1 Juan 1:1 - Bible in Tzotzil de Chenalhó with Deuterocanon

¹ Ta jts'ibaboxuc tal ava'yic sc'oplal li Boch'o te ono'ox oy ta sliquebal banamile, yu'un laj ca'ibecutic sc'op, laj quil ta jsat jtuccutic, la jq'uelcutic lec, xchi'uc la jpic ta jc'obcutic. Ja' li Boch'o sventainoj cuxlejale.

Tzotzil Zinacantan

¹ Chajtsꞌibabeic cꞌu xꞌelan ti muchꞌu tey onox ti cꞌalal chꞌabal toꞌox li vinajel balamile ti jaꞌ chacꞌ jcuxlejaltic ta sbatel osile. Yuꞌun icaꞌiticotic ti cꞌusi iyale, iquilticotic. Jal ijchiꞌinticotic. Ijpicbeticotic spat xocon.

Bible in Tzotzil de Chamula

¹ Ta jts'ibaboxuc talel sc'oplal ti Buch'u oy xa ono'ox c'alal lic ayanuc talel scotol ti c'usitic oye. Yu'un laj quil ta jsatcutic, xchi'uc laj ca'ibecutic ti sc'opojele. Ti laj quilcutic laj jpiccutic taje, ja' sc'oplal ti Buch'u yich'oj ta sventa ti cuxlejale.

Tzotzil San Andres

¹ Chajtsꞌibabeic batel cꞌu sba li buchꞌu te onoꞌox oy cꞌalal muꞌyuc toꞌox vinajel balumil ti sventainoj cuxlejal sventa sbatel osile. Yuꞌun icaꞌibecutic scꞌop, iquil ta jsatcutic. Ep cꞌacꞌal iquilcutic. Ijpic ta jcꞌobcutic.

Tzotzil de Huixtán

¹ Ja' ti stalel oye laj ca'ibetutic ti sc'ope ti ho'ontutique. Laj quiltutic ti jsatutic. Ep vuelta laj quilbetutic ti sate. Laj jpictutic ti jc'obtutic. Ja' ti Jesucristoe ti tal yalbucutic c'u x'elan yo'nton ti Jtotic Diose. Ja' sventainoj scotol ti cuxlejale ti Jesucristoe.

1 Juan 1:1 Iomraidhean Croise

Isaías 41:4

¿Boch'o la spas li abtel le'e? ¿Boch'o ti ta sliquebal ono'ox oy c'usi laj yac' c'otuc tal ta pasel ta jujuc'ol cristianoetique? Vu'un li Muc'ul Diose, vu'un te oyun ta sliqueb, vu'un te oyun ta slajeb noxtoc.

Miqueas 5:2

Vo'ot, Belén Efrata, biq'uitot ta scotol li jaychop sts'unubal Judae, pero ja' te ta xloc' ta atojol li Ajvalil yu'un Israele. Vo'one ono'ox sliquel tal sts'unubal.

San Lucas 1:2

Jech chac c'u cha'al laj yalbun ca'icutic li boch'otic laj yilic lec ta satic ta sliquebale, ja' li boch'otic laj yich' yabtelic ta xcholbel sc'ope.

San Lucas 24:39

Q'uelavilic li jc'obe xchi'uc li cacane. Ja' vu'un ta melel. Q'uelicun lec avilic; la' piquicun ava'yic. Ti ch'ulelalucune mu'yuc jbec'tal, mu'yuc jbaquil ti jechuque —xi.

San Juan 19:35

Li boch'o chc'opoj li'i laj yil lec ta sat, ja' testigo. Melel li c'usi chale, yu'un laj yil scotol, yu'un jech ac'o ach'unic ec.

San Juan 20:27

Li Jesuse jech laj yalbe li Tomase: —Q'uelavil li jc'obe, ac'o ac'ob li'i. Tic'o ac'ob noxtoc li' ta jxocone. Mu me xapas ta tsots avo'nton; paso aba ta mero jch'unolajel —x'utat.

San Juan 5:26

Jech chac c'u cha'al oy cuxlejal sbatel osil ta stojol li Jtote; ja' no'ox jech yac'ojbun cuxlejal sbatel osil ta jventa ec.

San Juan 8:58

Itac'ov li Jesuse: —Jamal chacalboxuc ava'yic, c'alal mu'yuc to'ox li Abrahame, te ono'ox oyun li vu'une —xi.

Hechos 1:3

Ja'o ti c'alal cuxul xa laj yac' sba ta ilel ta stojolic ti c'alal i'ech' xa'ox yu'un li vocole. Ep laj yac' ta ilel sq'uelubil ti ta melel cha'cuxeme. Cha'vinic (40) c'ac'al laj yaq'uilan sba ta ilel ta stojolic. Laj yalbe ya'yic c'u x'elan chventainvan li Diose.

Hechos 4:20

Yu'un mu xu' ta jcomtsancutic xcholel li c'usitic quilojcutique xchi'uc li c'usitic ca'yojcutique —xiic.

Hebreos 2:3

¿Me vu'utic xa chijcol ec me mu xquich'tic ta muc' li muc'ta coltael jtaojtique? Yu'un li coltaele ja' laj yal stuc ba'yuc li Cajvaltique, jech la xcholbutic lec ca'itic ec li boch'otic laj ya'yique.

1 Juan 4:14

Li vu'uncutique laj quil jtuccutic ti la stac tal Xnich'on li Jtotic Diose sventa tal scolta li cristianoetic li' ta banamile.

1 Juan 5:7

Li oxib li'i ja' svinajeb ic'otic:

Apocalipsis 1:11

Jech laj yalbun: “Li c'usi chavile, ts'ibao ta vun. Taco batel ta stojol li vuctsob jch'unolajeletic te oyic ta lum Éfeso, ta Esmirna, ta Pérgamo, ta Tiatira, ta Sardis, ta Filadelfia, xchi'uc ta Laodiceae”, xiyutun.

Apocalipsis 1:8

Jech chal li Cajvaltic Diose: “Vu'un sliquebun, vu'un slajebun”,, xi. Ja' li Boch'o te ono'ox oy oe, xchi'uc ti te oy o c'alal to tanae xchi'uc ti te oy o sbatel osile, ti ech'em svu'ele.

Apocalipsis 19:13

Li sc'u' slapoje ts'ajbil ta ch'ich'. Ja' C'op yu'un Dios, xi sbi.

Apocalipsis 2:8

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Esmirnae: ‘Li Boch'o te oy ta sliqueb xchi'uc ta slajebe, ja' ti icham xchi'uc ti icha'cuxie, jech chayalboxuc: