1 Juan 1:5 - Bible in Tzotzil de Chenalhó with Deuterocanon

⁵ Li'i ja' li sc'op Jesucristo laj yalbuncutique, jech ta xcalcutic ava'yic ec. Li Diose ja' luz, me jutuc mu'yuc ic' osil ta stojol.

Tzotzil Zinacantan

⁵ Liꞌi jaꞌ li cꞌusi liyalbotic ti Jesucristoe: “Ti Rioxe coꞌol xchiꞌuc luz, sacjaman yaꞌel yuꞌun chꞌabal smul”, xi.

Bible in Tzotzil de Chamula

⁵ Xi s'elan ma' ti laj quich'cutic chanubtasel yu'un ti Jesucristoe, ti ta xcalcutic ava'iic ta atojolique: sac jaman no'ox xojobal yutsilal ti Diose, mi jutebuc oy ic'al osil ta stojol.

Tzotzil San Andres

⁵ Liꞌi jaꞌ scꞌop li Jesucristoe li laj yalbuncutique, jech ta xcalcutic avaꞌiic eꞌuc. Xi lijyalbuncutic: “Li Diose jech chac cꞌu chaꞌal cꞌocꞌ ti sacjamane yuꞌun tucꞌ yoꞌon, mu jsetꞌuc cꞌusi chopol tsnop”, xijyutcutic.

Tzotzil de Huixtán

⁵ Chacalbeic ti sc'op ti Jesucristoe ti c'u che'el laj yalbuntutique. Hech laj yalbuntutic: “Ti bu oy ti luze chquevan, mu'yuc ic' osil te o. Ja' no'ox hech ti Diose toj yo'nton stuc, mi jutuc mu'yuc mulil ti yo'nton”, xchi.

1 Juan 1:5 Iomraidhean Croise

Salmos 139:12

pero li ic' osile mu'yuc ic' chavil li vo'ote. Li ac'ubaltique lec sac chavil jech chac c'u cha'al c'ac'altic; co'ol chavil li ic' osile xchi'uc li sac osile.

Salmos 27:1

Li Muc'ul Diose ja' luz c'otem cu'un, ja' jcoltavanej cu'un, jech mu'yuc boch'o xu' chixi' yu'un. Li Muc'ul Diose ja' sventainojbun jcuxlejal, jech mu'yuc boch'o xu' chistic'bun xi'el ta co'nton.

Salmos 36:9

Yu'un vo'ot te oy ta atojol li nio' sventa cuxlejale; ta axojobal no'ox ta xquilcutic saquil osil.

Salmos 84:11

Yu'un li Muc'ul Diose ja' xa te xojoban o ta jtojol, ja' jmacubbail c'otem; puru utsilal, puru c'uxubinel xa chiyac'bun. Li boch'otic tuc' yo'ntonique mu'yuc chjalanbatic o li c'usitic leque.

Isaías 2:5

Yalab xnich'nab Jacob, la'ic, xanovcutic ta saquil osil yu'un li Muc'ul Diose.

Isaías 60:19

“Mu xa xtun avu'un c'ac'al sventa tsacubtas osil ta c'ac'altic; mu xa xtun avu'un u sventa tsacubtas osil ta ac'ubaltic. Yu'un vu'un xa jtuc luz chic'ot avu'un sbatel osil, vu'un li Muc'ul Diosune; vu'un xa axojobalun chic'ot o, vu'un li Diosun avu'une.

Daniel 2:22

Ja' tsvinajes li c'usi mucule, xchi'uc li c'usi nac'ale; ja' yiloj li c'usi oy ta ic' osile, yu'un puru sac osil te xchi'uc ta naclej.

San Juan 1:19

Li j'abteletic yu'un judioetique la staquic batel jayibuc paleetic xchi'uc levietic ta stojol li Juane, jech c'ot sjac'beic: —¿Boch'oot li vo'ote? —xutic.

San Juan 1:4

Ja' te oy ta stojol li cuxlejale. Li cuxlejale ja' luz ic'ot yu'un li cristianoetique.

San Juan 1:9

Li luz ti tsacubtas osil ta stojol cristianoetique, iyal tal li' ta banamil.

San Juan 8:12

Li Jesuse la sc'opan yan velta li cristianoetique, jech laj yalbe: —Vu'un luz c'otemun li' ta banamil. Li boch'o ta xtal ta jtojole mu'yuc xa ta xanov ta ic' osil. Oy xa ta sac osil sventa cuxlejal —xi.

San Juan 9:5

C'alal li' to oyun ta banamile, vu'un luz c'otemun li' ta banamil —xi.

1 Corintios 11:23

Yu'un ti c'u x'elan la jchanubtasoxuque, ja' jech la xchanubtasun ec li Cajvaltique. C'alal yorail xa ch-ac'at ta c'abal ta ac'ubaltic li Cajvaltic Jesuse, la stsac jun pan;

1 Timoteo 6:16

Ja' no'ox stuc ti stalel cuxul, ti mu sna' xcham oe. Nacal ta tsots xojobal; mu'yuc boch'o xu' ta xnoch'aj batel. Me junuc cristiano mu'yuc boch'o yiloj, mu'yuc boch'o xu' tsq'uel. Stuc no'ox ac'o ich'atuc ta muc'. Stuc no'ox ac'o spas mantal sbatel osil. Jechuc.

Santiago 1:17

Scotol li c'usi leque xchi'uc li c'usitic lec tuc' chij'ac'bate ja' te ta xlic tal ta vinajel. Ja' chistacbutic tal li Jtotic Dios ti la spas li c'usitic chac' xojobale. Li Diose ja' jech oy o; mu sna' sjelilan c'usi chijyac'butic.

1 Juan 3:11

Yu'un ja' jech li chanubtasel laj ava'yic tal ta sliquebale. Ja' ti ac'o jc'anan jbatic ta jcotoltique.

Apocalipsis 21:23

Li lume mu xa xtun yu'un xojobal c'ac'al, xchi'uc xojobal u, yu'un ja' xa te oy xojobal stuc li Diose. Ja' xa sluzic c'otem o li Ch'ium Chije.

Apocalipsis 22:5

Te ta lume mu'yuc xa ac'ubaltic. Mu xa xtun yu'unic luz; mu xa xtun yu'unic xojobal c'ac'al, yu'un ja' xa sacubtasoj osil stuc li Cajvaltic Diose. Ja' xa tspasic o mantal sbatel osil.