Rut 2:4 - Bible in Tzotzil de Chamula

⁴ C'alal ja' o c'ot ti Booz ti lic batel ta Belene, xi c'ot sc'oponan ti jtsob-ts'unubale: —Coliyal ti Dios ti li' xchi'inojoxuque. —Jechot ec, ac'o sva'an sba ti Dios ta atojolale —xi laj stac' ti stuquique.

Bible in Tzotzil de Chenalhó with Deuterocanon

⁴ Li Booze ibat ta Belén; te c'ot sc'opan li svinictaque, jech laj yalbe: —Ac'o xchi'inoxuc li Muc'ul Diose —xut. —Jech ac'o yac'bot ep bendición ec li Muc'ul Diose —xi itac'ovic.

Rut 2:4 Iomraidhean Croise

Génesis 18:19

Ti stuque, laj xa jt'uj yo' jech ta xchanubtas ti xnich'nabtaque, xchi'uc ti snitilultaque, ac'o xch'unic c'u s'elan ti chanubtasel ta xcale, ti lecuc tuc'uc scotol c'usi ta spasique, yo' jech ta xc'ot ta pasel cu'un ti c'usi caloje.”

Génesis 28:3

Ti Dios scotol xu' yu'une, ac'o sva'an sba ta atojol. Ac'o yac'bot ep anitilultac yo' jech ta xlic ayanuc epal muc'tiquil lumetic ta aventa.

1 Crónicas 2:51

ti Salmae totil yu'un ti Belene; xchi'uc ti Harefe totil yu'un ti Bet-gadere.

Salmos 118:26

¡Jun yutsil ta j'ech'el ti buch'u ta xtal ta sventa smuc'ul stsatsal ti Diose! Li' to ta xch'ulna ti Diose, ta jc'ancutic ti ataicuc ti slequilal yutsilale.

Salmos 134:3

Ti Diose, ja' yabtel ti vinajel banomile, ta vits Sión to, ta xlic talel ti ac'uxubinel yu'une.

Jeremías 31:23

Ti Ajvalil ti scotol xu' yu'une, Dios yu'un ti Israele, xi ta xale: “C'alal ta xlic jelbe yorail ti jnaclejetic ta Judae, c'alal li' xa oyic ta ach' ta yosil sbanomilique, xi ta xlic yalique: ‘Sva'anuc sba ti Dios ta stojol ti ch'ul vits li'e, bu vul ta bajel ti lequilale.’

Números 6:24

‘Ac'o sva'an sba ti Dios ta atojolique, ac'o xa xchabioxuc.

San Lucas 1:28

Ti anjele och batel ti bu oye, xi c'ot yalbee: —¿Mi li'ote, ti c'uxubinbilot yu'un ti Diose, ti chi'inbilot yu'un ti Cajvaltique? Mu'yuc yan ants sva'anoj sba Dios ta stojol jech c'u cha'al ti vo'ote.

2 Tesalonicenses 3:16

Ti Cajvaltic ti oy slamajemal yo'ntone, ac'o yac'boxuc ta atojolic ti slamajemal yo'ntone yo' jech ta xcuch avu'unic ti c'usiuc no'ox ta xc'ot ta atojolique. Ac'o xa xchi'inoxuc comel ti Cajvaltic acotolique.

1 Timoteo 6:2

Mi oy buch'u ja' jch'unolajel ti yajvalique, ma'ucuc xalic ta yo'ntonic ti ja' yamal xa sc'oplal ta xich'ic ta muc' ti jech co'ol jch'unolajeletique. Ja'uc le'e, x'ech'uc to ac'o yac' sbaic ta tunel ta stojol, yu'un ti bu yac'oj sbaic ta tunele, ja' jun jch'unolajel ti c'uxubinbile. Ti va'i s'elan taje, ja' jech xaval, ja' jech xachanubtasvan.

2 Timoteo 4:22

Ac'o xa xchi'inot comel ti Cajvaltic Jesucristoe. Ac'o yac'boxuc slequilal yutsilal ti Dios ta atojol acotolique. Jechuc.

Josué 24:15

Ti mi mu xac'an xavac' abaic ta tunel yu'un ti Diose, xi nopic lec avie ti buch'u junucal ta xbat avac' abaic ta tunel ta stojole: ¿Mi ja' ta xac'an ta xavac' abaic ta tunel yu'un ti diosetic ti laj yich'ic ta muc' ti amolmuc'totic ti oyic to ox ta sti'il uc'um Eufratese? ¿Mi ja' ta xac'an ta xavich'ic ta muc' ti diosetic yu'un ti amorreoetic ti nacalic ta banomil li'e? Ja'uc ti vu'une xchi'uc ti calab jnich'nabe, ja' teq'uel ta xc'ot ta co'nton ti ta xcac' jbacutic ta tunel ta stojol ti Diose.

Jueces 6:12

Ti yaj'ánjel Diose xi laj yal ti laj yac' sba iluc ta stojole: —¡Ti tsatsal vinicot xava'i abae, ti mu xana' xaxi'e, li' xchi'inojot ti Diose!

Jueces 6:16

Xi tac'bat yu'un ti yaj'ánjel Diose: —Xu' avu'un, yu'un ta jchi'inot. Co'ol no'ox s'elan jun vinic ta xava'i ta stsutsesel scotol ti madianitaetique.

Rut 2:3

Ti Rute bat ti bu xyaquet ti j'abteletic ta osiltique. Yochel ta xc'uxc'ultael ti bu javajtic ta xcom sjol ti ts'unubal yu'un ti jtsob-trigoe. Lec xa c'ot o yorail yu'un, yu'un ti osil ti bu taje, ja' yu'un ti Booz ti yuts' yalal ti Elimeleque.

Rut 2:5

Laj taj une, ti Booze xi bat sjac'be ti jq'uelvanej yu'un ti jtsob-ts'unubale: —¿Buch'u yuts' yalal ti tseb le'e?

Rut 4:11

Ti moletique xchi'uc scotol ti c'u yepal joyolique, xi laj staq'uique: —Melel ava'uc unbi, rexticouncutic. Ti ants ti ta x'och ta anae, ¡ac'o sva'an sba ti Dios ta stojole jech c'u cha'al c'ot ta stojol ti Raquele xchi'uc ti Leae, ti jcotoltic lic talel jts'unubaltic yu'unic ti vo'otic ti israelotique! Ti vo'ote ja'uc junuc vinicot ti caj tsacal xava'i aba li' ta Efratae, ti ja'uc junuc vinicot ti ich'bilucot ta muc' li' ta Belene.

1 Samuel 17:37

Ti c'otem ta pasel yu'un ti Dios ti spojun ta ye ta sti' ti jti'oval leone, mi ja' ti osoe, ja' ono'ox jech ta xispojun. Mu xistsalun ti filisteo le'e. Va'i un, xi albat yu'un ti Saule: —Batan un cha'e, xchi'inojucot ti Dios.