1 Juan 1:3 - Bible in Tzotzil de Chenalhó with Deuterocanon

³ Jech ta xcalcutic ava'yic li c'usi laj quilcutique xchi'uc li c'usi laj ca'icutique, yu'un jech chijpasutic ta jun, jech chac c'u cha'al jun oyuncutic xchi'uc li Jtotic Diose xchi'uc li Xnich'one, ja' li Jesucristoe.

Tzotzil Zinacantan

³ Yechꞌo un chcalticotic avaꞌiic ti cꞌusi iquilticotique xchiꞌuc ti cꞌusi liyalboticotique yoꞌ coꞌol jchꞌuntic oe, yoꞌ coꞌol xa o joltic ta jcotoltique. Li voꞌoticotique coꞌol xa jolticotic xchiꞌuc ti Jtotic Riox ta vinajele xchiꞌuc ti Xchꞌamale, jaꞌ ti Jesucristoe.

Bible in Tzotzil de Chamula

³ Ja' ta xcalcutic ava'iic sc'oplal ti Buch'u laj quilcutique, ti laj xa ca'ibecutic ti sc'opojele, yo' jech jun avo'ntonic ta jtojolcutic jech c'u cha'al ti vu'uncutic jun co'ntoncutic ta stojol ti Jtotic Diose, xchi'uc ti Xnich'one, ja' ti Jesucristoe.

Tzotzil San Andres

³ Jaꞌ yuꞌun ta xcalcutic avaꞌiic li cꞌusi iquilcutique schiꞌuc li cꞌusi icaꞌicutique yoꞌ jech jmoj coꞌontic. Li joꞌoncutique ta melel jmoj xa coꞌoncutic schiꞌuc li Jtotic Diose schiꞌuc li Snichꞌone, jaꞌ li Jesucristoe.

Tzotzil de Huixtán

³ Yu'un laj xa quiltutic ti ho'ontutique, yu'un laj xa ca'ibetutic ti sc'ope, hech yu'un chajcholboxuc ava'yic uc yu'un hech jun chijc'otucutic ti stojol ti Diose. Yu'un ti ho'ontutique jun nic'otutic xa ti mero melel xchi'uc ti Jtotic Diose xchi'uc ti Snich'one, ja' ti Jesucristoe.

1 Juan 1:3 Iomraidhean Croise

Job 13:1

“Scotol le'e quiloj lec ta jsat jtuc; jna'oj lec, ca'yoj lec ta jchiquin jtuc.

Salmos 2:7

Vu'un ta jvinajes c'usi snopoj li Muc'ul Diose, jech yalojbun: “Vo'ot jnich'onot; ja' to laj cac' ta ilel ti vo'ot Jnich'onote.

Salmos 22:22

Ta to xcalbe ya'yic ac'oplal li jchi'iltac ta voq'uele; ta to xaquich'ot ta muc' te ti bu tsobolique.

Isaías 66:19

Ta xcac'be yilic jun senyail; oy to boch'o ta xcac' jatovicuc batel yu'unic. Ta xcac' baticuc ta yantic banamil: ta Tarsis, ta Fut, ta Lud, ti bu lec sna'ic spiquel flechaetique, xchi'uc ta jtaquic batel ta namal banamil ta ti'ti' nab ti bu mu'yuc ono'ox ya'yojbicun jc'oplale, ti mu'yuc ono'ox yilojic jlequilale. Ja' ta xcac' spucbicun batel jc'oplal ta stojol yantic banamiletic.

Números 10:32

Me chbat achi'inuncutique, chacac'botcutic scotol li c'usitic lec chijyac'butic Muc'ul Diose —xut.

San Juan 17:11

“Li vu'une muc xa li'uc oyun ta banamil; yan li stuquique li' ta xcomic ta banamil. Li vu'une ta xa xisut tal te ta atojol. Tati, Ch'ul Dios, chabio me ta sventa avu'el li boch'otic laj avac'bune, yu'un jech jun no'ox ac'o oyicuc, jech chac c'u cha'al jun oyutic li vu'utique.

San Juan 17:21

Yu'un jech jun no'ox ac'o c'oticuc ta scotolic, jech chac c'u cha'al jun no'ox oyutic li vu'utique. Jech noxtoc jun no'ox ac'o c'oticuc ta jtojoltic, jech ta xch'unic o scotol cristianoetic ti vo'ot laj atacun tale.

San Juan 17:25

Tati, lec tuc' avo'nton. Li cristianoetic li' ta banamile mu xayotquinicot. Pero li vu'une xacotquinot. Ti jayib li' oyique laj xa sna'ic ec ti vo'ot laj atacun tale.

San Juan 17:3

Ti jech ta xcuxiic sbatel osile, yu'un xayotquinicot ti atuc no'ox bats'i cuxul Diosote, xchi'uc xotquinic noxtoc li Jesucristo laj atac tale.

San Juan 19:35

Li boch'o chc'opoj li'i laj yil lec ta sat, ja' testigo. Melel li c'usi chale, yu'un laj yil scotol, yu'un jech ac'o ach'unic ec.

Hechos 13:32

“Jech ec li vu'uncutique ta xcalcutic ava'yic li Lequil A'yej ti albilic ono'ox yu'un Dios li jmoltotactic ta vo'onee.

Hechos 13:41

‘A'yo ava'yic, vo'oxuc ti ja' no'ox chalabanic c'usi chcale, ch'ayel c'otuc avo'ntonic, ch'ayanic o batel. Yu'un vu'un ta jpas jchop o abtel c'alal yorail cuxuloxuc ti mu stac' ch'unel chava'yic c'alal me oy boch'o chayalboxuque’, xi li j'alc'opetique —xi li Pabloe.

Hechos 2:42

J'ech'el la xch'unic o ti c'u x'elan ichanubtasatic yu'un yajtacbolaltac Jesuse. Lec co'ol yo'ntonic, co'ol la svoq'uic pan, xchi'uc co'ol yo'ntonic la sc'opanic Dios.

Hechos 20:27

Yu'un jamal laj cal scotol c'usi oy ta yo'nton li Diose. Mu'yuc bu la jmuc ta co'nton.

Hechos 4:20

Yu'un mu xu' ta jcomtsancutic xcholel li c'usitic quilojcutique xchi'uc li c'usitic ca'yojcutique —xiic.

Romanos 15:27

Toj xcuxet no'ox yo'ntonic ti jech la spasique, yu'un oy yilic ta stojolic cha'yic. Yu'un laj xa yu'uninic ec li c'usitic chtun sventa sbatel osil ti ja' to'ox yu'un stuquic li israeletique. Ja' yu'un tsc'an chac'beic c'usi chtun yu'unic ec ta sventa ti c'u x'elan chcuxiic li' ta banamile.

1 Corintios 1:30

Yu'un li vo'oxuque ja' ta sventa Dios ti oyoxuc xa ta stojol Cristo Jesuse. Ja' li boch'o laj yac' jna'betic c'u x'elan sbijil stuc li Diose. Ja' ti c'u x'elan tuc' co'ntontic chijyilutique, ti c'u x'elan chijlecubutic batele, xchi'uc ti c'u x'elan chijcole.

1 Corintios 1:9

Li Dios ti laj yic'oxuc ta stojole mu sna' sjel sc'op. Laj yic'oxuc sventa jun chac'ot achi'uquic li Xnich'one, ja' li Cajvaltic Jesucristoe.

1 Corintios 15:1

Quermanotac, ta jvulesboxuc ta ajolic li Lequil A'yej la jcholboxuc ava'yique, ja' ti laj avich'ic ta muq'ue, ti staoj yav jun avo'nton ach'unojic oe.

2 Corintios 13:14

Te ac'o comuc o ta atojolic li c'uxubinel yu'un Cajvaltic Jesucristoe, xchi'uc li c'anel yu'un Diose, xchi'uc li chi'inel yu'un Ch'ul Espiritue.

Efesios 3:6

Ja' ti sc'oplal co'ol xu' chcu'unintic li c'usi chac' Diose, xchi'uc ti jun no'ox jbec'tal chijc'ot ta jcotoltique, ti co'ol xu' ta jtatic c'uxubinel jcotoltic ta sventa Cristo, ta sventa li Lequil A'yeje.

Filipenses 1:7

Ja' tsc'an jech ta jch'un ta aventaic, yu'un solel oyoxuc ta co'nton, yu'un chquil ti co'ol c'uxubinbilutic yu'un li Diose, ac'o me li' tiq'uilun ta chuquel, o me va'alun ta stojol ajvalil sventa chcac' lec ta na'el li Lequil A'yeje, co'ol ono'ox ta jcolta jbatic ta jcotoltic.

Filipenses 2:1

Me ataoj xa stsatsal avo'ntonic yu'un li Cristoe, me apatoj xa avo'ntonic ta sventa ti sc'anojoxuque, me co'ol avo'ntonic ta sventa li Ch'ul Espiritue, me oy xa slequil avo'ntonic, xchi'uc me oy xa c'uxubinel ta avo'ntonique,

Filipenses 3:10

Jech ta jc'an chcotquin o batel li Cristoe, xchi'uc ta jc'an chcotquinbe svu'el li Dios ti la xcha'cuxes li Cristoe. Xchi'uc oy ta co'nton ti xu' chquich' vocol jech chac c'u cha'al laj yich' li Cristoe, xchi'uc ti xu' co'ol chicham jchi'uque.

Colosenses 1:13

Yu'un ja' la sloq'uesutic tal ta sc'ob li yajval ic' osile; laj yac'utic ta sc'ob li Xnich'on ti lec sc'anoje, yu'un ja' ac'o sventainutic.

1 Tesalonicenses 1:10

Xchi'uc chalic noxtoc ti jun avo'nton chamalaic tsut tal ta vinajel li Xnich'on Dios ti la xcha'cuxes loq'uel ta smuquinale, ja' li Jesuse. Ja' li boch'o la scoltautic ti c'u cha'al mu xijbat ta tojob mulil ti li' to jmacojtic batele.

1 Timoteo 6:2

Me jch'unolajel li yajvalique, mu me ja'uc mu xich'ic ta muc' ta scoj ti co'ol xch'unojique. Ech'em to ac'o tunicuc yu'un, yu'un ja' xa jch'unolajel li boch'o ta x'abtejic yu'une. Xchi'il xa sbaic ta sventa Dios. Jech me xachanubtas, jech me xavalbe ya'yic.

Hebreos 2:12

Yu'un jech ts'ibabil: “Ta to xcalbe ya'yic ac'oplal li jchi'iltac ta voq'uele; ta to jq'uejinta alequilal ti bu tstsob sbaique”, xi.

Hebreos 3:1

Ja' yu'un, jchi'iltac, vo'oxuc ti lecubtasbiloxuc xae, ti ic'biloxuc xa sventa cha'ochic ta vinajel eq'ue, ja' me xanopilanic li Jesús ti itacat tale, ja' li Banquilal Pale cu'untique, ja' li boch'o jch'unojtique.

Hebreos 3:14

Yu'un ta jchi'in jbatic jchi'uctic Cristo me j'ech'el jun co'nton jch'unojtic o c'alal to ta slajebal c'ac'al jech chac c'u cha'al lic jch'untique.

1 Pedro 5:1

Vo'oxuc li jcholc'opoxuque, chacalboxuc c'usi lec ta pasel, yu'un co'ol oy cabteltic. Xchi'uc vu'un laj quil c'u x'elan laj yich' vocol li Cristoe, xchi'uc co'ol ta jchi'in ta slequilal c'alal me icha'sut tale.

2 Pedro 1:16

C'alal laj calcutic ava'yic c'u x'elan svu'el li Cajvaltic Jesucristoe xchi'uc ti c'u x'elan ta xcha'tale, muc lo'iluc no'ox la jch'uncutic, muc nopbiluc no'ox. Laj quil ta jsat jtuccutic c'u x'elan li smuc'ul stsatsale.

1 Juan 1:1

Ta jts'ibaboxuc tal ava'yic sc'oplal li Boch'o te ono'ox oy ta sliquebal banamile, yu'un laj ca'ibecutic sc'op, laj quil ta jsat jtuccutic, la jq'uelcutic lec, xchi'uc la jpic ta jc'obcutic. Ja' li Boch'o sventainoj cuxlejale.

1 Juan 1:5

Li'i ja' li sc'op Jesucristo laj yalbuncutique, jech ta xcalcutic ava'yic ec. Li Diose ja' luz, me jutuc mu'yuc ic' osil ta stojol.

1 Juan 1:7

Yan me chijxanovutic ta sac osil jech chac c'u cha'al oy ta sac osil stuque, ta melel jun chijc'ot ta jcotoltic; chispocbutic loq'uel scotol jmultic ta xch'ich'al Xnich'on, ja' li Jesuse.