Rut 4:2 - Bible in Tzotzil de Chamula

² Ta jech no'ox yepal un, ti Booze laj sta ta iq'uel lajunvo' (10) moletic yu'un ti jteclume, ti laj yalbe ya'i ti jmoj ac'o chotliicuc xchi'uque. C'alal chotolic xa xchi'uque,

Bible in Tzotzil de Chenalhó with Deuterocanon

² Li Booze ta ora la stac ta iq'uel lajuneb banquilaletic te ta lum; laj yalbe ti ac'o chotiicuc eq'ue jech te ivul chotiicuc.

Rut 4:2 Iomraidhean Croise

1 Reyes 21:8

Ta ora no'ox lic sts'iba vun ta sventa sbi ti Acabe. Laj yac'be seyo ta sventa seyo ti ajvalile, ti laj stac batel ta stojol ti moletique, xchi'uc ta stojol ti banquilaletic ti nacalic ta jteclum ti bu nacal ti Nabot ta ts'acal to une.

Éxodo 21:8

Mi mu sc'an xajnilin sme' mosov ti ajvalile, mi ma'uc sc'oteb o ta xil ti tsebe, ja' yu'un un, oy sc'oplal ti xu' ta xich' manbel loq'uel ti scolele. Ac'o mi sta xa yorail ti xu' ta xjipe loq'uele, ja' no'ox un, mu xu' ta xich' chonel batel ta stojol junuc ti jyanlume.

Proverbios 31:23

Ti smalale, ojtiquinbil ta jteclum yu'un, cajal sc'oplal c'otem jech c'u cha'al buch'u ich'bil ta muc' ta jteclume.

Lamentaciones 5:14

Ti moletic ich'bil ye sti'ique, ch'abal xa vololic ta ochebal sti'tac ti jteclume; ts'ij xi ma' ti xvochetic no'ox ta q'uejimol ti jva'lej viniquetique.

Hechos 6:12

Ti jech taj une, xvochvun no'ox liquel yu'unic ti jteclume, ti moletique, ti jchanubtasvanejetic yu'un ti oy c'usi tsots albil sc'oplale. Laj stsaquic ti Estebane, yic'ojic batel ta stojol ti banquilal jchapanvanejetique.

Deuteronomio 25:7

Mi ja' ti vinic une, mi mu sc'an xic' ti smu'e, va'i un, ti antse ta xbat xchapanbe ya'i ti moletic ti xi ta xc'ot yal ta stojolique: ‘Ti jmu'e mu sc'an ti vulesbil ta o'ntonal ta xcom sc'oplal ta stojol ti israeletic ti xchi'il ta voq'uele. Mu sc'an sbis sba ta mu'il ta jtojolal.’

Deuteronomio 29:10

“Ti c'ac'al tana li' une, xi s'elan tsoboloxuc ta sba ta sat ti Ajvalil Dios avu'unique: ti banquilaletic yu'un ti jujuvoc' nitiluletique, ti j'opisialetique, scotol ti viniquetic yu'unic ti israeletique,

Deuteronomio 31:28

Iq'uic talel scotol ti moletic avu'unique, ti banquilaletic yu'un ti jujuvoc' nitiluletique, yu'un ta jc'oponic ya'iic ta yalbel ti c'usi ta xc'ot ta pasele. Ta jva'an ta rextico ti vinajele, ti banomile, ti ta xlic yich'ic contrainele.