Rut 2:3 - Bible in Tzotzil de Chamula

³ Ti Rute bat ti bu xyaquet ti j'abteletic ta osiltique. Yochel ta xc'uxc'ultael ti bu javajtic ta xcom sjol ti ts'unubal yu'un ti jtsob-trigoe. Lec xa c'ot o yorail yu'un, yu'un ti osil ti bu taje, ja' yu'un ti Booz ti yuts' yalal ti Elimeleque.

Bible in Tzotzil de Chenalhó with Deuterocanon

³ Li Rute ibat; te c'ot stsob trigo ta yut trigoaltic. Te nom-ts'ac batel ta spat li jtuch' trigoetique. Li trigoaltique ja' yu'un li Booze, ja' li yuts' yalal anima Elimeleque.

Rut 2:3 Iomraidhean Croise

2 Samuel 1:6

—Ti c'alal jech c'ot ta pasel taje, ta jech yepal ja' o oyun ta vits Gilboa. Laj quil ti yicobinoj ti slanzae, ti jutuc xa mu tae ta be yu'un ti buch'u oyic ta carretae, xchi'uc ti c'u yepal cajalic ta ca' ti ja' yajcontrae.

2 Samuel 20:1

Ta snitilultac ti Benjamine oy jun vinic ti mu'yuc xch'ulel xa'i sbae, ti sbiinoj Sebae, xnich'on ti Bicrie, ti oy ta Gilgale. Ti Sebá taje xi laj yalbe ti c'ot ta pasel ti laj sliquesbe sjol ti jteclum ti laj stsac ti yabtejebic yu'une: “¡Mu'yuc yac'oj jol co'ntontic ta stojol ti Davide! ¡Mi ja'uc jmojuc jrextotic jutebuc xchi'uc xnich'on ti Isaie! ¡Jcotoltic ti israelotique, batic ta jnatic quere!”

2 Reyes 8:5

Naca xa xchapet ti Giezi ta yalbe ya'i ajvalil ti c'u s'elan laj xcha'cuxesbe yol jun ants ti Eliseoe, ja' o xa c'ot ti ants ti ta sc'an ti chapanbatuc yu'un ajvalil ti sutesbatuc ti snae, ti yosil sbanomile. Va'i ti Giezi une xi laj yalbe ya'i ti ajvalile: —Jcuch abtel, ja' me ma' ti ants ta xcal le' une, ja' me ma' ti squerem ol ti cha'cuxesbat yu'un ti Eliseoe.

San Mateo 10:29

“¿Mi mu ta jsepuc no'ox uni taq'uin ta xich' chonel cha'cot uni mut? Mi mu ta xloc' ta ye ti Jtotic Diose, mi jcot ta xbaj ta lum.

San Lucas 10:31

Ja' o ech' jun pale ti bu telel ti vinic ta bee. C'alal laj yile, sq'uel no'ox comel.

2 Tesalonicenses 3:12

Ti buch'utic jech ta spasique, ta jc'ubanbecutic, ta xcalbecutic mantal ta sventa ti Cajvaltic Jesucristoe, ac'o spas tsatsal ta abtel yo' ta sta sve'el ti jech cuxule.

Rut 2:2

Oy jun c'ac'al, ti Rute xi laj yalbe ti Noemie: —Ac'bun ave ati', ta xiloc' batel ta xc'uxc'ultael trigo ta osiltic. Ta jnaban jba ta spat junuc ti buch'u yacal ta stsob ts'unubal ti mi xaq'ue —Batan, jtseb —xi tac'bat yu'un ti sme'alibe.

Rut 2:4

C'alal ja' o c'ot ti Booz ti lic batel ta Belene, xi c'ot sc'oponan ti jtsob-ts'unubale: —Coliyal ti Dios ti li' xchi'inojoxuque. —Jechot ec, ac'o sva'an sba ti Dios ta atojolale —xi laj stac' ti stuquique.