Rut 1:2 - Bible in Tzotzil de Chamula

² Elimelec sbiinoj ti vinic taje. Noemí sbiinoj ti yajnile. Sbiic ti cha'vo' xnich'nabe, Mahlón sbi ti june, Quelión sbi ti xchibale. Scotolic efrateoetic ta x'albatic, liquelic ech'el ta Belén, ti c'ot nacliicuc ta Moabe.

Bible in Tzotzil de Chenalhó with Deuterocanon

² Li vinique ja' Elimelec sbi. Li yajnile ja' Noemí sbi. Yan li xnich'nabe ja' Mahlón xchi'uc Quelión sbiic. Ja' efrataetic, liquemic ta Belén ta yosilal Judá. C'alal ic'otic ta Moabe, te inaquiic o.

Rut 1:2 Iomraidhean Croise

Génesis 35:19

Ja' jech c'ot ta pasel cham ti Raquele. Laj yich' muquel ta sbelel Efrata, ti Belén sbi avi tana li'e.

Miqueas 5:2

Ti Diose xi ta xale: “Ja'uc ti vo'ote, jteclum Belén Efrata, ti xi avuni muc'ul ti oyot ta yosilal ti Judae, ta x'ayan talel ta atojol ti Ajvalil yu'un ti Israele, ti ta xvul ta loq'uel ta stojol sts'unobal ti vo'ne totil me'ile.”

Jueces 17:7

Ti ta jteclum Belene, oy jun jcotcovil querem snitilul ti Judae, ti liquem talel ta stojol ti levitaetique.

Jueces 3:30

Ja' jech c'ot ta pasel ti laj stsalic moabitaetic ti israeletique. Ts'acal to un, jalij chanvinic (80) jabil ti mu'yuc c'op ta banomil ti bu taje.

Rut 1:3

C'ot ta pasel cham ti Elimeleque, smalal ti Noemie, ti stuc xa com xchi'uc ti cha'vo' squereme.

Rut 1:5

Cham ti Mahlone xchi'uc ti Quelione, xch'ul tuc xa com ti Noemie, mi ja'uc xa junuc ti squeremtaque, mi ja'uc ti smalale.

Rut 2:1

Ti Noemie oy yuts' yalal ta sventa ti anima smalal Elimeleque, ti sbiinoj Booze, ti ja' jun c'ulej vinic ti caj tsacal xa'i sbae.

Rut 4:9

Va'i un, ti Booze xi laj yal ta sba ta sat ti moletique, xchi'uc ti c'u yepal joyolique: —Avi tana li'e, rexticooxuc acotolic ti ta jmanbe xrexto ti Noemie, ti Elimeleque, ti Quelione, xchi'uc ti Mahlone.

1 Samuel 1:1

Ta vitstic ta yosilal ti Efraín ti sbiinoj Ramae, nacal jun vinic ti ja' yuts' yalal ti Sufe, ti sbiinoj Elcanae. Taje, ja' xnich'on ti Jerohame, smom xtoc ti Elihue. Ti smuc'-ta-muc'tote, ja' ti Tohue, xnich'on ti Sufe, ti liquemic talel ta stojol snitilultac ti Efraine.

1 Samuel 17:12

Ja'uc taj une, oy jun vinic ta Belen ti sbiinoj Isaie, ti vulem xa xch'ulel ti c'alal yorail yochel ta yabtel ti Saule. Ti vinic taje, oy vaxaquib xnich'nab ti sbiinoj David ti jun ta scotole.

1 Samuel 17:21

Ti israeletique xchi'uc ti filisteoetique sq'uelojan sbaic lec ti xchololic ta jujuvoq'ue.