Rut 3:3 - Bible in Tzotzil de Chamula

³ Chapano aba ta spasel jech c'u cha'al li'e: Atinan lec, muibtaso aba ta muil poxil. Lapo ti avutsil c'u'e. Batan ti bu taje. Ja' no'ox un, mu to me xavac' aba ta ilel ta stojol ti Booz c'alal mu to ta xlaj yo'nton ta ve'el ta uch' vo'e.

Bible in Tzotzil de Chenalhó with Deuterocanon

³ Ja' lec atinan; ac'o lec aperfume. Ja' lapo ti bu toj ven lec ac'u'e; batan te yo' bu oy li Booze. Pero mu to me xavac' aba ta ilel ti me mu'yuc to lajem yo'nton ta ve'el, ta yuch'el vo'e.

Rut 3:3 Iomraidhean Croise

2 Samuel 12:20

Va'i ti David une va'i batel ti puch'ul ta banomile. Lic atinuc. Lic xjaxbe sba muil poxil. Lic sjelta sc'u'. Och batel ta ch'ulna ta yich'el ta muc' ti Diose. Ts'acal to un, bat ta sna. C'ot sc'an sve'el, lic ve'uc.

2 Samuel 14:2

Va'i un cha'e, laj stac ta iq'uel jun ants ti nacal ta Tecoa ti sna' c'usi x'utvan ta lo'lavaneje, ti xi laj yalbe ya'ie: “Biso aba ti oyot ta me'inale. Lapo c'u'il sventa me'inal. Mi ja'uc xajaxbe aba muil poxil, ti vinajuc yilel ti ja' jun ants ti oy xa sc'ac'alil oyot ta me'inal ta scoj ti oy buch'u chamem avu'une.

Ester 5:1

Ech' xa ox oxib c'ac'al un, ti Estere lic slap sc'u' sventa ti me' ajvalilale. Och batel ta yut na. C'ot sva'an sba ta stuq'uil bu chotol ti ajvalil ta xchotlebe, ta yeloval ti ti'nae.

Salmos 104:15

X'ech' to c'u cha'al aceite xch'ulet no'ox xchacjapanil sat ti oy yipal yu'un ti lec sve'ele, ti ts'ajal no'ox ta muyubajel yu'un ti vinoe.

Eclesiastés 9:8

Sac ch'alanucot no'ox ta j'ech'el xchi'uc ti ac'u'e. Muetuc no'ox ta j'ech'el ta muil poxil ti ajole.

Ezequiel 16:9

“ ‘Laj catintasot. Laj jpoc loq'uel ti ach'ich'ele. Laj jaxbot muil poxil.

San Mateo 6:17

C'alal ta xacomtsan avotique, poquic asatic, tusetanic, ch'aletanic.

Rut 3:2

A'yio ava'i, ti cuts' calaltic Booze, ti lac'uxc'ulaj xchi'uc ti sme' mosovtaque, ti ac'ubal tana li'e, ta xbat ta yosil ta st'ujbel sc'a'epal ti sat sts'unubale.

Rut 3:4

Q'uelo lec ti bu ta xpuch'an sba vayuque. Va'i un, batan, jolbo ti yoque, puch'ano aba ta vayel ti bu taje. Ts'acal to un, ja' xa stuc ta xalbot ti c'usi ta xapase.