Rut 2:2 - Bible in Tzotzil de Chamula

² Oy jun c'ac'al, ti Rute xi laj yalbe ti Noemie: —Ac'bun ave ati', ta xiloc' batel ta xc'uxc'ultael trigo ta osiltic. Ta jnaban jba ta spat junuc ti buch'u yacal ta stsob ts'unubal ti mi xaq'ue —Batan, jtseb —xi tac'bat yu'un ti sme'alibe.

Bible in Tzotzil de Chenalhó with Deuterocanon

² Li Rute jech laj yalbe li Noemie: —Me chacoltaun batel, yu'un chibat ta trigoaltic, ta jq'uel me oy junuc jtuch' trigo chac'bun jtsob batel ti bu chcom ta tuch'el yu'une —xut. —Lec oy, batan tseb —xi itac'ov li sme'el'alibe.

Rut 2:2 Iomraidhean Croise

Génesis 32:6

C'alal sutic batel ti j'al-mantal j'ich'-c'opetique, xi laj yalbeic ya'i ti Jacobe: —Ay xa jc'oponcutic ti achi'il ta voq'uel Esaue. Ja' stuc xtal snupot ta be xchi'uc jvoc' (400) ta vo' svinictac.

Levítico 19:10

Mi ja'uc xabejel c'uxc'ulta ta j'ech'el ti sat uvatic ti c'alal ta xatul ti oy ta avosile. Mi ja'uc xabejel tsob ti lamal ta lumtique. Comuc xa ta sventa ti me'un mu'natetique xchi'uc ti jyanlumetique. Yu'un vu'un ti Ajvalil Diosun avu'unique.

Levítico 19:16

“Mu xapas ti xava'vunet ta spuquel slo'iltael ti achi'iltaque. “Mu xatic' aba ta smilel ti achi'ile. Yu'un vu'un ti Ajvalilune.

Levítico 19:9

“C'alal ta sta yorail ta xich' tuch'el ti ts'unubile, mi ja'uc xabejel tsob ta j'ech'el ti ats'unub ti oy ta avosile, mi ja'uc xabejel c'uxc'ulta ta j'ech'el ti bu to come.

Levítico 23:22

“C'alal ta xc'ot yorail ta stsobel ti ts'unubile, mu me xabejel-tsob ta j'ech'el ti oy ta avosile. Mi ja'uc xabejel-c'uxc'ulta ta j'ech'el ti bu come. Ch'an uto, ac'o comuc ta sventa ti me'unetique xchi'uc ti jyanlumetique. Yu'un vu'un ti Ajvalil Diosun avu'unique.”

Rut 2:3

Ti Rute bat ti bu xyaquet ti j'abteletic ta osiltique. Yochel ta xc'uxc'ultael ti bu javajtic ta xcom sjol ti ts'unubal yu'un ti jtsob-trigoe. Lec xa c'ot o yorail yu'un, yu'un ti osil ti bu taje, ja' yu'un ti Booz ti yuts' yalal ti Elimeleque.

Rut 2:7

Laj sjac'bun mi xu' ta xc'uxc'ulta batel trigo ti nabal ta spat ti jtsob-ts'unubale. Sob ic'luman xnabet talel toy talel c'ac'al yu'un ta c'uxc'ulajele, ti ja' to laj xcux uni jliquel le'e.

1 Samuel 1:18

—Colaval ta j'ech'el —xi laj stac' ti antse. Ts'acal to un, ti Anae sut batel ti bu lic ech'ele, c'ot ve'uc. J'ech'el nom c'ot ti vul o'ntonal yu'une.