchi'uc ta sventa li Espíritu yu'un Dios cu'untique.

Efesios 5:26

Yu'un jech la slecubtas, la spoc ta sventa li sc'ope.

Deuteronomio 7:9

Ja' yu'un na'ic me ti ja' mero Dios stuc li Muc'ul Dios cu'untique. Jayc'oluc cristianoetic chjelov, me tsc'anic li Diose, me chch'unbeic smantaltaque; li Muc'ul Diose mu sjel yo'nton o. Persa chac' c'otuc ta pasel ta stojolic li c'usi xchapanoj ono'oxe.

1 Timoteo 1:15

Ja' melel li c'op li'i; ja' tsc'an ac'o yich' ch'unel. Li Jesucristoe i'ay ta banamil, ay scolta jpasmuliletic. Vu'une ech'em la jsa' li jmule; ja' mu sta jech li yantique.

SUN TITO 2:14

Ja' ti laj yac' sba ta milel ta jcojtic, yu'un jech la spojutic loq'uel ta sventa c'usitic chopole, xchi'uc ti la slecubtasutic sventa chijyu'uninutique, xchi'uc ti jutebuc co'ntontic ac'o jpastic c'usi leque.

Hebreos 10:23

Jech junuc me co'ntontic o; mu me chibuc co'ntontic ta sventa li c'usi jmalaojtic ti jch'unojtic chquich'tique, xchi'uc ti jech loq'uem ta quetique. Yu'un li boch'o yaloj chac'butique, mu sna' x'epalc'opoj.

Hebreos 11:11

Ja' no'ox jech ec li Sara ti mu sna' x'alaje, ta sventa xch'unojel yo'nton i'ayin lec stsatsal, jech lic xchi'in yol. I'alaj to, ac'o me ech'em xa yorail ch-alaj, yu'un la xch'un ti mu sna' sjel sc'op li boch'o laj yale.

Hebreos 6:10

Yu'un li Diose tuc' c'usi tspas. Mu xch'ay ta yo'nton ti lec avabtelique, ti chac'uxubinvanique, yu'un laj xa acoltaic li boch'otic voc'bilic yu'une, xchi'uc ti jech avo'nton chapasic o batele.

1 Juan 1:7

Yan me chijxanovutic ta sac osil jech chac c'u cha'al oy ta sac osil stuque, ta melel jun chijc'ot ta jcotoltic; chispocbutic loq'uel scotol jmultic ta xch'ich'al Xnich'on, ja' li Jesuse.

Apocalipsis 15:3

Te la sq'uejintaic li q'ueoj yu'un Moisés ta vo'onee, ja' li yajtunel Diose, xchi'uc li q'ueoj yu'un Ch'ium Chije, jech laj yalic: “Cajvaltic Dios, vo'ot ti toj ech'em avu'ele, toj tsotsic, toj labalic sba li avabtele. Puru melel, puru tuc' scotol c'usi chapas, vo'ot ajvalilot yu'un scotol cristianoetic ta jujun banamil.